ASSURENG 9:3 - KITTA KAREBA MADECENG

³ maélo-Ka papolé sai iya maseroé lao ri sininna olokolo'mu, anyarang, kaleddé, unta, saping, bimbala sibawa bémbé'mu.

ASSURENG 9:3 ပူးပေါင်းရင်းမြစ်များ

KAJAJIYANG 47:17

Nanabbéréyanni mennang olokolo'na lao ri Yusuf, nanawérénni mennang inanré naselaku passulléna anyarang, bimbala, bémbé, saping sibawa kaleddé'na mennang. Iyaro taungngé mabbéréni Yusuf inanré lao ri mennang nanawajai mennang sibawa olokolo.

MAZMUR 39:10

Mammekkoka sibawa dé' natattimpa bawaku, saba' Iko ritu majara'ka.

ASSURENG 5:3

Nakkeda Musa sibawa Harun, “Purani nappaitang aléna Allataalana tau Ibranié lao ri idi. Palaloni lao ri padang kessi'é sibbéla tellungngesso allalengeng untu' makkasuwiyang akkarobangeng lao ri Puwang, Allataalata. Rékko dé' naripogau' iyaro gau'é, naunoki matu sibawa lasa iyaré'ga musu.”

ASSURENG 7:4

Rimakkuwannanaro Uhukkungngi matu Maséré sibawa pahukkungeng iya matane'é, nainappa Utiwi sininna bangsa Israélié, umma'-Ku, massu polé ri wanuwaéro.

ASSURENG 8:19

angkanna sining ahli passéhéré'éro makkeda lao ri arungngé, “Iyaé pangkaukenna Allataala.” Iyakiya iyaro arungngé matedde atiwi, napada-pada iya pura napowadaé Puwangnge, iyaro arungngé dé' namaélo bati-batiwi ada-adanna Musa sibawa Harun.

AMOS 4:10

Kirikka sai lao ri iko pada-pada iya Ukiringngé lao ri Maséré. Uwunoi sining tau malolomu ri laleng ammusurengngé, sibawa rirampasa'i sining anyarammu. Ulisekiwi akkémammu sibawa sining bakké iya makebbongngé baunna. Namuni makkuwaro, dé'to mulisu lao ri Iyya.

RIWAYA'NA RASUL-RASUL-E 13:11

Itai makkekkuwangngé, Puwangngé maélo hukkukko! Butako matu, angkanna dé' mulléi mitai tappa essoé siyagangngaré ittana.” Iyatoro wettué napéneddingiwi Elimas engka saléwu iya mapettangngé tongkoi matanna, angkanna makkapése'ni joppa sappa tau untu' rénréngngi.

1 SAMUEL 6:9

Pénessaiwi lalenna; rékko iyaro Petti Assijancingngé natiwii mattuju ri wanuwanna muto, iyanaritu kota Bét-Sémes, iyaro bettuwanna makkedaé Allataalana tau Israélié ritu pura papolé acilakang iya maseroéro lao ri idi. Iyakiya rékko iyaro padatié dé' nattuju kuwaro, taissenni matu makkedaé tenniya polé ri Allataalana Israélié, sangadinna nasitujuwammi bawang.”