ASSURENG 27:1 - KITTA KAREBA MADECENG

¹ “Ebbuno séddi mézba polé ri aju akasiaé. Bentu'na massulapa, lampéna sibawa sakkana tungke'-tungke' 2,2 météré sibawa tanréna 1,3 météré.

ASSURENG 27:1 ပူးပေါင်းရင်းမြစ်များ

2 SAMUEL 24:18

Iyatoro essoé napolé Gad mangolo ri Daud sibawa makkeda ri aléna, “Sitinajai Datu ménré ri onrong addésekeng gandong appunnangenna Arauna, sibawa patettongengngi mézba Puwangnge.”

2 ARUNG-NGARUNG 16:14

Naitani Ahas makkedaé mézba gessaé iya ripallaingngé untu' Puwangnge monroi ri pallawangenna Bolana Puwangnge sibawa mézbana iya barué. Rimakkuwannanaro napalétté'ni iyaro mézba gessaé polé ri yolona Bolana Puwangnge lao ri seddé manoranna mézbana iya baruéro.

1 TAWARIKH 6:49

Harun sibawa wija-wijanna jamanna mattunu dupai, makkasuwiyangengngi akkarobangeng ritunu ri yasé'na mézbaé, pogau'i sininna rupanna upacaraé ri Bili' Pommapaccingngé, sibawa makkasuwiyangengngi akkarobangeng pappaledda dosana umma Israélié. Iya manennaro napogau'i mennang situru panunju-panunju iya nabbéréyangngé Musa atanna Allataala.

2 TAWARIKH 4:1

Nassurowanni Arung Salomo mébbu séddi mézba gessa, iya lampénaé sibawa lebba'na tungke-tungke 9 météré, sibawa tanréna 4,5 météré.

EZRA 3:2

nainappa Yésua ana' Yozadak enrengngé sellao-sellaona sining imangngé sibawa Zérubabél ana' Séaltiél nenniya sumpulolona, patettongngi paimeng mézbana Allataalana Israélié. Nanallalengiwi weddinni mennang mattunu akkarobangeng ri yasé'na, situru sibawa panunju-panunju iya tarokié ri laleng kitta Hukkunna Musa, atanna Allataala.

ASSURENG 17:15

Nanapatettonna Musa séddi mézba sibawa masengngi “Puwangnge iyanaritu Bandéraku”.

ASSURENG 24:4

Purairo naokini Musa sininna paréntana Puwangnge. Bajana éléé, patettonni séddi mézba sibawa seppulo duwa tugu ri ponna buluéro; tungke' tugu wakkélékiwi sala séddinna suku Israélié.

ASSURENG 31:9

mézba onrong akkarobangeng ritunu sibawa sininna passakke'na, kullang uwai sibawa tudangenna,

ASSURENG 35:16

mézba untu' akkarobangeng ritunu sibawa tarali-tarali polé ri gessaé, aju pabbulé sibawa sininna passakke'na; kullang onrong mabbissa sibawa pallanggana,

ASSURENG 39:39

mézba gessaé sibawa anengeng kawe polé ri gessaé, aju pabbuléna sibawa sininna passakke'na; kullang onrong mabbissa sibawa tudangenna,

ASSURENG 40:10

Akkasuwiyangengngi mézbaé sibawa sininna passakke'na sibawa caraéro, kuwammengngi na iya manenna ripallaingngi untu' Iyya.

ASSURENG 40:29

na ri yolona sumpangngéro nataroi mézbaé untu' akkarobangeng ritunu. Ri yasé'na mézbaéro riyakkasuwiyangengngi akkarobangeng ritunué sibawa akkarobangeng ripatalaé.

ASSURENG 40:6

Palénne'i mézba untu' akkarobangeng ritunué ri yolona sumpang Kémaé.

ABBILANGENG 3:31

Mattanggung jawa'i mennang ri Petti Assijancingngé, méjangngé, ajé lampué, mézba-mézbaé, sining pakkakkasa iya napaké sining imangngé ri Bili' Mapaccingngé, sibawa kaing paddenring iya lawaéngngi Bili' Mapaccingngé. Mattanggung jawa'i mennang risininna jama-jamang iya engkaé assisumpungenna sibawa barab-barangngéro.

ABBILANGENG 4:13

Harusu'i mennang pépaccingiwi iyaro mézbaé polé ri awué, nainappa napallebbakeng silampa kaing collipao ri yasé'na.

ABBILANGENG 4:14

Na ri yasé'naro harusu'i mennang napalénne sininna paréwa iya ripaké ri laleng assompangngé ri mézbaéro: onrong apié, sondo'é, sodé'é sibawa katowangngé. Nainappa harusu'i mennang natongko manenro sibawa silampa bingkulang alusu sibawa pasangngi aju pabbuléna.

IBRANI 13:10

Mappunnaiki séddi mézba untu' makkasuwiyangeng akkarobangeng lao ri Allataala. Nasining imang iya mattumaniyé ri laleng Kémana Puwangngé, dé'gaga ha'na manré akkarobangeng iya engkaé ri yasé'na mézbaéro.