ASSURENG 3:13 - KITTA KAREBA MADECENG

¹³ Nappébali Musa, “Iyakiya rékko usitangngi sining tau Israélié sibawa makkeda lao ri mennang: ‘Allataalana néné-nénému suroka lao ri iko,’ pasti makkutanai matu mennang, ‘Niga asenna?’ Na agana harusu ubalingengngi mennang?”

ASSURENG 3:13 ပူးပေါင်းရင်းမြစ်များ

KAJAJIYANG 32:29

Nakkeda Yakub, “Powadani asenna Bapa'.” Iyakiya mappébaliwi iyaro tauwé, “Dé' naparelluko makkutana niga asekku!” Nainappa nabarakkaki Yakub.

ASSURENG 15:3

Puwangnge ritu pejuwang baranié, asen-Na, iyanaritu Puwangnge.

ASSURENG 3:12

Nappébali Allataala, “Utulukko matu. Sibawa rékko purani mupassu iyaro bangsaé polé ri Maséré, massompako matu lao ri Iyya ri buluéwé. Iyanaro buttinna makkedaé Iyya suroko.”

ASSURENG 3:14

Nakkeda Allataala, “Iyya iyanaritu Iyya engka. Iyanaé harusu mupowada lao ri bangsa Israélié, Aléna iya riteppué Iyya engka, pura suroka lao ri iko.

ASSURENG 3:15

Abbirittang towi lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, suroko lao ri mennang. Iyya'na Puwang, iyanaro asek-Ku untu' mannennungeng. Iyanaro teppungek-Ku untu' sininna bangsaé massossoreng.

ASSURENG 7:16

Powadangngi iyaro arungngé: Puwang, Allataalana tau Ibranié, suroka untu' palettu'i ri Puwakku kuwammengngi napalaloi umma'-Na lao untu' massompa ri Aléna ri padang kessi'é. Iyakiya lettu makkekkuwangngé dé' namaélo méngkalingai Puwakku.

AMSAL 30:4

Tolino kégana pura noté ri surugaé? Engkaga naengka nakemmo anging ri laleng limanna, sibawa doko uwai ri laleng wajunna, iyaré'ga pattette'i pakkaséséng-pakkasésénna linoé? Niga aléna, sibawa niga ana'na? Pasti muwisseng!

YESAYA 52:6

Rimakkuwannanaro muwangakuiwi matu makkedaé Iyya Allataala, na ri wettuéro muwissengngi matu makkedaé iyya ritu mabbicara lao ri iko.”

YESAYA 7:14

Makkekkuwangngé, Aléna Puwangnge mabbéré matu tanrang lao ri iko: Séddi ana'dara iya mattampu'é jajiyangngi matu séddi ana' worowané iya nasengngé Imanuél.

YESAYA 9:6

Mapparéntai selaku arung wija-wijanna Daud, akuwasanna battowa senna. Wanuwanna tuli daméi nasaléwangeng; apparéntanna napatettongngi ri yaséna hukkungngé sibawa adélékengngé makkekkuwangngé sibawa mannennungeng. Puwang Iya Pommakuwasaé pasti napogau'i.

YEREMIA 23:6

Rékko mapparéntai, salama'i matu tau Yéhudaé, sibawa tuwoi matu tau Israélié sibawa amang. Iyaro arungngé riteppui matu ‘Puwangnge Asalamaketta.’

MATIUS 1:21

Najajiyangngi matu Maria séddi ana' worowané. Iyaro ana'é harusu'i muwéréng aseng Yésus, nasaba Napassalama'i matu umma'-Na polé ri dosana mennang.”

MATIUS 1:23

“Mattampu'i matu séddié ana'dara nanajajiyang séddi ana' worowané. Iyaro ana'é riyasengngi matu Immanuél.” (Immanuél iyanaritu ada Ibrani iya bettuwannaé, “Allataala engka sibawakki”.)

RIWAYA'NA RASUL-RASUL-E 3:13

Allataala iya nasompaé Abraham, Ishak, Yakub, Allataalana néné-nénéta, iyaro Allataalaé purani napakalebbi Atan-Na, iyanaritu Yésus. Yésus iyanaro muwabbéréyang lao ri panguwasaé, sibawa muéwa ri yolona Pilatus, wettunna Pilatus maélo leppessangngi-Na.

HAKING-HAKING 13:6

Purairo laoni bainéna Manoah ri lakkainna sibawa makkeda, “Daéng, engka surona Allataala lao ri iyya; tappana pada-pada malaéka'na Allataala, angkakku métau. Dé' uwakkutanangngi polé kégi, na aléna dé'to nappaissengengngi asenna lao ri iyya.