ASSURENG 3:11 - KITTA KAREBA MADECENG

¹¹ Iyakiya makkedai Musa lao ri Allataala, “Niga iyya'é, angkanna mulléi mangolo ri arungngé sibawa tiwii tau Israélié massu polé ri Maséré?”

ASSURENG 3:11 ပူးပေါင်းရင်းမြစ်များ

2 SAMUEL 7:18

Namuttama'na Daud ri laleng Kémana Puwangnge. Tudanni namassempajang, “Oh Puwang Iya Pommatanré, iyya sibawa kaluwargaku dé' nasitinaja tarimai sininna akessingeng iya Muwappaitangngé lao ri iyya labe'éwé.

1 ARUNG-NGARUNG 3:7

Oh Puwang, Allataalaku, Muwakkaka mancaji arung sulléiwi ambo'ku, namuni malolo senna mupa sibawa dé' naissengngi carana mapparénta.

1 ARUNG-NGARUNG 3:9

Rimakkuwannanaro, Puwang, tennapodo wérénna apanréng iya uwapparelluwangngé untu' paréntai umma'-Mué sibawa adélé nenniya untu' pasilaingengngi kéga makessing sibawa kéga maja. Rékko dé' nappakkuwaro, pékkugi weddikka paréntai umma'-Mu iya battowaé?”

1 TAWARIKH 29:14

Iyya sibawa ra'ya'kué sitongenna dé' aga-aga naullé mabbéréyang lao ri Iko, nasaba iya manenna iyanaritu pabbéré-Mu na aga iya riyabbéréyangngéwé iyanaritu appunnangem-Mu towi.

ASSURENG 6:12

Makkuwaniro Puwangnge suroi Musa sibawa Harun untu' palettu'i lao ri bangsa Israélié sibawa arung Maséré makkedaé risuroi mennang untu' pimpingngi bangsa Israélié massu polé ri Maséré.

YEREMIA 1:6

Mappébalika, “Oh Puwang Iya Pommatanré, dé' umacca mabbicara nasaba malolo senna mupa.”

2 KORINTUS 3:5

Dé'gaga muwi séddi alasang ri aléta untu' pannessai makkedaé rulléi pogau'i jama-jamangngéwé, iyakiya Allataala mpéréngngi iyaro pakkulléngngé.

HAKING-HAKING 6:15

Nappébali Gidéon, “Magi na iyya, Puwang? Pekkugi weddikka leppessangngi umma Israélié polé ri akuwasanna tau Midiangngé. Ri laleng sukunna Manasyé, appakku ritu kaminang malemma. Sibawa muwi ri laleng kaluwargaku iyya'to ritu kaminang dé' bettuwanna.”

1 SAMUEL 18:18

Nappébali Daud, “Niga atattaé, sibawa aga bettuwanna kaluwargana atatta ri Israélié, angkanna atatta mancaji ménéttunna Arungngé?”