ASSURENG 3:10 - KITTA KAREBA MADECENG

¹⁰ Makkekkuwangngé iko Usuro untu' mangolo ri arung Maséré kuwammengngi weddikko pimpingngi bangsa-Ku massu polé ri wanuwaéro.”

ASSURENG 3:10 ပူးပေါင်းရင်းမြစ်များ

KAJAJIYANG 15:13

Nakkedana Puwangnge lao ri Abram, “Engngeranni, wija-wijammu mancajiwi matu tau laing ri wanuwa laingngé; mancaji atai matu mennang kuwaro sibawa ritenre'i matu eppa datu taung ittana.

KAJAJIYANG 15:14

Iyakiya bangsa iya powataéngngi wija-wijammuro maélo-Ka hukkungngi na wettunna wija-wijammu salaiwi iyaro wanuwaé, tiwii matu mennang maéga waramparang.

MAZMUR 105:26

Nainappa nasuro Musa atan-Na sibawa Harun tau Napiléna.

MAZMUR 77:20

Joppa-Ko molai bombangngé, léttoi tasi'é, iyakiya dé' napaita batéla-Mu.

ASSURENG 12:40

Monroi bangsa Israélié ri Maséré 430 taung ittana.

ASSURENG 12:41

Ri esso paccappurengngé ri taung ma-430-éro, sininna barisi'na umma'na Puwangnge salaiwi tana Maséré.

ASSURENG 33:12

Riséuwaé esso makkedai Musa lao ri Puwangnge, “Puwang, Muparéntakka pimpingngi iyaé bangsaé lao ri wanuwa iya Muwajjanciyangngé. Iyakiya dé' Mupowadai niga maélo Musuro untu' tulukka. Puwang, makkeda-Ko makkedaé Muwissekka, sibawa Muwélorika.

ASSURENG 33:13

Rékko makkuwaitu, tappaissengenni aga rancana-Mu, Puwang, kuwammengngi weddikka tumaningi-Ko sibawa tette pésennangiwi atim-Mu. Engngerang towi makkedaé iyaé bangsaé purani Mupilé mancaji appunnangem-Mu.”

ASSURENG 6:26

Sipadduwai mennang mangolo ri arung Maséré kuwammengngi napaleppe'i tau Israélié.

HOSEA 12:13

Yakub toriyolota lariwi lao ri Mésopotamia, na untu' lolongeng bainé, mancaji atai lao ri tauwé kuwaro sibawa mampii sining bimbala'na tauwé kuwaro.

MIKHA 6:4

Purano Utiwi massu polé ri Maséré, sibawa Upaleppe polé ri angatangengngé; purani Usuro Musa, Harun, sibawa Miryam untu' pimpikko.

RIWAYA'NA RASUL-RASUL-E 7:34

Purani Uwita sibawa upénessai paina anrasa-rasanna umma'-Ku ri Maséré'. Purani Uwéngkalinga addarékénna mennang naunonnona untu' paleppe'i mennang. Makkekkuwangngé laono mai! Maélo-Ka suroko lisu ri Maséré'.’

RIWAYA'NA RASUL-RASUL-E 7:36

Musa iyanaro pimpingngi bangsa Israélié massu polé ri Maséré' sibawa pogau' maéga anu makalallaing sibawa gau'-gau' dé'é padanna ri Maséré', ri Tasi' Cella'é sibawa ri padang kessi'é patappulo taung ittana.

RIWAYA'NA RASUL-RASUL-E 7:6

Iyakiya iyanaé napowada Allataala ri Abraham, ‘Wija-wijammu monroi matu selaku tau polé-polé ri wanuwanna tau laingngé. Iyaro sining taunna wanuwaé najajai matu mennang sibawa nagaukenna sibawa mabecco eppa datu taung ittana.

RIWAYA'NA RASUL-RASUL-E 7:7

Iyakiya maélo-Ka hukkungngi bangsa iya powataéngngi mennang, sibawa passui matu polé ri wanuwaéro nanasompa-Ka matu ri onrongngéwé.’

HAKING-HAKING 6:14

Nainappa nabbéréyang Puwangnge paréntaéwé lao ri Gidéon, “Nasibawang sininna awatangemmu laono leppessangngi tau Israélié polé ri akuwasanna tau Midiangngé. Iyya ritu suroko.”

1 SAMUEL 12:6

Nakkedapa paimeng Samuél, “Puwangnge ritu piléi Musa sibawa Harun, sibawa iya tiwiéngngi toriyolomu massu polé ri Maséré.

1 SAMUEL 12:8

Wettunna Yakub sibawa kaluwargana lao ri Maséré, na ritenre ri tau Maséré'é, méllauwi pattulung toriyolomu ri Puwangnge, nanasuroi Puwangnge Musa sibawa Harun. Iya duwa tauwéro tiwii toriyolomu massu polé ri Maséré sibawa tulungngi mennang mattette ri wanuwaéwé.