ASSURENG 4:5 - KITTA KAREBA MADECENG

⁵ Nakkeda Puwangnge, “Pogau'ni makkuwaro kuwammengngi namateppe sining tau Israélié makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, pura mappaitang alé lao ri iko.”

ASSURENG 4:5 ပူးပေါင်းရင်းမြစ်များ

KAJAJIYANG 12:7

Nappaitanni aléna Puwangnge lao ri Abram sibawa makkeda lao ri aléna, “Iyanaé wanuwa iya maéloé Uwabbéréyang lao ri wija-wijammu.” Nainappa patettonni Abram séddi mézba kuwaro untu' Puwang iya puraé mappaitangngi aléna lao ri Abram.

KAJAJIYANG 17:1

Wettunna Abram makkéumuru aséra pulona aséra taung, nappaitanni aléna Puwangnge lao ri aléna sibawa makkeda, “Iyya'na Allataala Iya Pommakuwasaé. Atinuluri-Ka sibawa tuli pogau'ni élo-Ku.

KAJAJIYANG 18:1

Nappaitanni aléna Puwangnge lao ri Abraham ri seddéna aju-kajung makarame onrong assompangngé ri Mamré. Iyaro wettué mapella senna essoé, namattengngangngi Abraham tudang ri sumpanna kémana.

KAJAJIYANG 26:2

Napogau'i iyaro gau'é nasaba Puwangnge pura mappaitangngi aléna ri Ishak sibawa makkeda, “Aja' mulao ri Maséré; onrono ri wanuwaéwé, pada-pada iya puraé Uparéntakko.

KAJAJIYANG 28:13

Na ri seddéna tettongngi Puwangnge sibawa makkeda, “Iyya'na Puwang, Allataala iya nasompaé Abraham sibawa Ishak. Maéloka mabbéréyangngi lao ri iko sibawa lao ri wija-wijammu tana onrommu léwué.

KAJAJIYANG 48:15

Purairo nabarakkakini Yusuf, adanna, “Allataala, Aléna ritu Puwang nasompaé Abraham sibawa Ishak, Aléna ritu pimpikka lettu makkekkuwangngé;

KAJAJIYANG 48:3

Nakkeda Yakub lao ri Yusuf, “Allataala Iya Pommakuwasaé pura mappaitang alé lao ri iyya ri Lus, ri tana Kanaan, sibawa pura barakkakika.”

1 ARUNG-NGARUNG 18:36

Wettunna narapini wettu makkasuwiyangeng akkarobangeng arawéng, naddepperini Elia iyaro mézbaé nainappa massempajang, “Oh Puwang, Allataala iya nasompaé Abraham, Ishak sibawa Yakub, pannessani makkekkuwangngéwé makkedaé Iko ritu Allataala ri Israél, na iyya atam-Mu. Pannessa towi makkedaé sininna iya upogau'éwé iyanaritu parénta-Mu.

2 TAWARIKH 20:20

Pappa bajana maélé senna'ni massu, ra'ya'é nalao ri daéra padang kessi seddéna Tékoa. Wettunna mennang maélo joppa, nabbéréyanni Yosafat iyaé pasengngé lao ri mennang, “Ra'ya' Yéhuda sibawa Yérusalém! Ateppe'no ri Puwang Allataalamu, namuwulléi matu mattahang. Tarimani pangajana nabi-nabimmu, namulolongeng wassélé matu!”

ASSURENG 3:15

Abbirittang towi lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, suroko lao ri mennang. Iyya'na Puwang, iyanaro asek-Ku untu' mannennungeng. Iyanaro teppungek-Ku untu' sininna bangsaé massossoreng.

ASSURENG 3:16

Laono namupaddeppungengngi sininna pamimpinna Israélié. Appallebbangenni lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, pura mappaitang alé lao ri iko. Paissengiwi mennang makkedaé laona ri mennang sibawa uwitani pékkugi mennang rigaukeng ri bangsa Maséré'é.

ASSURENG 3:18

Naéngkalingai matu umma'-Ku ada-adammu. Nainappako silaong sining pamimpinna Israélié harusu lao mangolo ri arung Maséré sibawa makkeda lao ri aléna: ‘Puwang, Allataalana tau Ibranié poléni pannessai aléna ri idi. Makkekkuwangngé palaloni lao sibbéla tellungngesso allalengeng ri padang kessi'é untu' makkasuwiyangeng akkarobangeng lao ri Puwangnge, Allataalata.’ ”

ASSURENG 3:4

Naitani Puwangnge Musa maddeppériwi iyaro onrongngé, namangobbi-Na polé ri tengnga-tengngana alekale'éro, “Musa! Musa!” Nappébali Musa, “Engkaka kuwaé.”

ASSURENG 3:6

Iyya'é Allataalana néné-nénému, Allataalana Abraham, Ishak sibawa Yakub.” Natongkoni Musa rupanna, saba' métaui mitai Allataala.

ASSURENG 4:1

Nanappébali Musa lao ri Puwangnge, “Iyakiya pékkugi akkalarapanna rékko sining tau Israélié dé' namaélo mateppe sibawa dé' namaélo bati-batiwi ada-adakku? Aga harusu upogau' akkalarapanna makkedai mennang makkedaé dé' nappaitang alé Puwangnge lao ri iyya?”

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

ASSURENG 4:4

Nakkeda Puwangnge lao ri Musa, “Addeppériwi iyaro ulaé namuwakkatenningngi ikko'na.” Naddeppérini Musa sibawa tikkengngi iyaro ulaé iya mancaji tekkengngé paimeng masitta ri laleng limanna Musa.

YESAYA 7:9

Dé' nalebbi watang Israélié naiya Samaria, ibukotana, na Samaria dé' nalebbi watang naiya Arung Pékah. Rékko dé' mutonget-tongeng mateppe ri alé-Ku, pasti dé' mulléi tahang.”

YEREMIA 31:3

Uwappaitangngi alé-Ku polé mabéla lao ri mennang. Eh umma Israélié, riyolopa natuli Uwamaséiko, na untu' matteru tette'i matu Uwappaitang makkedaé tuli Uwamaséiko.

YOHANES 11:15

Iyakiya masennang tok-Ka dé'-Ka gaga kuwaro, saba' lebbi kessing muwi untu' iko, kuwammengngi naweddikko riyatepperi. Laono mai talao ri Lazarus.”

YOHANES 11:42

Uwisseng tuli Muwéngkalinga-Ka, iyakiya Upowadai iyaé, untu' sining tau iya engkaé kuwaé; kuwammengngi namateppe' mennang makkedaé Iko suro-Ka.”

YOHANES 20:27

Nainappa makkeda Yésus lao ri Tomas, “Itai limak-Ku sibawa taroni jarimmu kuwaé. Loro'i limammu namutaroi ri benrék-Ku. Aja'na mubata-bata, iyakiya ateppe'no!”

YOHANES 20:31

Iyakiya iya manennaé riyokii, kuwammengngi mumateppe makkedaé Yésus iyanaritu Arung Pappassalama'é, Ana'na Allataala, sibawa nasaba teppe' ri aléna, lolongekko atuwong.

YOHANES 5:36

Iyakiya asabbiyak-Ku lebbi battowai naiya asabbiyanna Yohanés. Aga iya makkekkuwangngéwé Upogau', iyanaritu jama-jamang iya nassurowangngé Ambo'é lao ri Iyya, pabuttiwi makkedaé Ambo'é pura suro-Ka.

RIWAYA'NA RASUL-RASUL-E 7:2

Nappébali Stéfanus, “Saudara-saudara sibawa Bapa'-bapa'! Coba méngkalingaka. Riwettu dé'napa néné-nénéta Abraham nalétté ri Haran, iyaro wettué monro mupi ri Mésopotamia, Allataala iya malebbié laowi ri aléna

IBRANI 11:16

Iyakiya annessana, nauddaningiwi mennang séuwa wanuwa iya lebbi makessingngé, iyanaritu wanuwa ri surugaé. Iyanaro saba'na dé' namasiri Allataala rékko mennang nateppui Aléna Allataala, saba' Allataala pura passadiyai séddi kota untu' mennang.