ASSURENG 3:18 - KITTA KAREBA MADECENG

¹⁸ Naéngkalingai matu umma'-Ku ada-adammu. Nainappako silaong sining pamimpinna Israélié harusu lao mangolo ri arung Maséré sibawa makkeda lao ri aléna: ‘Puwang, Allataalana tau Ibranié poléni pannessai aléna ri idi. Makkekkuwangngé palaloni lao sibbéla tellungngesso allalengeng ri padang kessi'é untu' makkasuwiyangeng akkarobangeng lao ri Puwangnge, Allataalata.’ ”

ASSURENG 3:18 ပူးပေါင်းရင်းမြစ်များ

KAJAJIYANG 12:1

Nakkeda Puwangnge lao ri Abram, “Salaini wanuwammu, kaluwargamu sibawa bolana ambo'mu, nainappa laoko ri wanuwa iya Ujellokengngékko matu.

KAJAJIYANG 14:13

Iyakiya séddi tau mulléi leppe' laporo'i sininna kajajiyangngéro lao ri Abram, tau Ibraniéro. Monroi Abram ri seddéna aju-kajung makarame' onrong assompangngé appunnangenna Mamré, séddiwi tau Amori. Mamré sibawa silessu-silessurenna, iyanaritu Eskol sibawa Anér iyanaritu sellao-sellao siyempe'na Abram.

KAJAJIYANG 15:1

Purairo, tarimani Abram pappaita sibawa méngkalingai Puwangnge makkeda lao ri aléna, “Aja' mumétau, Abram, maélo-Ka linrungiko polé ri abalaé, sibawa mpérékko saro iya battowaé.”

KAJAJIYANG 17:1

Wettunna Abram makkéumuru aséra pulona aséra taung, nappaitanni aléna Puwangnge lao ri aléna sibawa makkeda, “Iyya'na Allataala Iya Pommakuwasaé. Atinuluri-Ka sibawa tuli pogau'ni élo-Ku.

KAJAJIYANG 48:3

Nakkeda Yakub lao ri Yusuf, “Allataala Iya Pommakuwasaé pura mappaitang alé lao ri iyya ri Lus, ri tana Kanaan, sibawa pura barakkakika.”

2 TAWARIKH 30:12

Muwi ri Yéhuda majjama towi Allataala sibawa passéddiwi atinna ra'ya'é untu' mattonget-tongeng turusiwi élona Allataala sibawa turusiwi paréntana arungngé sibawa sining pegawénna.

MAZMUR 110:3

Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

ASSURENG 10:3

Nanalaona Musa sibawa Harun mangolo ri arungngé sibawa makkeda lao ri aléna, “Makkedai Puwang, Allataalana bangsa Ibranié, ‘Gangka kégiko dé' mumaélo tunru lao ri Iyya? Leppessangngi umma'-Ku lao, kuwammengngi weddingngi mennang massompa ri Iyya.

ASSURENG 17:5

Nakkeda Puwangnge lao ri Musa, “Obbini siyagangngaré tau pamimping sibawa joppano silaong mennang poddiyoloiwi iyaro bangsaé. Tiwi towi tekkeng iya mupaké untu' munrui Salo Nil.

ASSURENG 19:1

Purairo nasalaini bangsa Israélié Rafidim, na ri tanggala séddi uleng matellué nasalainnana mennang Maséré, lettu'ni ri padang kessi Sinai. Makkémani mennang ri ponna Bulu Sinai,

ASSURENG 25:22

Ri onrongngéro maélo-Ka méwako sita, sibawa polé ri yasé'na pattongkona, ri yelle'na iya duwa kérub-éro, Uwérékko matu hukkung-hukkuk-Ku untu' bangsa Israélié.”

ASSURENG 3:12

Nappébali Allataala, “Utulukko matu. Sibawa rékko purani mupassu iyaro bangsaé polé ri Maséré, massompako matu lao ri Iyya ri buluéwé. Iyanaro buttinna makkedaé Iyya suroko.”

ASSURENG 3:16

Laono namupaddeppungengngi sininna pamimpinna Israélié. Appallebbangenni lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, pura mappaitang alé lao ri iko. Paissengiwi mennang makkedaé laona ri mennang sibawa uwitani pékkugi mennang rigaukeng ri bangsa Maséré'é.

ASSURENG 30:36

Sibagiyang polé ri dupaéro harusu'i ritettu gangka alusu. Tiwii iyaro ri Kéma-Ku sibawa amporengngi ri yolona Petti Assijancingngé. Iyaro dupaé harusu'i riyangga barang mapaccing iya ripallaingngé untu' Iyya. Aja' muwébbu dupa campurang sibawa pabbau' iya pada-padaéttoro untu' alému.

ASSURENG 30:6

Taroi iyaro mézbaé ri bagiyang saliwenna kaing iya engkaé ri yolona Petti Assijancingngé, ri onrok-Ku siruntu matu sibawa iko.

ASSURENG 4:1

Nanappébali Musa lao ri Puwangnge, “Iyakiya pékkugi akkalarapanna rékko sining tau Israélié dé' namaélo mateppe sibawa dé' namaélo bati-batiwi ada-adakku? Aga harusu upogau' akkalarapanna makkedai mennang makkedaé dé' nappaitang alé Puwangnge lao ri iyya?”

ASSURENG 4:23

napurano Uparéntang untu' palaloi ana'-Kuro lao kuwammengngi naulléi massompa ri Iyya, iyakiya musampéyangngi. Makkekkuwangngé Uwunoi matu ana'mu iya macowaé.’ ”

ASSURENG 4:24

Riséuwaé onrong makkéma ri laleng allalengengngéro, poléni Puwangnge ri Musa sibawa maélo mpunoi.

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

ASSURENG 5:1

Nanalaona Musa sibawa Harun mangolo ri arung Maséré sibawa makkeda, “Makkuwaiyé paréntana Puwang, Allataalana Israélié, ‘Palaloi bangsa-Ku lao kuwammengngi weddingngi mennang massompa lao ri Iyya ri padang kessi'é.’ ”

ASSURENG 5:3

Nakkeda Musa sibawa Harun, “Purani nappaitang aléna Allataalana tau Ibranié lao ri idi. Palaloni lao ri padang kessi'é sibbéla tellungngesso allalengeng untu' makkasuwiyang akkarobangeng lao ri Puwang, Allataalata. Rékko dé' naripogau' iyaro gau'é, naunoki matu sibawa lasa iyaré'ga musu.”

ASSURENG 7:16

Powadangngi iyaro arungngé: Puwang, Allataalana tau Ibranié, suroka untu' palettu'i ri Puwakku kuwammengngi napalaloi umma'-Na lao untu' massompa ri Aléna ri padang kessi'é. Iyakiya lettu makkekkuwangngé dé' namaélo méngkalingai Puwakku.

ASSURENG 8:1

Nanakkeda Puwangnge lao ri Musa, “Laono mangolo ri arungngé namupalettukengngi iyaé pasengngé: ‘Palaloni umma'-Ku lao untu' massompa ri Iyya.

ASSURENG 8:20

Makkedai Puwangnge lao ri Musa, “Laono baja maélé senna sita arungngé wettunna nonno ri saloé, namupalettukengngi adak-Kué: ‘Palaloi umma'-Ku lao massompa ri Iyya.

ASSURENG 8:23

Maéloka passilaingengngi umma'-Ku sibawa ra'ya'mu. Iyaro anu makalallaingngé kajajiyangngi matu baja.’ ”

ASSURENG 9:1

Makkedai Puwangnge lao ri Musa, “Laono mangolo ri arungngé, namupowadangngi makkedaé Puwang, Allataalana tau Ibranié, makkeda: ‘Leppessanni umma'-Ku lao kuwammengngi weddingngi mennang massompa lao ri Iyya.

ASSURENG 9:13

Nakkeda Puwangnge lao ri Musa, “Laono baja maélé senna mangolo ri arungngé, namupalettukengngi makkedaé makkedai Puwang, Allataalana tau Ibranié: ‘Leppessanni umma'-Ku kuwammengngi weddingngi mennang lao massompa ri Iyya.

YESAYA 64:5

Muduppaiwi tau iya malempué sibawa iya tuwoé situru élo-Mu. Macaiko lao ri idi, iyakiya tette'ki madosa mémeng riyolopa nariyolo tapasala.

YEREMIA 2:2

mappallebbangengngi karébaéwé lao ri sininna tauwé ri Yérusalém, “Eh Israél, uwéngngerangngi temmaka tinulumu ri wettu malolomu mupa; temmaka battowana pappojimmu wettutta bottimparu. Muwaccowéri-Ka lao ri padang kessi'é molai daéra iya dé'é naritanengi.

YEREMIA 2:6

Dé' nabati-batika; Iyya, iya puraé dulungngi mennang ri lalengngé, sibawa tiwii mennang massu polé ri Maséré molai padang kessi'é, daéra makabuttu iya maégaé kalebbok-kalebbonna, enrengngé marakko namabbahaya – padang iya dé'é nariyonroi sibawa dé' narilaloi!

YEREMIA 26:5

Harusu tokko méngkalingai aga napowada ata-atak-Ku, sining nabi iya matteru-terué Usuro lao ri iko. Iyakiya dé' mumaélo méngkalingai mennang.

ABBILANGENG 17:4

Tiwii iyaro sining tekkengngé ri Kéma-Ku namupalénne'i ri yolona Petti Assijancingngé, onrok-Ku biyasa siruntu sibawa iko.

YOSUA 1:17

Maéloki mapato ri iko, pada-padato tuli mapatota lao ri Musa. Tennapodo Puwang Allataalamu ranrekko pada-pada Naranrenna Musa!