ASSURENG 7:3 - KITTA KAREBA MADECENG

³ Iyakiya maélo-Ka pancajiwi arungngé matedde ati. Dé' nabati-batiko matu, namuni papolé-Ka maéga abala ri Maséré.

ASSURENG 7:3 ပူးပေါင်းရင်းမြစ်များ

NEHEMIA 9:10

Lao ri arung Maséré Mupogau'i gau'-gau' iya dé'é padanna, makkuwatoro lao ri pegawé nenniya ra'ya' wanuwanna, saba' Muwissengngi pékkugi umma'-Mu ripeddiri ri mennang. Nakalabbani asem-Mu lettu essoéwé.

MAZMUR 135:9

Naébbui kuwaro maéga anu makalallaing sibawa tanrang untu' hukkungngi arungngé sibawa sininna pegawénna.

MAZMUR 78:12

Ri yolona toriyolona, mébbui Allataala anu makalallaing ri wanuwa Maséré, ri tanéténa Zoan.

ASSURENG 11:10

Naébbuni Musa sibawa Harun sininna anu makalallaingngéro ri yolona arungngé, iyakiya Puwangnge mébbui matedde ati, angkanna dé' namaélo palaloi tau Israélié salaiwi wanuwanna.

ASSURENG 11:9

Nakkeda Puwangnge lao ri Musa, “Dé' nabati-batiwi matu arungngé ada-adammu, kuwammengngi weddik-Ka mébbu lebbi maéga anu makalallaing ri sininna Maséré.”

ASSURENG 14:4

Upancajiwi matu matedde ati angkanna nalellukko. Iyakiya maélo-Ka mappaitangngi aku wasak-Ku ri yasé'na arung Maséré sibawa tentarana, nanaissengngi matu mennang makkedaé Iyya'na Puwang.” Nanapogau'ni tau Israélié pada-pada iya napparéntangngé Puwangnge lao ri mennang.

ASSURENG 3:20

Iyakiya Upakéi matu akuwasak-Ku, sibawa hukkungngi Maséré sibawa sining abala maseroé iya Upapolé kuwaro. Purairo, napalalono matu joppa.

ASSURENG 4:21

Makkedani Puwangnge lao ri Musa, “Purano uwéréng akuwasang untu' mébbu sining anu makalallaingngé. Jaji rékko lisuno ri Maséré matti, pogau'ni sininna anu makalallaingngéro ri yolona arung Maséré. Iyakiya upancajiwi matu matedde ati, angkanna dé' namaélo palaloi iyaro bangsaé lao.

ASSURENG 4:29

Nanalaona Musa sibawa Harun ri Maséré sibawa paddeppungengngi sininna pamimping Israélié.

ASSURENG 4:7

Nanakkeda Puwangnge, “Puttama'i paimeng limammu ri laleng wajummu.” Napogau'ni Musa makkuwaro, na wettunna napassusi paimeng, iyaro limaé majjappani.

ASSURENG 7:13

Namuni makkuwaro, tette'i arungngé matedde ati sibawa dé' namaélo bati-batiwi ada-adanna Musa sibawa Harun, pada-pada iya pura napowadaé Puwangnge.

ASSURENG 9:16

Iyakiya Uleppessakko tuwo kuwammengngi weddik-Ka mappaitangngi akuwasak-Ku lao ri iko, angkanna tarompo asek-Ku ri sininna linoé.

AMSAL 21:1

Pada-pada Puwangnge matoro'i uwai saloé kuwammengngi namassolo, situru élo-Na, makkuwatoro Napimpingngi pikkiranna arungngé.

YESAYA 51:9

Tokkonni oh Puwang, tulukki, passalama'ki sibawa akuwasam-Mu. Tokkonni pada-pada riyolo wettunna Mureppo Rahab sibawa gajangngi iyaro naga tasi'é gangka maté.

MIKHA 7:15

Ebbuno anu makalallaing untu' idi, oh Puwang, pada-pada iya Mupogau'é riyolo wettunna Mutiwiki massu polé ri Maséré.

YOHANES 4:48

Nakkeda Yésus lao ri pegawé saorajaéro, “Rékko dé' muwitai anu makalallaingngé, dé' mumateppe.”

RIWAYA'NA RASUL-RASUL-E 2:22

Saudara-saudara tau Israélié! Engkalingai aga iya upowadaé: Yésus tau Nazarét-éro pura riwérénni jamang ri Allataala untu' saudara. Iyaro manessa senna' risining anu makalallaingngé sibawa gau'-gau' dé'é padanna iya napogau'é Allataala ri tengnga-tengngamu naolai iyaro Yésus. Iya manennaro aléna saudara misssengngi.

RIWAYA'NA RASUL-RASUL-E 7:36

Musa iyanaro pimpingngi bangsa Israélié massu polé ri Maséré' sibawa pogau' maéga anu makalallaing sibawa gau'-gau' dé'é padanna ri Maséré', ri Tasi' Cella'é sibawa ri padang kessi'é patappulo taung ittana.

ROMA 15:19

iya nasibawangngé gau'-gau' makalallaing sibawa gau'-gau' iya dé'é padanna; iya manennaro poléi ri akuwasanna Rohna Allataala. Karéba Madécéngngé passalenna Kristus pura manenni uwabbirittang lao ri risining tauwé, mappammulai ri Yérusalém lettu ri Ilirikum.

ROMA 9:18

Jaji, maressé babuwai Allataala lao riséddié tau, rékko naéloriwi Allataala makkuwaro. Sibawa Allataala nassabariwi séddié tau nancaji matedde ati, rékko napuwéloi Allataala makkuwaro.

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

ULANGENG 7:19

Engngerangngi sining abala maseroé iya alémué sabbingngi, sining anu makalallaingngé, sibawa awatangeng battowaé iya nakkégunangngé Puwang Allataalamu untu' paleppe'ko. Makkuwatoro Puwang Allataalamu tinda matu lao ri sininna bangsaé iya muwétauriyé.