ASSURENG 7:5 - KITTA KAREBA MADECENG

⁵ Nanaissenni matu tau Maséré'é makkedaé Iyya'naé Puwang, wettuk-Ku hukkungngi mennang sibawa tiwii Israélié massu polé ri wanuwanna mennang.”

ASSURENG 7:5 ပူးပေါင်းရင်းမြစ်များ

MAZMUR 138:7

Wettukku nakenna asussang, Muwattahangengngi atuwokku. Muéwai balikku iya mattengngangngé majjallo sibawa passalama'ka sibawa akuwasam-Mu.

MAZMUR 9:16

Bangsa-bangsa iya dé'é naissek-Ko sempé'i ri laleng kalebbong iya aléna muto kaliwi; tassiyoi mennang ri laleng siyona muto.

ASSURENG 10:2

sibawa kuwammengngi weddikko curitai lao ri ana' eppomu pékkugi-Ka macculé-culéiwi bangsa Maséré'é sibawa sining anu makalallaingngéro. Namuwisseng manengngi matu makkedaé Iyya'na ritu Puwang.”

ASSURENG 10:7

Makkedani sining pejaba'é lao ri arungngé, “Gangka kégi iyaro tauwé harusu sussaiki? Leppessangngi sining tau Israéliéro lao untu' massompa ri Puwang, Allataalana mennang. Itani ancuru'ni wanuwattaé!”

ASSURENG 14:18

Nanaissengngi matu tau Maséré'é makkedaé Iyya'na Puwang.”

ASSURENG 14:4

Upancajiwi matu matedde ati angkanna nalellukko. Iyakiya maélo-Ka mappaitangngi aku wasak-Ku ri yasé'na arung Maséré sibawa tentarana, nanaissengngi matu mennang makkedaé Iyya'na Puwang.” Nanapogau'ni tau Israélié pada-pada iya napparéntangngé Puwangnge lao ri mennang.

ASSURENG 18:8

Nacuritani Musa lao ri matuwanna sininna séuwa-séuwaé iya napogau'é Puwangnge lao ri arungngé sibawa bangsa Maséré'é untu' passalama'i bangsa Israélié. Nacuritangeng toni passalenna sining asukkarakeng iya nangoloiyé bangsa Israélié ri tengnga laleng, sibawa pékkugi Puwangnge passalama'i mennang.

ASSURENG 3:20

Iyakiya Upakéi matu akuwasak-Ku, sibawa hukkungngi Maséré sibawa sining abala maseroé iya Upapolé kuwaro. Purairo, napalalono matu joppa.

ASSURENG 6:1

Mabbicarani Allataala lao ri Musa, “Iyya'na Puwang.

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

ASSURENG 7:17

Rimakkuwannanaro makkeda makkuwaiyé Puwangnge, ‘Polé ri aga iya Upogau'é matti, muwissengngi matu makkedaé Iyya'na Puwang.’ Uwunrui matu uwaina saloé sibawa tekkengngéwé, natappinra matu uwai mancaji dara.

ASSURENG 8:10

Nappébali iyaro arungngé, “Assempajanno untu' aléku baja.” Nakkeda Musa, “Maéloka pogau'i aga iya naéllauwé Puwakku. Nanaissengngi matu Puwakku makkedaé dé'gaga Allataala laingngé pada-padanna Puwangnge, Allataalata.

ASSURENG 8:19

angkanna sining ahli passéhéré'éro makkeda lao ri arungngé, “Iyaé pangkaukenna Allataala.” Iyakiya iyaro arungngé matedde atiwi, napada-pada iya pura napowadaé Puwangnge, iyaro arungngé dé' namaélo bati-batiwi ada-adanna Musa sibawa Harun.

ASSURENG 8:22

Iyakiya maélo-Ka passangadiwi daéra Gosyén, onrong naonroiyé umma'-Ku. Kuwaro dé'gaga matu lale, kuwammengngi muwissengngi makkedaé Iyya, Puwang, iya pogau'éngngi iyaro.

YEHEZKIEL 25:17

Uhukkungngi matu mennang sibawa matane senna nenniya pallessui pakkabale'-Ku narapi cau-Ka. Rékko napérasai mennang cai-Ku, naissennitu mennang makkedaé Iyya ritu Puwang.”

YEHEZKIEL 28:22

Palettu'i lao ri pabbanuwana makkedaé Iyya Puwang Iya Pommatanré makkeda lao ri mennang, ‘Iyya'é balimmu, éh Sidon. Napoji-Ka matu sining tauwé nasaba tindakak-Ku lao ri iko. Wettuk-Ku hukkungngi pabbanuwamu, naissengngi matu mennang makkedaé Iyya ritu Puwang iya mapaccingngé.

YEHEZKIEL 32:15

Uppanna Maséré Upancajiwi padang kessi iya masino-sinoé, enrengngé Upaccappu sininna iya monroé kuwaro, naissengngi matu mennang makkedaé Iyya ritu Puwang.

YEHEZKIEL 36:23

Uwappaitangngi matu apaccingenna asek-Ku iya battowaéro, aseng iya puraé mucarépai ri tengngana bangsa-bangsaé, nanaissenni mennang makkedaé Iyya Puwang. Iyya, Puwang Iya Pommatanré pura mabbicara. Upakéko matu untu' mappaitangngi lao ri bangsa-bangsaé makkedaé mapaccik-Ka Iyya'é, Puwang Iya Posséuwaé.

YEHEZKIEL 39:22

Mappammulai wettuéro naissengngi matu tau Israélié makkedaé Iyya ritu Puwang Allataalana mennang.

YEHEZKIEL 39:7

Iyakiya ri tengnga-tengngana tau Israélié, Upannessai matu asek-Ku iya mapaccingngé, na iyaro asek-Ku dé'na matu narirotaki. Nanaissengngi bangsa-bangsaé makkedaé Iyya ritu Puwang, Allataala iya mapaccingngé polé ri Israélié.”