ASSURENG 40:10 - KITTA KAREBA MADECENG

¹⁰ Akkasuwiyangengngi mézbaé sibawa sininna passakke'na sibawa caraéro, kuwammengngi na iya manenna ripallaingngi untu' Iyya.

ASSURENG 40:10 ပူးပေါင်းရင်းမြစ်များ

ASSURENG 30:29

Nasibawang caraéro harusu'i mupallaing iyaro barab-barangngé untu' Iyya, kuwammengngi namapaccing maneng. Agi-agi iya kennaéngngi iyaro mézbaé harusu'i riyabbéréyang lao ri Puwangnge, sibawa nigi-nigi géssai lolongengngi matu acilakang nasaba awatangeng apaccingenna.

ASSURENG 40:11

Ebbu towi makkuwaro kullang uwai sibawa pallanggana.

YESAYA 11:2

Akuwasanna Puwangnge pimpingngi matu, pancajiwi engka akkalenna sibawa mapanré, macca mala apettung sibawa pogau'i; missengngi élona Allataala sibawa métau ri Aléna.

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

ANGIMANGENG 8:11

Céddé polé ri minnya'éro riyakkeppikeng wékkapitu ri yasé'na mézbaé sibawa sininna passakke'na, makkuwatoro ri yasé'na kullangngé sibawa pabborina. Nanallalengiwi iya manenna ripallaingngi untu' Puwangnge.

LUKAS 1:35

Nappébali iyaro Malaéka'é, “Poléi matu Rohna Allataala ri iko, sibawa akuwasanna matu Allataala salipuriko. Iyanaro saba'na ana' iya mujajiyangngé matu riyasengngi matu Mapaccing, Ana'na Allataala.

YOHANES 17:19

Untu' apentingenna mennang, Uwabbéréyangngi alé-Ku selaku appunnangeng ripallainna Ambo'é, kuwammengngi namancaji mennang appunnangeng ripallainna Ambo'é naolai atongengengngé.

YOHANES 3:34

Saba' tau iya nasuroé Allataala untu' palettu'i ada-adanna Allataala, nasaba pura riwérénni Rohna Allataala sukku lao ri Aléna.

1 KORINTUS 1:30

Allataala muto mébbui angkanna Saudara masséddi sibawa Kristus Yésus. Naolai Kristus naripancajiki mapanré. Sibawa naolai Alénato, naébbuki Allataala simadécéngeng paimeng sibawa Aléna enrengngé pancajiki umma'-Na iya mapaccingngé, kuwaéttopa paleppe'ki.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.