ASSURENG 38:17 - KITTA KAREBA MADECENG

¹⁷ Pallanggana sining allirinna riyébbui polé ri gessaé, na pakkadak-kadanna, lambunna sibawa coppo allirinna riyébbui polé ri péra'é. Sininna alliri iya mattulilingiyéngngi seddénaro ripasilambungngi séddié sibawa laingngé sibawa pakkadak-kadang péra'.

ASSURENG 38:17 ပူးပေါင်းရင်းမြစ်များ

1 ARUNG-NGARUNG 7:16

Untu' iyaro alliri-allirié mébbui duwa ulu alliri polé ri gessaé, tungke'-tungke' tanréna 2,2 météré

ASSURENG 27:10

ritahangngi polé ri duwappulo alliri gessa, tungke'-tungke' sibawa pallangga gessa, enrengngé pakkadak-kadanna sibawa tolinna poléi ri péra'é.

ASSURENG 38:16

Sininna téndaé iya mattulilingiyéngngi téndaéro riyébbui polé ri kaing lénang alusu'é.

ASSURENG 38:18

Kaing pallawana pintu gerbang seddénaro riyébbui polé ri lénang alusu'é iya ritennungngé silaong wol gawu, collipao sibawa cella enrengngé ribélo-béloi sibawa sulangeng. Lampéna aséra météré sibawa tanréna duwa météré, pada-pada téndana seddéna.

ABBILANGENG 3:36

Mattanggung jawa'i mennang ri paréwanna Kémaéro, balo'-balo'na, alliri-allirinna, pallanggana sibawa sininna pakkakkasa'na enrengngé sininna jama-jamang iya engkaé assisumpungenna sibawa barab-barangngéro.

ABBILANGENG 4:32

Makkuwatoro alliri-alliri seddéna iya mattulilingiyéngngi iyaro Kémaé sibawa pallanggana, patto-patto'na sibawa sining tuluna enrengngé sininna pakkakkasa'na iya riyapparelluwangngé untu' patettongngi. Tungke' tau ritugaskangngi tiwii barab-barang mattentué.