ASSURENG 9:9 - KITTA KAREBA MADECENG

⁹ Natassiyana matu iyaro awué ri sininna tana Maséré. Napaompona matu iyaro awué sining lettang iya mabbettué mancaji lo mannana ri tauwé sibawa olokolo'é.”

ASSURENG 9:9 ပူးပေါင်းရင်းမြစ်များ

AYUB 2:7

Nalaona Ibillisi' polé ri yolona Puwangnge, sibawa paompo lettang ri sininna tubunna Ayub polé ri palakajéna lettu ri bottoulunna.

ASSURENG 9:10

Nanalana awu Musa sibawa Harun, namangolo ri arungngé. Nassiyamporenni Musa iyaro awué ri yelle'é. Naompona sining lettang iya mabbettué mancaji lo mannana ri tauwé sibawa olokolo'é.

ASSURENG 9:8

Makkedani Puwangnge lao ri Musa sibawa Harun, “Alano siyagangngaré kemmona awu polé ri onrong attunungngé. Ri yolona arungngé, harusu'i nassiyamporeng Musa iyaro awué ri yelle'é.

ULANGENG 28:27

Nahukkukko matu Puwangnge sibawa sining lettang pada-pada iya Napogau'é lao ri tau Maséré'é. Pennoi matu watakkalému sibawa lo mannana nenniya puru-puru iya makate'é, iyakiya dé'é gaga pabburana.

ULANGENG 28:35

Puwangnge matu mébbui ajému penno sibawa lo mannana iya mapeddié sibawa dé' nawedding majjappa; polé ri ajé lettu ri ulué pennoko matu sining lettang.

WAHYU 16:2

Laoni malaéka' mammulangngé sibawa tiri'i lise' onronna ri linoé. Naompona sining lettang iya maseroé sibawa maseroé angéttukenna ri sininna tauwé iya mappunnangiyé tanranna olokolo'éro, sibawa sining tau iya sompaéngngi dato'-dato'na.