ASSURENG 40:34 - KITTA KAREBA MADECENG

³⁴ Nananonnona ellungngé tongkoi Kémana Puwangnge, sibawa pennoni iyaro Kémaé sibawa cahaya ahadérékenna Puwangnge.

ASSURENG 40:34 ပူးပေါင်းရင်းမြစ်များ

2 SAMUEL 7:6

Sipongenna Upaleppe bangsa Israélié polé ri Maséré lettu makkekkuwangngé, dé'pa naéngka Uwonro ri laleng séddié bola, sangadinna tuli sollé sibawa monro riséddié kéma.

2 TAWARIKH 7:2

angkanna dé' naulléi sining imangngé muttamakiwi.

MAZMUR 26:8

Upojiwi Bola-Mu, oh Puwang, onrom-Mu monro sibawa penno arajang.

ASSURENG 14:24

Denniyarinnana makkitani Puwangnge polé ri alliri apié sibawa ellungngé lao ri tentara Maséré'é nanapakacauwi.

ASSURENG 16:10

Ri wettu mabbicarana mupa Harun lao ri iya manenna, makkitani mennang lao ri padang kessi'é natappa paitani cahayana Puwangnge ri laleng ellungngé.

ASSURENG 25:8

Suroi iyaro bangsaé mébburek-Ka séddi kéma, kuwammengngi weddik-Ka monro ri tengngana mennang.

ASSURENG 29:43

Kuwaro maélo-Ka siruntu sibawa bangsa Israélié, sibawa cahaya ahadérékek-Ku pancajiwi matu iyaro onrongngé mapaccing.

ASSURENG 33:9

Muttama'nana Musa, nonnoni alliri ellungngé sibawa mappésau ri sumpanna Kémaé. Polé ri ellungngéro mabbicarai Puwangnge sibawa Musa.

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

YESAYA 6:4

Saddanna mennang mébbui pallanggana Bolana Puwangnge ténré, sibawa iyaro Bolana Puwangnge pennoi rumpu.

YEHEZKIEL 10:4

Cahaya pawilo iya tanrangiyéngngi ahadérékenna Puwangnge mattappai polé risining kérub-éro sibawa létté ri sumpang muttama'é ri Bolana Puwangnge, angkanna seddéna mancaji macakka senna.

ANGIMANGENG 16:2

adan-Na, “Palettukengngi silessuremmu Harun makkedaé banna ri wettu iya ripattentué weddingngi muttama ri laleng Bili' Pommapaccingngé iya rilacce'é sibawa kaing paddenring, nasaba kuwaniro uwappaitang alé-Ku sibawa ellung ri yasé'na pattongkona Petti Assijancingngé. Rékko najjalékkaiwi Harun iyaro paréntaé, matéi matu.

HAGAI 2:7

Upawéwang manengngi matu sininna bangsaé sibawa ritiwii matu waramparanna lao Kumaiyé, angkanna pennoi matu Bola-Ku sibawa asugirenna mennang.

HAGAI 2:9

Bola-Ku iya mabarué lebbi magelloi matu naiya riyoloé, na-Uwabbéréyangngi matu kuwaé adaméngengngé sibawa adécéngengngé lao ri bangsa-Ku.” Puwang Iya Pommakuwasaé pura mabbicara.

ABBILANGENG 7:89

Tungke'-tungke' Musa muttama ri Kémana Puwangnge untu' mabbicara sibawa Puwangnge, naéngkalingai saddanna Puwangnge iya makkedaé lao ri aléna polé ri yasé'na pattongkona Petti Assijancingngé ri yelle'na iya duwa dato'-dato' kérub-é.

ROMA 9:4

Mennang iyanaritu umma'-Na iya napilé sibawa Allataala pancajiwi mennang ana'-ana' ri Aléna, enrengngé pannessai akuwasan-Na lao ri mennang. Pakangkai assijancingeng sibawa mennang enrengngé mpéréngngi mennang hukkung-hukkung agama. Allataala paissengiwi lao ri mennang pékkugi mennang harusu' massompa sibawa pura toni mennang natarima janci-jancin-Na.

WAHYU 15:8

Na iyaro Bolana Allataala pennoi sibawa rumpu polé ri arajanna sibawa akuwasanna Allataala. Sibawa ri wettu engkana mupa abala iya natiwié iya pitu malaéka'éro dé'pa naccappa, dé'gaga muwi séddi tau iya mullé muttama ri laleng Bolana Allataala.

WAHYU 21:3

Nainappa uwéngkalinga sadda polé ri kadéra arajangngéro gora sibawa maloppo, “Makkekkuwangngé onronna Allataala iyanaritu silaongngi tolinoé! Tuwoi matu sibawa mennang, nancaji matu mennang umma'-Na. Aléna Allataala sionrong matu sibawa mennang enrengngé namancaji Allataalana mennang.