ASSURENG 27:3 - KITTA KAREBA MADECENG

³ Ebbuno pamuttu-pamuttu, kénro, mangko'-mangko', sondo sibawa onrong api. Iya manenna paréwaéro harusu'i riyébbu polé ri gessaé.

ASSURENG 27:3 ပူးပေါင်းရင်းမြစ်များ

1 ARUNG-NGARUNG 7:40

Mébbu towi Huram pamuttu-pamuttu, kénro-kénro sibawa mangko-mangko. Purairo tépu manenni jama-jamanna untu' Arung Salomo untu' Bolana Puwangnge. Iyanaé passakke'na iya puraé naébbu: Duwa alliri loppo Duwa ulu alliri pada-pada mangko'é iya ritaroé ri coppo'na iya duwa alliriéro Anengeng ranté ri tungke' ulu allirié Eppa datu dalima gessa iya risusungngé duwajjiji mattulilingiwi anengeng ranté ri tungke' ulu allirié Seppulo karéta Seppulo katowang Kullang gessa Seppulo duwa saping gessa iya tula'éngngi kullangngéro Pamuttu-pamuttu, kénro-kénro sibawa mangko-mangko. Sininna passake untu' Bolana Puwang-ngéro, iya naébbué Huram untu' Arung Salomo, riyébbui polé ri gessaé, sibawa rigoso gangka lala'.

2 ARUNG-NGARUNG 25:14

Natiwi towi mennang barab-barangngéwé: kénro, onrong awunna mézbaé, pakkakkasa pajjennangengngé, mangko-mangko untu' pattarimai dara olokolo iya rigéréé untu' akkarobangeng, mangko-mangko untu' mattunu dupa, sibawa sininna barang gessa laingngé iya ripaké untu' upacara assompang.

2 ARUNG-NGARUNG 25:15

Barab-barang ulawengngé sibawa péra'é, muttama'ni mangko-mangko baiccu'é sibawa penné-penné untu' baraé aléna Nébuzaradan malai.

1 TAWARIKH 28:17

Makkuwatoro panunju-panunju passalenna jumellana ulaweng tuléngngé iya harusu'é ripaké untu' mébbu sondo, mangko sibawa boli-boli, passalenna égana péra' sibawa ulaweng untu' mébbu penné-penné,

2 TAWARIKH 4:11

Huram, kapalana tukangngéro, mébbui pamuttu-pamuttu, kénro-kénro sibawa mangko-mangko. Napurana naébbu maneng sininna passakke'-sakke'na Bolana Puwangnge situru sibawa jancinna lao ri Arung Salomo. Iyanaé passakke'-sakke'na iya puraé naébburo: Duwa alliri loppo Duwa ulu alliri pada mangko iya ritaroé ri yasé'na iya duwa alliriéro Anengeng ranté ri tungke ulu allirié 400 dalima gessa iya risusungngé ri laleng duwajjiji ri mattulilinna anengeng ranté ri tungke ulu allirié 10 karéta 10 katowang loppo Kullang gessa 12 saping gessa iya tula'éngngi iyaro kullangngé Pamuttu-pamuttu, kénro-kénro sibawa sondo-sondo Sininna passakke'-sakke'éro naébbui Huram untu' Bolana Puwangnge, riyébbui polé ri gessaé sibawa rigoso gangka lala'. Huram mébbu manengngi iyaro situru paréntana Arung Salomo.

ASSURENG 24:6

Sibagiyang polé ri dara sapingngéro nalani Musa nanatiri'i ri laleng katowang-katowangngé. Sibagiyassi natiri'i ri yasé'na mézbaé.

ASSURENG 27:19

Sininna passakke'na iya ripaké ri laleng Kémaé, sininna patto untu' Kémaé sibawa untu' téndana harusu'i riyébbu polé ri gessaé.”

ASSURENG 27:2

Ri tungke' sunna ri yasé harusu'i riyébbureng tanru-tanru iya masséddié sibawa mézbaé. Iya manenna harusu'i rilapiri sibawa gessa.

ASSURENG 27:4

Ebbuno anengeng kawe polé ri gessaé sibawa pasanno eppa toling untu' aju pabbuléna ri eppa sunna ri yawa.

ASSURENG 38:3

Naébbu towi pamuttu-pamuttué, sikopangngé, mangko'-mangko'é, sondo'-sondo'é sibawa onrong apié. Sininna iyaro paréwaé riyébbui polé ri gessaé.

ANGIMANGENG 16:12

harusu'i mala onrong api polé ri mézbaé nanalisekiwi gangka penno sibawa bara api, sibawa duwakkemmo dupa nenné, nainappa natiwi ri Bili' Pommapaccingngé.

ABBILANGENG 4:14

Na ri yasé'naro harusu'i mennang napalénne sininna paréwa iya ripaké ri laleng assompangngé ri mézbaéro: onrong apié, sondo'é, sodé'é sibawa katowangngé. Nainappa harusu'i mennang natongko manenro sibawa silampa bingkulang alusu sibawa pasangngi aju pabbuléna.