ASSURENG 3:2 - KITTA KAREBA MADECENG

² Kuwaniro nappaitang aléna malaéka'na Puwangnge lao ri Musa ri laleng luwa api iya massué polé ri tengnga-tengngana alekale'é. Naitani Musa iyaro alekale'é malluwa, iyakiya dé' naanréi api.

ASSURENG 3:2 ပူးပေါင်းရင်းမြစ်များ

KAJAJIYANG 21:17

Naéngkalingai Allataala saddanna Ismaél, napolé ri langié mabbicarani malaéka'na Allataala lao ri Hagar, adanna, “Aga musussai, Hagar? Aja' mumétau. Naéngkalingani Allataala saddanna ana'mu.

KAJAJIYANG 22:11

Iyakiya mangobbii malaéka'na Puwangnge polé ri langié, “Abraham, Abraham!” Nappébali Abraham, “Iyyé Puwang!”

KAJAJIYANG 48:16

Aléna ritu malaéka iya puraé paleppe'ka polé risininna bahayaé. Tennapodo iyaro Allataala barakkakiwi iyaé ana'-ana'é. Tennapodo tuwoi matteru asekku sibawa asenna Abraham nenniya Ishak nasaba iyaé ana'-ana'é! Tennapodo makkéana eppoi mennang, sibawa massossorengngi maéga ri linoé.”

MAZMUR 66:12

Muleppessakki riléjja'-léjja' ri balié; malléttoiki lémpe sibawa api. Iyakiya makkekkuwangngé purani Mutiwi ri onrong iya macommo'é.

ASSURENG 19:18

Natongko manenni rumpu Bulu Sinai, nasaba nonnoi Puwangnge ri tompo'na ri laleng apié. Iyaro rumpué maddumpuni pada-pada rumpu polé ri onrong attunungngé, sibawa taggottanni masero senna sininna bulué.

ASSURENG 23:20

“Maéloka suroi malaéka'-Ku poddiyoloiko untu' linrungiko ri laleng allalengengngé sibawa tiwiko ri onrong iya Upassadiyaé.

ASSURENG 3:16

Laono namupaddeppungengngi sininna pamimpinna Israélié. Appallebbangenni lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, pura mappaitang alé lao ri iko. Paissengiwi mennang makkedaé laona ri mennang sibawa uwitani pékkugi mennang rigaukeng ri bangsa Maséré'é.

YESAYA 43:2

Rékko léttoko uwai, Usibawakko matu, dé' mutallémme matu ri laleng asukkarakemmu. Rékko molako api, dé' mumangu matu, paccobang-paccobang matane'é dé' nacilakaiko matu.

YESAYA 63:9

Aléna paimeng nakenna asussanna mennang. Dé' nakiring Puwangnge suro iyaré'ga duta; Aléna ritu paleppe'i mennang nasaba pammasé sibawa paressé babuwa-Na. Tuli napiyarai mennang riyolopa nariyolo.

DANIEL 3:27

Sininna wakkélé'na arungngé, sining gebernur-é, bupatié, sibawa pegawé-pegawé laingngé mattulilingiwi iya tellu tauwéro sibawa mitai makkedaé dé' sises-siseng mennang narigéssa ri apié. Dé' namangu gemme'na, sibawa pakéyanna dé' namangu, mala muwi bau rumpu dé'to gaga ri mennang.

ZAKHARIA 13:7

Makkedai Puwang Iya Pommakuwasaé, “Tokkonno, éh peddang, sibawa gasani pakkampi iya mappallaungengngék-Ka! Unoi, natassiya-siya matu sining bimbala'é. Maélo-Ka gasai umma'-Ku,

MALEAKHI 3:1

Pappébalinna Puwang Iya Pommakuwasaé, “Ukiringngi matu suro-Ku untu' passadiyangek-Ka laleng. Na temmusenna-sennai Iyya, Puwang iya musappaé, laowi matu ri Bola-Ku. Suro-Ku iya muwuddaniyéro poléi matu sibawa mappallebbangengngi assijancik-Ku.”

MARKUS 12:26

Na passalenna ripaoto'na tau maté paimeng, dé'paga naengka mubacai ri laleng Kitta'na Musa passalenna alekale' iya malluwa'é? Ri lalenna aya'-aya'éro engka taroki makkedaé, makkedai Allataala lao ri Musa, ‘Iyya'naé Allataalana Abraham, Allataalana Ishak sibawa Allataalana Yakub.’

LUKAS 20:37

Aléna Musa pakatajangngi sibawa manessa makkedaé ripaoto'i paimeng tau maté. Ri laleng sure'na passalenna iyaro alekale' malluwa'é nateppui Puwangngé selaku ‘Allataalana Abraham, Allataalana Ishak sibawa Allataala Yakub.’

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

ROMA 8:3

Aga iya dé'é naulléi napogau' hukkung agamaé, nasaba idi tau malemmaki, iyaro pura napogau'ni Allataala. Allataala caui akuwasanna dosaé ri laleng sipa'na tolinoé sibawa kiringngi Ana'na, iya polé ri laleng keadaang iya padaé sibawa tolinoé iya madosaé, untu' leddai dosaé.

ULANGENG 33:16

Tennapodo tanana ripennoiwi sibawa sininna iya kaminang makessingngé, sibawa ribarakkaki ri akessingenna Puwangnge iya mabbicaraé polé ri alekale malluwa'é. Tennapodo iyaro barakka'é nonnoi ri yasé'na wija-wijanna Yusuf, saba' aléna ritu pamimping ri yelle'na silessu-silessurenna.

ULANGENG 4:20

Iyakiya iko iyanaritu bangsa iya ripassalama'é polé ri Maséré, onrommu manrasa-rasa sibawa masero. Natiwiko massu polé ri wanuwaéro, kuwammengngi mancajiwi bangsana muto pada-pada keadaammu makkekkuwangngéwé.

2 TESALONIKA 1:7

Nalao ri iko iya manrasa-rasaé makkekkuwangngéwé – makkuwatoro idi – Allataala matu mpérékki asennangeng ri essona Puwang Yésus nonno polé ri surugaé sibawa mappaitangngi Aléna silaong malaéka'-malaéka'-Na iya baranié

HAKING-HAKING 13:13

Nappébali iyaro malaéka'na Puwangnge, “Dé' nawedding bainému ménung anggoro iyaré'ga énungeng maseri, makkuwatoro dé' nawedding manré iya assalennaé polé ri pong anggoro'é, iyaré'ga séuwa iya harangngé. Harusu'i napogau' maneng sininna iya puraé upowadangngi, sibawa jagaiwi kuwammengngi dé'gaga iya dé'é napogau'i.”