ASSURENG 3:14 - KITTA KAREBA MADECENG

¹⁴ Nakkeda Allataala, “Iyya iyanaritu Iyya engka. Iyanaé harusu mupowada lao ri bangsa Israélié, Aléna iya riteppué Iyya engka, pura suroka lao ri iko.

ASSURENG 3:14 ပူးပေါင်းရင်းမြစ်များ

AYUB 11:7

Masa mullé mpellungiwi esse'na Allataala? Masa mullé pahangngi akuwasan-Na?

MAZMUR 68:4

Iyakiya tau malempué mariyo-riyoi sibawa marennu, gora-gorai mennang mariyo-riyo ri yolona Allataala.

MAZMUR 90:2

Ri wettu dé'napa naripancaji sining bulué, ri wettu dé'napa Mutappai linoé, Iko ritu Allataala iya mannennungengngé, dé' pammulanna sibawa dé' paccappurenna.

ASSURENG 15:3

Puwangnge ritu pejuwang baranié, asen-Na, iyanaritu Puwangnge.

ASSURENG 23:21

Puriatiwi sibawa turusiwi. Aja' mumaronta lao ri aléna nasaba suro-Kui, sibawa dé' naddampengengngi matu pelanggarammu.

ASSURENG 3:13

Nappébali Musa, “Iyakiya rékko usitangngi sining tau Israélié sibawa makkeda lao ri mennang: ‘Allataalana néné-nénému suroka lao ri iko,’ pasti makkutanai matu mennang, ‘Niga asenna?’ Na agana harusu ubalingengngi mennang?”

ASSURENG 6:2

Mappaitak-Ka alé lao ri Abraham, Ishak sibawa Yakub selaku Allataala Iya Pommakuwasaé, iyakiya dé' Uwappaissengeng alé lao ri mennang sibawa aseng ‘Puwang’.

ASSURENG 6:3

Pakangka tok-Ka assijancing sibawa mennang. Majjanci-Ka mabbéréyangngi matu wanuwa Kanaan lao ri mennang, wanuwa onronna mennang riyolo tuwo selaku tau laing.

YESAYA 42:8

Iyyana ritu Puwang, iyanaro asek-Ku; arajak-Ku dé' Uwabbéréyangngi lao ri muwi niga; ataromporek-Ku dé' Uwabbéréyangngi lao ri dato-dato'é.

YESAYA 44:6

Iyanaé adanna Puwang Iya Pommakuwasaé, Arung sibawa pallinrunna Israélié, “Iyya Allataala Iya Posséuwaé, iya pammulangngé sibawa paccappurengngé.

MATIUS 18:20

Saba' kégi duwa iyaré'ga tellu tau maddeppungeng nasaba Iyya, engka-Ka ri tengnga-tengngana mennang.”

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

YOHANES 8:24

Iyanaro saba'na Uwakkeda lao ri iko, makkedaé matéko matu ri laleng dosa-dosamu. Namémeng matéko matu ri laleng dosa-dosamu, rékko dé' mumateppe makkedaé ‘Iyya'na iya riteppué IYYA ENGKA.’ ”

YOHANES 8:28

Rimakkuwannanaro makkedai Yésus lao ri mennang, “Matu rékko purani mupakalebbi Ana'na Tolinoé, muwissenni matu makkedaé ‘Iyya'naé iya riteppué IYYA ENGKA’, sibawa muwisseng toni matu makkedaé dé' séddi iya Upogau'é polé ri alé-Ku. Iya bawang Upowada iya napagguruwangngékka Ambo'é.

YOHANES 8:58

Nappébali Yésus, “Makkeda tongek-Ka lao ri iko: riwettu dé'napa najaji Abraham, eng-Ka mémenna.”

2 KORINTUS 1:20

nasaba naolai Aléna pura napowadai Allataala “Iyyé” lao ri sininna jancinna. Nallalengiro natapowadai “Aming” lao ri Allataala nasaba Yésus Kristus. Ripogau'i makkuwaéro kuwammengngi naripakalebbi Allataala.

IBRANI 13:8

Yésus Kristus tette'i pada, muwi riyolo, makkekkuwangngé, enrengngé lettu mannennungeng.

WAHYU 1:17

Wettukku mitai Aléna, mabuwanna ri yolo-Na pada-pada tau maté. Iyakiya napalénne'i lima ataun-Na ri iyya nainappa makkeda, “Aja' mumétau! Iyya'na iya pammulangngé sibawa iya paccappurengngé.

WAHYU 1:4

Saudara-saudara iya engkaé ripitué jema' ri daérana Asia! Iyya, Yohanés, mamménasaiko riwérékko barakka sibawa asaléwangeng polé ri Allataala – iyanaritu Aléna iya engkaé, iya engkaénna, sibawa iya engkaénna matteru – kuwaéttopa polé ri iya pitu roh iya engkaé ri yolona kadéra arajanna Allataala,

WAHYU 1:8

“Iyya'na ritu iya pammulangngé sibawa iya paccappurengngé,” adanna Puwang Allataala, iya engkaé, sibawa iya engkaénna enrengngé iya engkaé matteru, Iya Pommakuwasaé.

WAHYU 4:8

Iya eppa mahlu'éro, tungke'-tungke' mappunnaiwi enneng panni, sibawa ri mattulilinna enrengngé ri lalenna pennoi sibawa mata. Esso wenni iyaro mahlu'-mahlu'é dé' nappésau makkélong, “Mapaccing, mapaccing, mapaccingngi Puwangngé, Allataala Pommakuwasaé; iya engkaé, iya engkaénna, sibawa iya engkaé matteru.”