ASSURENG 27:8 - KITTA KAREBA MADECENG

⁸ Ebbui iyaro mézbaé polé ri pépengngé sibawa makkalebbong ri bagiyang lalenna, situru rancana iya Ujellokengngékko ri yasé'na buluéwé.”

ASSURENG 27:8 ပူးပေါင်းရင်းမြစ်များ

1 TAWARIKH 28:11

Purairo nabbéréyanni Daud lao ri Salomo rancana bangunang untu' Bolana Puwangnge, sining gudanna, sininna kamara'na, sibawa Bili' Pommapaccingngé, onrong paddampengeng dosaé.

1 TAWARIKH 28:19

Nainappa makkeda Arung Daud, “Iya manennaro tarokii ri laleng rancana iya puraé naoki situru sibawa panunju iya nabbéréyangngé aléna Puwangnge lao ri iyya untu' ripogau'.”

ASSURENG 25:40

Jagaiwi kuwammengngi ajé lampué riyébbui situru conto iya Ujellokengngékko ri yasé'na buluéro.”

ASSURENG 25:9

Kéma sibawa paréwanna harusu'i mennang naébbu situru rancana iya Ujellokengngéngngi matu.”

MATIUS 15:9

Percuma mennang sompa-Ka, saba' peraturang tolino nappagguruwang mennang samanna iyaro peraturak-Ku.’ ”

RIWAYA'NA RASUL-RASUL-E 7:44

Kéma naonroiyé Allataala lao ri rupa tauwé rilolongengngi ri néné-nénéta ri padang kessi'é. Iyaro kémaé riyébbui nasaba paréntana Allataala lao ri Musa sibawa situru conto nappaitangngé Allataala lao ri Musa.

IBRANI 8:5

Jama-jamang iya napogau'é mennang selaku imanro sitongenna banna séddi gambara sibawa wajo-wajo polé ri aga iya engkaé ri surugaé. Iyaro purani nappaddissengeng Allataala lao ri Musa riyolo, wettunna Musa maélo patettongngi Kémana Puwangngé. Makkeda makkuwaiyé Allataala lao ri Musa, “Engngerangngi! Iya manennaro harusu'i uwébbu situru conto iya napaitangngékko ri yasé'na bulué.”