AWATINGENG 1:1 - KITTA KAREBA MADECENG

¹ Temmaka sino-sinona Yérusalém makkekkuwangngé, kota iya marowa senna'é riyolo. Riyolo riyattuwang ri yelle'na bangsa-bangsaé, makkekkuwangngé pada-padani jandaé. Riyolo kota iya kaminang ripakalebbié, makkekkuwangngé ripancaji atani.

AWATINGENG 1:1 ပူးပေါင်းရင်းမြစ်များ

1 ARUNG-NGARUNG 4:21

Tungke' kaluwarga mappunnai palla anggoro sibawa palla ara. Gangka tuwona Salomo ra'ya'é ri sininna Yéhuda sibawa Israélié polé ri Dan lettu ri Bersyéba tuwoi amang sibawa masennang. Saba' sininna arungngé ri seddé yajanna Efrat tunru'i ri aléna, sibawa sininna bangsaé polé ri wanuwa-wanuwaé ri seddé akkarungenna massellaowi sibawa aléna. Tanaé ri seddé yajanna Salo Efrat polé ri Tifsah ri wirinna Salo Efrat matteru liyajang ri kota Gaza ri Filistin lettu ri pakkasésénna Maséré, iya manenna nakuwasaiwi Salomo. Bangsa-bangsaé ri wanuwaéro tunru'i ri aléna sibawa makkamaja pakkasuwiyang. Barab-barang inanré iya napparelluwangngé Salomo tungke' esso iyanaritu 5.000 bang labbu nenné, sibawa 10.000 bang labbu kasara', 10 saping ripangkung, 20 saping ri padangngé, sibawa 100 bimbala. Ri lainnaéro, jongato, palando sibawa manu'-manu'.

2 ARUNG-NGARUNG 23:33

Maccappa'i apparéntanna Yoahas wettunna Nékho arung Maséré tawangngi ri Ribla, ri daéra Hamat, sibawa passai Yéhuda makkamaja pakkasuwiyang lao ri aléna singngéga 3.400 kilo péra' sibawa 34 kilo ulaweng.

2 ARUNG-NGARUNG 23:35

Untu' mpajai pakkasuwiyang iya natuntu'é Nékho arung Maséré, léléi sima Arung Yoyakim polé ri ra'ya'é situru amampungenna mennang tungke'-tungke'.

2 TAWARIKH 9:26

Nakuwasaiwi sininna arungngé ri daéra iya mallebba'é polé ri Salo Efrat lettu ri wanuwa Filistin sibawa pakkasésénna Maséré.

EZRA 4:20

Engka naengka napparénta arung-ngarung iya poré kuwaro sibawa makuwasaiwi sininna propinsi Efrat Yajang enrengngé pajoppai sima sibawa pakkasuwiyang.

NEHEMIA 5:4

Engkato makkeda, “Purani minreng dowi untu' waja manengngi simata iya napattentué arungngé untu' dare'ta sibawa palla anggoro'ta.

NEHEMIA 9:37

Sininna wassélé'na tanaéwé harusu'i riwéréng arung-ngarung wanuwaé. Sining panguwasaéro Muwakkai ri yasé'na umma'-Mu, selaku pahukkungenna dosata lao ri iko. Mapparéntai mennang siyélo-élo atinna ri aléta sibawa olokolo appunnangetta. Rimakkuwannanaro manrasa-rasaki makkekkuwangngé. penno acipireng sibawa asussang!”

MAZMUR 122:4

Kuwaniyé lao sining suku bangsaé, suku-suku bangsa napilé Puwangnge, untu' sukkuru lao ri Aléna situru sibawa paréntana.

YESAYA 14:12

Eh arung Babél, riyolo wéttowing éléko iya mattappaé, iyakiya makkekkuwangngé sempé'ni polé ri langié! Riyolo mucaui bangsa-bangsaé, iyakiya makkekkuwangngé riyappéyanni ri tanaé.

YESAYA 22:2

Dé' nasipato sininna kotaé mappésta-pésta sibawa gora marennu. Saba' sining pajuwammu iya maté ri laleng musuéwé dé' namaté nasaba mammusui.

YESAYA 3:26

Ri gerbang-gerbanna kotaé mabbaratai matu tauwé sibawa mpating, sibawa iyaro kotaé pada-padai matu makkunrai ripallusu-lusuiyé iya tudangngé ri tanaé.

YESAYA 49:21

Namumakkeda matu ri laleng ati, ‘Niga jajiyangngi iyaro ana'-ana'é untu' aléku? Dé'ga napura ateddéngenna ana'-ana'ku, sibawa dé'na wedding mémmana'na? Ritiwika ri laleng appalirengngé sibawa ripassala sibawa risalai alé-alé. Jaji polé kégi iyaro ana'-ana'é, sibawa niga pawekke'i mennang?’ ”

YESAYA 50:5

Puwangnge mpérékka pappéjeppu; dé' umaronta iyaré'ga giling polé ri Aléna.

YESAYA 52:2

Tokkonno polé ri awué, éh Yérusalém, akkeppikengngi awu iya maddeppéé ri alému. Leppessangngi ranté iya siyoéngngi ellommu, éh pabbanuwana Sion iya ritawangngé!

YESAYA 52:7

Temmaka sennanna mitai apolénna suroé; joppai malléttoiwi bulué sibawa tiwi karéba madécéng, karéba asaléwangeng, biritta asalamakeng untu' Sion; adanna, “Allataalamu Arung!”

YESAYA 54:4

Aja' mumétau, dé' muripakasiri matu; dé' muripakatuna matu sibawa masiri senna. Muwallupaiwi matu atemmatinuluremmu ri wettu malolomu; dé'na muwéngngerangngi asino-sinommu selaku janda.

YEREMIA 31:7

Makkedai Puwangnge, “Akkélong marennuno untu' Israélié, umma'-Ku – bangsa iya mapongngé polé ri sininna bangsaé. Puwélonni élong pappojiyangngé, sibawa abbirittanni: ‘Puwangnge pura passalama'i iya nasésaé polé ri umma'na.’

YEREMIA 40:9

Makkedani Gedalya lao ri mennang, “Dé' naparelluko métau untu' manyara lao ri tau Babél-é. Onro bawanno ri wanuwattaé, sibawa mancaji atanna arung Babél. Utanggukko salama matu.

YEREMIA 42:2

ri iyya sibawa makkeda, “Pa', pada-pada iya alénaé Bapa' mitai, riyolo maégaki, makkekkuwangngé céddé mani monro. Riyéllauwi Bapa' maélo massempajangekki lao ri Puwang Allataala iya nasompaé Bapa'. Assempajangekki iya risésaéwé,

YEREMIA 44:2

Iyanaé pasenna Puwang Iya Pommakuwasaé, Allataalana Israélié, lao ri mennang, “Alému pura sabbingngi abala iya Upateppaé ri yasé'na Yérusalém sibawa sininna kota laingngé ri Yéhuda. Lettu makkekkuwangngé iyaro kota-kotaé ri laleng keadaang ancuru mupi dé'gaga monroiwi.

YEREMIA 44:6

Iyanaro saba'na Utuppa'i cai-Ku sibawa apéddarak-Ku ri yasé'na kota-kotana Yéhuda sibawa sining lalengngé ri Yérusalém. Utunu manengngi angkanna mancaji sésa-sésa sibawa makabuttu pada-pada iya weddingngé riita makkekkuwangngéwé.

YEREMIA 50:23

Ripalu-paluini sininna linoé gangka ancuru ri Babél, iyakiya makkekkuwangngé iyaro palu-palué mapoloni! Tassélenni sininna bangsaé méngkalingai aga iya kajajiyangngé sibawa wanuwaéro.

YEREMIA 9:11

Makkedai Puwangnge, “Upancajiwi matu Yérusalém ruttungeng onronna massubbu asu ale'é. Kota-kotana Yéhuda mancaji masino-sinoi matu, onrong iya dé'énna nariyonroi.”

AWATINGENG 1:19

Uwobbii sining silaong maréppé'ku iyakiya nabali'bellarika mennang. Sining imangngé sibawa pamimping bangsaé maté manenni ri lalel-laleng kotaé. Wettunna sappa inanré untu' mattahangengngi nyawana.

AWATINGENG 2:1

Tinda'i Puwangnge ri laleng caina, Nasalipuriwi Sion sibawa pettang. Arajanna Israélié iya sittanré langié, purani Naggeppuwang ri linoé. Wettunna macai Puwangnge, muwi Bola-Na ri Sion dé'to Najampangiwi.

AWATINGENG 2:10

Pada tudanni tomacowa-cowana kotaé mammekko ri tanaé; namporiwi awu ulunna mennang, sibawa paké kaing karung tanrang masara. Muwi ana'-ana'daraé cannunnuto lettu ri tanaé.

AWATINGENG 4:1

Ulaweng iya lala'-lala'é mancaji massalawuni batu-batunna Bolana Allataala tattale'ni ri lalengngé.

AWATINGENG 5:16

Dé'ni gaga abangkaketta, macilakaki nasaba madosaki.

YEHEZKIEL 26:16

Naitana totomu, tokkongngi matu sining arung polé ri bangsa-bangsa wiring tasi'é polé ri kadéra arajanna, ludungngi jumba arajanna sibawa wajunna iya massulangngé, nanatudang ténré ri tanaé. Métau senna'ni matu mennang angkanna dé' naulléi tennang.

YEHEZKIEL 26:2

“Eh tolino dé'é namannennungeng, purani gora-gora pabbanuwana Tirus namakkedato, ‘Ancuru'ni Yérusalém! Awatangenna ri laleng dangkangengngé teddénni! Dé'na namancaji saingatta!’ ”

YEHEZKIEL 5:5

Makkedai Puwang Iya Pommatanré, “Itai, iyanaé Yérusalém. Iyaé kotaé Utaroi ri posina linoé, sibawa wanuwa-wanuwa laingngé ri mattulilinna.

ANGIMANGENG 26:31

Upinrai kota-kotamu mancaji goppo-goppo ruttungeng, sining onrong assompammu Uwancuru'i sibawa dé' Utarimai sining akkarobammu.

ANGIMANGENG 26:33

Maélo-Ka paompo musu ri wanuwammu sibawa passara-sarakko ri wanuwa-wanuwa laingngé. Kaboi matu sining dare'mu, sibawa rileppessangngi kota-kotamu mancaji goppo ruttungeng.

ZEFANYA 2:15

Iyanaro kajajiyang matu ri kota iya marowaéro sibawa iya mangga'éngngi aléna amang sibawa tennang. Nasengngi pabbanuwana makkedaé iyaro kotana mennang kota kaminang battowa ri linoé. Temmaka sino-sinona daéraéro, dé'gaga monroiwi sangadinna olokolo ale iya massarangngé kuwaro! Tungke' tau iya laloé ri kotaéro tasséleng matu sibawa taggeringkering.

WAHYU 18:7

Wéréngngi anrasa-rasang sibawa saraninnawa iya padaé égana sibawa arajangngé sibawa asugireng iya nabbéréyangngé lao ri aléna muto. Saba' tuli makkedai bawang lao ri aléna, ‘Iyya'naé arung makkunrai iya mapparéntaé! Tenniyaka janda; dé' upéneddingiwi matu atassinnaurengngé!’