ASSURENG 40:18 - KITTA KAREBA MADECENG

¹⁸ Napalénne'ni Musa sining pallanggana, patettongngi sining rangkana, pasangngi sining ajunna mappoloé, sibawa patettongngi sining allirinna.

ASSURENG 40:18 ပူးပေါင်းရင်းမြစ်များ

2 SAMUEL 7:6

Sipongenna Upaleppe bangsa Israélié polé ri Maséré lettu makkekkuwangngé, dé'pa naéngka Uwonro ri laleng séddié bola, sangadinna tuli sollé sibawa monro riséddié kéma.

ASSURENG 40:17

Na ri tanggala séddi uleng séddi ri laleng taung maduwaé nasalainnana bangsa Israélié Maséré, ripasanni Kémana Puwangnge.

ASSURENG 40:19

Nainappa napallebba pabbingeng Kémaé sibawa pattongko bagiyang saliwenna ri yasé'na pada-pada iya napparéntangngé Puwangnge.

ASSURENG 40:2

“Patettongngi Kéma-Ku ri tanggala séddi uleng séddi.

YESAYA 33:24

Dé' muwi séddi tau ri wanuwatta maddaréké matu nasaba malasai, sibawa sininna dosaé riyaddampengengngi matu.

ANGIMANGENG 26:11

Maélo-Ka monro ri yelle'mu ri laleng Kéma-Ku, sibawa dé' usampéyakko matu.

MATIUS 16:18

Rimakkuwannanaro issenni, ikona iyanaritu Pétrus, batu masse'é. Na ri yasé'na pallangga batuéwé maélo Upatettong garéja-Ku, iya dé'é nawedding ricau; namuni amaténgngé!

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

GALATIA 4:4

Iyakiya ri wettunna iya teppa'é, nasuroi Allataala Ana'-Na lao ri linoé. Iyaro Ana'-Na rijajiyangngi riséddié makkunrai sibawa tuwo ri yawana akuwasanna Hukkunna Agamaé.

1 TIMOTIUS 3:15

kuwammengngi rékko matengnge'ka, muwissenni pékkugi harusu tuwo selaku kaluwargana Allataala, iyanaritu jema'na Allataala iya tuwoé. Iyaé jema'é sinrupai alliri pappatettongngé sibawa réngééngngi pappagguruwang tongengngé iya polé ri Allataala.

1 PETRUS 1:5

Iya manenna iyanaritu untu'mu, nasaba mateppe'ko ri Allataala. Narijagaiko sibawa akuwasanna Allataala kuwammengngi mutarimai asalamakeng iya sadiyaénna ripannessa ri ahéra' matti.

WAHYU 21:3

Nainappa uwéngkalinga sadda polé ri kadéra arajangngéro gora sibawa maloppo, “Makkekkuwangngé onronna Allataala iyanaritu silaongngi tolinoé! Tuwoi matu sibawa mennang, nancaji matu mennang umma'-Na. Aléna Allataala sionrong matu sibawa mennang enrengngé namancaji Allataalana mennang.