ASSURENG 5:3 - KITTA KAREBA MADECENG

³ Nakkeda Musa sibawa Harun, “Purani nappaitang aléna Allataalana tau Ibranié lao ri idi. Palaloni lao ri padang kessi'é sibbéla tellungngesso allalengeng untu' makkasuwiyang akkarobangeng lao ri Puwang, Allataalata. Rékko dé' naripogau' iyaro gau'é, naunoki matu sibawa lasa iyaré'ga musu.”

ASSURENG 5:3 ပူးပေါင်းရင်းမြစ်များ

2 ARUNG-NGARUNG 17:25

Wettunna mennang bunge'-bunge' monro kuwaro dé' mennang napakalebbii Puwangnge; iyanaro saba'na napapolé Puwangnge singa-singa untu' luruiwi sibagiyang polé ri mennang.

2 TAWARIKH 30:8

Aja' mumatedde ati pada-pada mennang, iyakiya turusiwi Puwangnge. Laono ri Yérusalém, ri Bolana Puwangnge iya puraé napallaing Puwang Allataalamu untu' Aléna lettu mannennungeng. Laono mai massompa ri Aléna kuwammengngi nasoro cai-Na lao ri iko.

EZRA 7:23

Tinda'no sibawa matutu ri laleng passadiyai sininna séuwa-séuwaé iya naéllauwé Allataala panguwasaé ri surugaé untu' Bolana, kuwammengngi aja' Namacai lao ri iyya iyaré'ga lao risining tau iya mapparéntaé ri munrikku.

ASSURENG 3:18

Naéngkalingai matu umma'-Ku ada-adammu. Nainappako silaong sining pamimpinna Israélié harusu lao mangolo ri arung Maséré sibawa makkeda lao ri aléna: ‘Puwang, Allataalana tau Ibranié poléni pannessai aléna ri idi. Makkekkuwangngé palaloni lao sibbéla tellungngesso allalengeng ri padang kessi'é untu' makkasuwiyangeng akkarobangeng lao ri Puwangnge, Allataalata.’ ”

ASSURENG 7:16

Powadangngi iyaro arungngé: Puwang, Allataalana tau Ibranié, suroka untu' palettu'i ri Puwakku kuwammengngi napalaloi umma'-Na lao untu' massompa ri Aléna ri padang kessi'é. Iyakiya lettu makkekkuwangngé dé' namaélo méngkalingai Puwakku.

ASSURENG 8:1

Nanakkeda Puwangnge lao ri Musa, “Laono mangolo ri arungngé namupalettukengngi iyaé pasengngé: ‘Palaloni umma'-Ku lao untu' massompa ri Iyya.

ASSURENG 8:20

Makkedai Puwangnge lao ri Musa, “Laono baja maélé senna sita arungngé wettunna nonno ri saloé, namupalettukengngi adak-Kué: ‘Palaloi umma'-Ku lao massompa ri Iyya.

ASSURENG 8:27

Harusu'ki lao ri padang kessi'é bélana tellungngesso allalengeng untu' makkasuwiyangeng akkarobangeng lao ri Puwang Allataala, pada-pada iya Napparéntangngé lao ri idi.”

YEHEZKIEL 6:11

Makkedai Puwang Iya Pommatanré, “Messéno! Mpatinno! Terino sibawa masé nasaba sininna ja nenniya atunang iya puraé napogau' bangsa Israélié. Matéi matu mennang nasaba musu, akkadéreng sibawa sai.

ANGIMANGENG 26:25

Maélo-Ka paompo musu ri tengnga-tengngamu untu' hukkukko nasaba purai muwajjalékkai assijancingek-Ku sibawa iko. Sibawa rékko maddeppungekko ri kotamu untu' sappa allinrungeng, maélo-Ka papolé lasa iya dé'é nawedding ripajjappa, angkanna manyarako lao ri balimmu.

ULANGENG 28:21

Sisullé-sullé lasaé kennako matu, angkanna paccappurenna dé' muwi séddi tau polé ri iko monro mupa ri wanuwa iya mutudangiyéro.