ASSURENG 3:1 - KITTA KAREBA MADECENG

¹ Iyaro wettué nampini Musa sining bimbala'na sibawa bémbé'na Yitro, matuwanna, imang ri tana Midian. Wettunna narimpa olokolo'naro mallétto ri padang kessi'é, lettu'ni ri Bulu Sinai, bulu iya mapaccingngéro.

ASSURENG 3:1 ပူးပေါင်းရင်းမြစ်များ

1 ARUNG-NGARUNG 19:19

Nanajoppana Elia méwai sita Elisa iya mattengngangngé maddakkala. Engka seppulo duwa pasang saping ri yolona na aléna Elisa maddakkala sibawa pasangeng saping paccappurengngé. Wettunna Elia lalo ri seddéna Elisa, naleppessani Elia jumbana nanaparampa'i ri salangkanna Elisa.

1 ARUNG-NGARUNG 19:8

Moto'ni Elia, nainappa manré sibawa ménung. Namawatanna sibawa naulléna joppa patappulo esso ittana lao ri Bulu Sinai, onronna Allataala mappaitangngi aléna.

MAZMUR 106:19

Ri Bulu Sinai mébbui mennang ana' saping ulaweng, sibawa sompai dato'-dato' ricuwangngéro.

ASSURENG 17:6

Maélo-Ka tettong ri yolomu ri yasé'na séddié batu loppo ri Bulu Sinai. Unrui iyaro batué, namassu matu uwai angkanna iyaro sining tauwé weddingngi ménung.” Napogau'ni Musa makkuwaéro nasabbing sining pamimpinna Israélié.

ASSURENG 18:12

Nainappa Yitro tiwii siyagangngaré akkarobangeng ritunu sibawa akkarobangeng rigéré selaku pakkasuwiyang lao ri Allataala. Harun sibawa sininna pamimpinna bangsa Israélié poléni sibawa manré sisama Yitro ri laleng ahadérékenna Allataala.

ASSURENG 19:11

Harusu'i mennang sadiyana sangadi. Iyaro essoé maélo-Ka nonno ri tompo'na Bulu Sinai, onrong weddingngé naitaka sininna tauwé.

ASSURENG 19:3

na Musa tuppuiwi iyaro bulué untu' siruntu sibawa Allataala. Mabbicarani Puwangnge polé ri buluéro sibawa suroi mappallebbangengngi lao ri tau Israélié, wija-wijanna Yakub,

ASSURENG 2:18

Wettunna mennang lisu, makkutanani ambo'na, “Magi mumasitta makkuwa lisu iyaé essoé?”

ASSURENG 2:21

Nasitujuini Musa untu' monro kuwaro. Nainappa Yitro pasiyalai ana'na iya riyasengngé Zipora sibawa Musa.

ASSURENG 24:13

Nasadiya-sadiyana Musa dibawa Yosua pabbantunna na Musa tuppuiwi bulu onronna Puwang-ngéro.

ASSURENG 3:12

Nappébali Allataala, “Utulukko matu. Sibawa rékko purani mupassu iyaro bangsaé polé ri Maséré, massompako matu lao ri Iyya ri buluéwé. Iyanaro buttinna makkedaé Iyya suroko.”

ASSURENG 3:5

Nanakkeda Allataala, “Aja' mumacawé. Ludungngi sandala'mu, saba' tettokko ri tana iya mapaccingngé.

ASSURENG 4:18

Purairo lisuni Musa ri bolana Yitro, matuwanna, sibawa makkeda lao ri aléna, “Palalona lisu ri Maséré untu' célléngiwi silessu-silessurekku sibawa mitai aga tuwo mupi mennang.” Nakkeda Yitro lao ri Musa, “Laono sibawa salama.”

ASSURENG 4:27

Nakkedana Puwangnge lao ri Harun, “Laono ri padang kessi'é untu' méwai sita Musa.” Nalaona Harun, nasiruntu'na anrinna ri bulu mapaccingngé, nanabauwi.

AMOS 1:1

Amos iyanaritu séddiwi pakkampi bimbala polé ri kota Tékoa. Mancaji nabiwi wettunna wanuwa Yéhuda riparénta ri Arung Uzia, sibawa Israélié riparénta ri Arung Yérobéam, ana' worowanéna Yoahas. Duwattaung ri wettu dé'napa nakajajiyang séuwa tatténrénna tanaé, nappaitangngi Allataala lao ri Amos gau'-gau' passalenna Israélié.

MALEAKHI 4:4

Engngerangngi sining pappagguruwanna atak-Ku Musa, éngngerangngi hukkung-hukkung sibawa parénta-parénta iya Uwabbéréyangngé lao ri aléna ri Bulu Sinai untu' riturusi ri sininna umma Israélié.

ABBILANGENG 10:29

Makkedai Musa lao ri ipana, Hobab ana' Réhuél tau Midiangngé, “Maéloki joppa lao ri onrong iya manuru'é adanna Puwangnge maélo riwérékki. Puwangnge pura majjanciyangngi iya makessingngé lao ri tau Israélié. Jaji accowéno, maéloki pogau' décéng lao ri iko.”

ABBILANGENG 10:33

Nasalainnana bangsa Israélié Sinai, bulu naonroiyé Puwangnge, joppani mennang tellungngesso ittana. Petti Assijancinna Puwangnge tuli ritiwii poddiyoloiwi mennang untu' sappa onrong makkéma untu' mennang.

LUKAS 2:8

Ri wenniéro engka pakkampi-pakkampi iya monrowangngéngngi sining bimbala'na ri padangngé ri daéraéro.

RIWAYA'NA RASUL-RASUL-E 7:30

Patappulo taung ri munrinna engka séddi malaéka' lao ri Musa ri padang kessi seddéna Bulu Sinai. Iyaro Malaéka'é poléi ri laleng apié ri alekale malluwa'é.

ULANGENG 1:2

Polé ri Bulu Sinai lettu ri Kadés-Barnéa naolai daéra buluna Edom, riyapparelluwangngi seppulo séddi essona mallaleng.)

ULANGENG 1:6

“Wettutta engka ri Bulu Sinai, makkedai Puwang Allataalata, ‘Genne'ni ittana monroko ri buluéwé.

ULANGENG 4:10

passalenna essoéwé, wettummu tettong ri yolona Puwang Allataalamu ri Bulu Sinai. Iyaro wettué Aléna makkeda lao ri iko, ‘Paddeppungengngi bangsaéro. Macinna-Ka mennang méngkalingai aga maélo Upalettu, kuwammengngi nagguru mennang mapato lao ri Iyya sillampe umuru'na, sibawa kuwammengngi mennang napaggurui ana'-ana'na untu' mapato lao ri Iyya.’

HAKING-HAKING 4:11

Iyaro wettué Héber, séddiwi tau Kéni, napallainni aléna polé ri bangsana. (Bangsa Kénié iyanaritu wija-wijanna Hobab, ipana Musa.) Pura napasanni Héber kéma-kémana ri seddéna aju-kajung terpentingngé ri Zaanaim, dé' namabéla polé ri Kédes.

1 SAMUEL 16:11

Namakkutanana Samuél ri aléna, “Banna iya manengngéga ana' worowanému?” Nappébali Isai, “Engka mupa séddi taupa, iya maloloé, iyakiya mattengngangngi mampi bimbala.” Nakkeda Samuél, “Suroi mobbii, nasaba dé' tanré matu ri wettu dé'napa napolé.”