ASSURENG 8:9 - KITTA KAREBA MADECENG

⁹ Nappébali Musa, “Masennang atikku maélo massempajang untu' Puwakku. Pattentuni wettunna, nauwassempajangengngi matu Puwakku, sining pejaba'é sibawa ra'ya'é. Naripaleppe matu Puwakku polé risining cuppangngéro, nadé'na gaga matu tassésa, sangadinna ri Salo Nil.”

ASSURENG 8:9 ပူးပေါင်းရင်းမြစ်များ

1 ARUNG-NGARUNG 18:25

Nanakkeda Elia lao ri nabi-nabi Baal-éro, “Nasaba iko maégako, ikona riyolo piléi sapinna sibawa passadiyai, iyakiya aja' mupalluwa'i apié ri ajunna. Purairo assempajanno lao ri déwatamu.”

ASSURENG 7:25

Labe'ni pitungngesso purana Puwangnge natanroi Salo Nil.

ASSURENG 8:10

Nappébali iyaro arungngé, “Assempajanno untu' aléku baja.” Nakkeda Musa, “Maéloka pogau'i aga iya naéllauwé Puwakku. Nanaissengngi matu Puwakku makkedaé dé'gaga Allataala laingngé pada-padanna Puwangnge, Allataalata.

ASSURENG 8:11

Napaleppe'i matu Puwakku, sining pejaba'é sibawa ra'ya'é polé risining cuppangngéro. Dé'na matu gaga cuppang risining bolaé, sangadinna ri Salo Nil.”

ASSURENG 8:8

Nariyobbina Musa sibawa Harun ri arungngé, namakkeda, “Assempajanno lao ri Puwangnge kuwammengngi napallennye'i sining cuppangngéwé, naupalaloi bangsamu lao untu' makkasuwiyangeng akkarobangeng lao ri Puwangnge.”

YESAYA 10:15

Iyakiya makkedai Puwangnge, “Naulléga wasé mabbangkakengngi aléna lao ri tau iya pakééngngi? Aga lebbi pentingngiga garagajié naiya tau iya makkégunangngéngngi? Tenniya tarasulué makkai tauwé, sangadinna tauwé ritu makkai tarasulué.”

ABBILANGENG 14:20

Namappébali Puwangnge, “Makessinni, maélo-Ka maddampengengngi mennang pada-pada iya muwéllauwé.

HAKING-HAKING 7:2

Makkedai Puwangnge lao ri Gidéon, “Maéga senna ana' buwamu. Dé' umaélo mpéréngngi apakalang mennang lao ri tau Midiangngé, saba' napikkiri'i matti mennang pakalai nasaba awatangeng rialéna, angkanna dé' napojika.