ASSURENG 4:12 - KITTA KAREBA MADECENG

¹² Makkekkuwangngé, laono, utulukko matu mabbicara sibawa pagguruko aga iya harusu'é mupowada.”

ASSURENG 4:12 ပူးပေါင်းရင်းမြစ်များ

MAZMUR 105:26

Nainappa nasuro Musa atan-Na sibawa Harun tau Napiléna.

MAZMUR 143:10

Pagguruka pogau'i élo-Mu, saba' Iko ritu Allataalaku. Makessing ati-Ko, sibawa mupimpikka matu ri laleng iya malappaé.

MAZMUR 32:9

Aja' mupada anyarang iya dé'é akkalenna, iya harusu'é ripaturu sibawa galang nenniya tulu kuwammengngi naturu.”

ASSURENG 3:12

Nappébali Allataala, “Utulukko matu. Sibawa rékko purani mupassu iyaro bangsaé polé ri Maséré, massompako matu lao ri Iyya ri buluéwé. Iyanaro buttinna makkedaé Iyya suroko.”

ASSURENG 4:13

Iyakiya mappébaliwi Musa, “Uwéllauwi, aja' musuroka, oh Puwang, suroni tau laingngé.”

ASSURENG 4:15

Abbicarano sibawa aléna sibawa paissengiwi aga iya harusu'é napowada. Utulukko matu sipadduwa sibawa pagguruko aga iya harusu'é mupowada sibawa mupogau'.

ASSURENG 4:16

Harusu'i mabbicara ri laleng asemmu ri yolona ra'ya'é. Mancajiwi matu jurubicarammu nanaangga'ko matu pada-pada Allataala iya makkedaé aga harusu mupowada.

YESAYA 49:2

Naébbui ada-adakku sittareng peddangngé, nasibawang liman-Na muto, nalinrungika. Napancajika pada-pada ana' pana iya riyasaé, sibawa nataroi ri laleng tokkaé kuwammengngi nasadiya ripaké.

YESAYA 50:4

Puwang Iya Pommatanré pagguruka mabbicara, kuwammengngi ada-adakku napéwatangiwi tau iya malemmaé. Elé-élé Napatokkong cinnaku untu' mapparéngkalingangngi pappagguruwan-Na ri aléku.

YEREMIA 1:9

Purairo naloro'ni limanna Puwangnge, sibawa géssai témukku nainappa makkeda, “Engkalingai sibawa appallebbangengngi ada-ada iya Upowadaéwé.

ABBILANGENG 16:28

Namakkeda Musa, “Nasibawang iyaé muwissengngi matu makkedaé Puwangnge suroka untu' pogau' manengngi iyaé sibawa iyaro tenniya élo ri aléku.

MARKUS 13:11

Narékko ritikkekko sibawa ritiwi ri pengadilangngé, aja' mubata-bata passalenna aga harusu' mupowada. Rékko narapini wettunna untu' mabbicara, powada bawanni aga iya ripowadangngékko ri wettunna. Nasaba ada-ada iya mupowadaéro tenniya ada-adammu muto, sangadinna poléi ri Rohna Allataala.

LUKAS 11:1

Riséuwaé esso, massempajangngi Yésus riséuwaé onrong. Pajanana massempajang, sala séddinna polé ri ana'-ana' gurun-Na makkeda, “Puwang, pagguru tokki massempajang pada-pada Yohanés paggurui ana'-ana' gurun-Na massempajang.”

YOHANES 14:26

Iyakiya Rohna Allataala, Pattulung iya nasuroé matu Ambo'é ri laleng asek-Ku, Aléna matu pagguruko sini-sininnaé sibawa paréngngerangiko lao ri sininna iya puraé Upaissengiko.

EFESUS 6:19

Sibawa assempajakko untu' iyya, kuwammengngi ri wettukku mabbicara, Allataala mpérékka ada-ada iya coco'é. Sibawa kuwammengngi ubarani mappaddissengengngi rahasiyana Karéba Madécéngngéro.

ULANGENG 18:18

Polé ri bangsana muto mennang maélo-Ka suro lao ri mennang séddi nabi pada-pada iko. Maélo-Ka powadangngi aga iya harusu'é napowada, nainappa napalettu matu lao ri bangsaéro sininna iya Uwapparéntangngé.