ASSURENG 8:4 - KITTA KAREBA MADECENG

⁴ Iyaro sining cuppangngé luppe'i matu sibawa mémpériko, sininna pejaba'é sibawa ra'ya'é.’ ”

ASSURENG 8:4 ပူးပေါင်းရင်းမြစ်များ

1 ARUNG-NGARUNG 13:6

Namakkedana Arung Yérobéam lao ri nabiéro, “Tulunna muwassempajangekka ri Puwang Allataalamu. Ellauni paressé babuwa-Na untu' pajjappai taiyyaku!” Namassempajanna iyaro nabié lao ri Puwangnge, namajjappana taiyyana arungngé.

MAZMUR 107:40

Puwangnge pakariyawai sining panguwasana, sibawa suroi mennang sollé ri padang makkale-ale iya dé'é gaga lalenna.

ASSURENG 10:17

Addampengenni dosaku iyaé sisengngé, sibawa assempajanno lao ri Puwang Allataalamu, kuwammengngi nalai polé ri iyya pahukkungeng iya paunoéwé.”

ASSURENG 8:24

Papoléni Puwangnge lale iya maéga senna'é ri saorajana arungngé sibawa ri bolana sining pejaba'é. Sininna wanuwa Maséré manrasa-rasa senna'ni nasaba iyaro lale'é.

ASSURENG 8:3

Pennoi matu Salo Nil sibawa cuppang, angkanna iyaro cuppangngé massui polé ri uwai nauttama ri laleng saorajamu, ri laleng bili' sibawa onrong atinrommu, ri laleng bolana sining pejaba'é sibawa ra'ya'é, mala ri laleng onrong attunung rotié sibawa panci-pancié.

ASSURENG 8:5

Makkedai Puwangnge lao ri Musa, “Suroi Harun makkajuwangngi tekkenna ri yasé'na sining salo'e, sépe'-sépe'é sibawa sining kolangngé kuwammengngi napada cumpa cuppangngé sibawa pennoiwi tana Maséré.”

ASSURENG 9:28

Assempajanno lao ri Puwangnge; genne'ni anrasa-rasatta nasaba guttu sibawa bosi ése'éwé. Maéloka leppessakko lao. Aja'na muwonrona kuwaé.”

YESAYA 19:11

Madonggo senna pamimping-pamimpinna kota Zoan! Tau Maséré iya kaminang mapanré mabbéréi pangaja iya madonggoé! Barani senna'i mennang powadangngi arungngé makkedaé wijannai mennang sining tau mapanré sibawa sining arungngé ri wettu riyolo!

YESAYA 19:22

Naajara'i matu Puwangnge bangsa Maséré'é, iyakiya puranana napajjappai matu mennang. Balé'i matu lao ri Puwangnge, sibawa méngkalingai matu sempajanna mennang enrengngé mpéréngngi ajjappang.

YESAYA 23:9

Puwang Iya Pommakuwasaé, Aléna ritu malai iyaro apettungngé. Napettuiwi untu' paccappa'i atemponna pabbanuwana lao ri sininna wassélé iya puraé nalolongeng mennang, sibawa pakariyawai sining tau iya malebbié ri linoé.

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

ABBILANGENG 21:7

Nanapoléna iyaro bangsaé mangolo ri Musa sibawa makkeda, “Madosani nasaba mannoko'-noko'ki lao ri Puwangnge sibawa iko. Assempajanno lao ri Puwangnge kuwammengngi naripabélai iyaé sining ulaé polé ri idi.” Nanassempajangenni Musa iyaro bangsaé.