ASSURENG 32:9 - KITTA KAREBA MADECENG

⁹ Uwisseng makkedaé iyaro bangsaé matedde ati senna.

ASSURENG 32:9 ပူးပေါင်းရင်းမြစ်များ

2 ARUNG-NGARUNG 17:14

Iyakiya Israél sibawa Yéhuda, dé' namaélo méngkalingai. Matedde atiwi mennang pada-pada toriyolona iya dé'é namateppe ri Puwangnge, Allataalana.

2 TAWARIKH 30:8

Aja' mumatedde ati pada-pada mennang, iyakiya turusiwi Puwangnge. Laono ri Yérusalém, ri Bolana Puwangnge iya puraé napallaing Puwang Allataalamu untu' Aléna lettu mannennungeng. Laono mai massompa ri Aléna kuwammengngi nasoro cai-Na lao ri iko.

NEHEMIA 9:16

Iyakiya toriyolota matempoi sibawa matedde ati; dé' naturusiwi sining parénta-Mu.

NEHEMIA 9:17

Dé' namapato mennang, sininna akessingem-Mu nallupaiwi, sibawa sininna pangkaukem-Mu makalallaingngé teddéngngi polé ri paréngngeranna. Nasibawang atempong piléi mennang séddi ketua, untu' tiwii mennang ri Maséré, lisui mancaji ata. Iyakiya Iko Allataala iya pojiyéngngi maddampeng, malampé asabbarakeng, masémpo ati sibawa penno pammasé. Pammasé-Mu dé' padanna; dé' Musalaiwi mennang.

MAZMUR 78:8

kuwammengngi mennang dé' napada néné-nénéna iya pojiyéngngi maronta sibawa madoraka; abbatireng iya kaléwa'-léwa'é teppe'na, sibawa dé' namatinulu lao ri Allataala.

ASSURENG 33:3

Mattujuko ri tana iya sugié namacommo. Iyakiya Iyya dé' Uwaccowé sibawakko, kuwammengngi aja' Upaccappuko ri tengnga laleng, saba' iko iyanaritu bangsa iya matedde atié.”

ASSURENG 34:9

Adanna, “Puwang, rékko tonget-tongekko Muwélorika, uwéllauwi, accowéni Puwang silaongekki. Iyaro bangsaé mémeng matedde atiwi, iyakiya addampengengngi jata sibawa dosata namutarimaki selaku umma'-Mu muto.”

AMSAL 29:1

Niga matteru dé' namaélo turusiwi rékko ripangajariwi, séuwa wettu ancuru'i matu sibawa dé'na nawedding ripédécéngina.

YESAYA 48:4

Uwisseng makkedaé matanré atiko, matedde ati sibawa kapala batu.

YEREMIA 13:27

Purano uwita pogau'i gau'-gau' iya Ucéccé. Purano uwita lellungngi déwata-déwata laingngé ri bulu-bulué sibawa ri dare'é, pada-pada séddi worowané jangej-jangeng lao ri bainéna tau laingngé iyaré'ga pada-pada anyarang laié mangamparu lao ri anyarang komba'é. Pabbanuwana Yérusalém, macilakano iko! Uppannapa leppe'ko polé ri sininna jaéro?”

HOSEA 6:10

Ri Israélié Uwitai séuwa iya mappakatau-taué: napanajisi'i aléna umma'-Ku sibawa massompa barahala.

ABBILANGENG 14:11

Makkedai Puwangnge lao ri Musa, “Siyagapi ittana iyaé sining tauwé méwaka? Gangka kégi mennang dé' namaélo mateppe ri iyya, namuni puraka mébbu makkuwamani égana anu makalallaing ri yelle'na mennang?

RIWAYA'NA RASUL-RASUL-E 7:51

Tenniya culé-culé tedde' atinna Saudara-saudara sibawa watanna matinulu ri Allataala! Mataru-taru senna' daucculimmu lao ri ada-adanna Allataala! Pada tokko sibawa néné-nénéna; tuli méwai Rohna Allataala!

ULANGENG 10:16

Jaji mappammulai makkekkuwangngé harusu'ko mapato ri Puwangnge sibawa aja'na mumatedde atisi.

ULANGENG 31:27

Uwisseng mennang matedde ati senna sibawa napoji maronta. Ri wettu tuwoku mupa maronta'i mennang lao ri Puwangnge; apalagi matti, rékko maténa!

ULANGENG 9:13

Makkeda towi Puwangnge lao ri iyya, ‘Uwisseng iyaro bangsaé matedde ati senna.

ULANGENG 9:6

Ateppe'no makkedaé dé' nabbéréyangngi Puwang Allataalamu iyaro tana commo'é lao ri iko nasaba sitinajako tarimai. Dé'! Ikoé bangsa iya matedde atié.