ASSURENG 4:10 - KITTA KAREBA MADECENG

¹⁰ Iyakiya makkedai Musa, “Oh Puwang, tenniyaka tau iya maccaé mabbicara, muwi riyolo iyaré'ga makkekkuwangngé, puranana Puwang mabbicara lao ri iyya. Matane lilaku, matengnge'ka mabbicara sibawa tassakka-sakkana.”

ASSURENG 4:10 ပူးပေါင်းရင်းမြစ်များ

ASSURENG 3:11

Iyakiya makkedai Musa lao ri Allataala, “Niga iyya'é, angkanna mulléi mangolo ri arungngé sibawa tiwii tau Israélié massu polé ri Maséré?”

ASSURENG 4:1

Nanappébali Musa lao ri Puwangnge, “Iyakiya pékkugi akkalarapanna rékko sining tau Israélié dé' namaélo mateppe sibawa dé' namaélo bati-batiwi ada-adakku? Aga harusu upogau' akkalarapanna makkedai mennang makkedaé dé' nappaitang alé Puwangnge lao ri iyya?”

ASSURENG 6:12

Makkuwaniro Puwangnge suroi Musa sibawa Harun untu' palettu'i lao ri bangsa Israélié sibawa arung Maséré makkedaé risuroi mennang untu' pimpingngi bangsa Israélié massu polé ri Maséré.

YEREMIA 1:6

Mappébalika, “Oh Puwang Iya Pommatanré, dé' umacca mabbicara nasaba malolo senna mupa.”

MIKHA 6:4

Purano Utiwi massu polé ri Maséré, sibawa Upaleppe polé ri angatangengngé; purani Usuro Musa, Harun, sibawa Miryam untu' pimpikko.

RIWAYA'NA RASUL-RASUL-E 7:22

Sining pangissengeng bangsa Maséré'é ripagguruwanni namancajina tau makuwasa senna' ri laleng ada-adanna sibawa pangkaukenna.

2 KORINTUS 10:10

Makkedai tauwé, “Sining sure'na Paulus matedde'i sibawa riyakkitangiwi, iyakiya rékko aléna engka ri tengnga-tengngata, paribadinna malemmai sibawa ada-adanna dé'gaga bettuwanna!”

2 KORINTUS 11:6

Naullé makurang accaka mabbicara, iyakiya passalenna pangissengengngé, tenniyaka tau donggo. Purani tapabutti lao ri iko ri laleng sininna gau'é.