ASSURENG 24:2 - KITTA KAREBA MADECENG

² Banna iko bawang wedding maddeppéri-Ka. Iya laingngé dé' nawedding lao maddeppé, sibawa ra'ya'é mala dé' nawedding tuppuiwi iyaé bulué.”

ASSURENG 24:2 ပူးပေါင်းရင်းမြစ်များ

ASSURENG 19:12

Ebbuno tanrang ri mattulilinna buluéwé selaku pakkaséséng iya dé'é nawedding naliweng iyaro bangsaé. Attéyangngi iyaro bangsaé tuppuiwi bulué, mala maddeppériwi. Nigi-nigi léttoi pakkasésénna, rihukkung matéi matu;

ASSURENG 20:21

Iyakiya iyaro sining tauwé tettongngi mabéla-béla, na banna Musa maddeppériwi ellung makalemmengngé ri onrong naengkaiyé Allataala.

ASSURENG 24:1

Nainappa makkeda Puwangnge lao ri Musa, “Enré'no untu' mangolo ri Iyya, iko silaong Harun, Nadab sibawa Abihu, enrengngé pituppulo pamimpinna bangsaé, namusuju' sompa-Ka polé mabéla.

ASSURENG 24:13

Nasadiya-sadiyana Musa dibawa Yosua pabbantunna na Musa tuppuiwi bulu onronna Puwang-ngéro.

ASSURENG 24:15

Natuppuini Musa Bulu Sinai, naritongkona ri sitékké ellung.

ASSURENG 24:18

Natteruna Musa tuppu narapi muttama ri laleng ellungngéro. Patappulo esso patappulo wenni Musa monro kuwaro.

ASSURENG 24:3

Nanalaona Musa mappallebbangengngi lao ri bangsaéro sininna paréntana sibawa peraturanna Puwangnge. Nappébali manenna mennang massama-samang, “Maéloki pogau' manengngi iya napowadaé Puwangnge.”

YEREMIA 30:21

Arung iya paréntaékko assalenna poléi ri bangsamu. Laluwasai maddeppéri-Ka matu narékko Uwobbii mangolo ri Iyya. Saba' nigana barani mangolo ri Iyya nasaba élona muto? Mancajiko matu umma'-Ku na Iyya mancaji Allataalamu. Iyya, Puwang iya powadaéngngi iyaro.”

YEREMIA 49:19

Pada-pada singaé mompo polé ri ale maworongngé ri seddéna Salo Yordan sibawa lokkaiwi padang onronna bimbala'é mabbella, makkuwa toniro polé-Ka matu sibawa mébbui tau Edongngé lari polé ri wanuwanna mennang tennasenna-senna. Nainappa pilé-Ka séddi tau pamimping untu' paréntai iyaro bangsaé. Nigana wedding ripappadaik-Ka? Niga barani mébbu parakara sibawa Iyya? Engkaga pamimping iya mullééngngi méwa-Ka?

ABBILANGENG 16:5

Nainappa makkeda lao ri Kora enrengngé sining maccowériyéngngi, “Baja éléé maéloi Puwangnge mappaitangngi lao ri idi niga appunnangen-Na, sibawa niga iya napallaingngé untu' alé-Na. Tau iya Napilé napalaloi matu maddeppériwi.

IBRANI 9:24

Saba' dé' nauttama Kristus ri Bili' Mapaccingngé ébbu tolinoé, iya bannaé pulambangngi Bili' Mapaccingngé iya sitongennaé. Muttama'i Kristus ri surugana muto; kuwaniro makkekkuwangngé mangolo ri Allataala untu' apentingetta.