AWATINGENG 1:12 - KITTA KAREBA MADECENG

¹² “Eh sining tau iya laloé ri lalengngé, itai sibawa pénessaiwi! Engkaga silloppona passissa iya upéneddingiyé makkekkuwangngé, passissa iya napatakkennaé Puwangnge lao ri iyya, nasaba cai-Na iya battowa senna'éro?

AWATINGENG 1:12 ပူးပေါင်းရင်းမြစ်များ

MAZMUR 88:16

Mappammulai baiccu'ku manrasa-rasaka sibawa naincé amaténg, posoka tanggungngi pahukkungem-Mu.

YESAYA 13:13

Uwébbui matu ténré langié sibawa taggottang linoé polé ri onronna ri esso Uwappaitanna cai-Ku, Puwang Iya Pommakuwasaé.

YEREMIA 10:19

Gorai pabbanuwana Yérusalém, “Masero lota sibawa dé' nawedding majjappa. Riyolo riyasengngi makkedaé iyaé anrasa-rasangngé riyullé tanggungngi, padahal dé'.

YEREMIA 18:16

Iyaé wanuwaé purani napancaji mennang onrong iya mappakatau-taué, sibawa tuli mancajiwi akkéllé-kéllékeng. Sininna iya laloiyéngngi napaccilic-cilingngi matu ulunna nasaba métaui.

YEREMIA 30:23

Caina Puwangnge samanna anginraja, samanna anging masero iya majjallo'é kennai sining tau majaé, na dé' nasoro matu ri wettu dé'napa najajiyang sininna rancana-Na. Ri esso ri munri napahangngi matu umma'-Na gau'éro.

YEREMIA 30:7

Narapi esso maseroé, esso iya dé'é gaga padanna. Untu' umma'-Ku, panennengi iyaro essoé; iyakiya Upassalama'i matu mennang.”

YEREMIA 4:8

Rimakkuwannanaro, terino sibawa mpating, pakéni kaing karungngé tanrang masara. Nasaba caina Puwangnge iya malluwa-luwa'é dé'pa nasoro polé ri Yéhuda.

YEREMIA 48:27

Dé'ga nariyolo purani ricawa-cawai tau Israélié ri Moab sibawa ripetenna samanna mennang purai ripoléi mattengngang silaong sining pangaé?

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 2:1

Tinda'i Puwangnge ri laleng caina, Nasalipuriwi Sion sibawa pettang. Arajanna Israélié iya sittanré langié, purani Naggeppuwang ri linoé. Wettunna macai Puwangnge, muwi Bola-Na ri Sion dé'to Najampangiwi.

AWATINGENG 2:13

Oh Yérusalém, Kota Sion iya riyéloriyé, ruttungemmu silloppoi dolangengngé. Aga wedding upowada untu' mpéréngngi passaléwo? Saba', dé' naengka iya manrasa-rasaé pada-pada iko. Dé' tongeng gaga iya mullééngngi palisui keadaammu.

DANIEL 9:12

Tinda'ko situru pada-pada iya puraé Muwajjanciyang lao ri idi sibawa lao risining panguwasata. Purani Muhukkung Yérusalém lebbi matedde naiya muwi kota niga ri linoéwé.

YOEL 2:2

Iyaro essoé makalemmengngi namapettang, pennoi saléwu iya mallawu-lawué. Makkapoléngngi tentara incalé pada-pada ellung iya mallebba'é ri yasé'na bulué. Kajajiyang pada-padaéro dé' naengkapa, sibawa dé'to nakkoling matu lettu mannennungeng.

MATIUS 24:21

Ri esso-esso iya mappakatau-tauéro engka matu asussang battowa iya dé'éppa naengka nakajajiyang sipongenna linoé lettu makkekkuwangngé, sibawa dé' tona nakajajiyanna.