ASSURENG 22:8 - KITTA KAREBA MADECENG

⁸ Iyakiya rékko dé' narilolongeng iya ménnauwéngngi, tau iya riyappaddettangiyéro rahusu'i ritiwi ri onrong assompangngé, sibawa harusu'i mattanro kuwaro makkedaé dé' naénnauwi barang iya riyappaddettangengngé ri aléna.

ASSURENG 22:8 ပူးပေါင်းရင်းမြစ်များ

1 ARUNG-NGARUNG 8:31

Rékko séddié tau ritenre pasala lao ri tau laingngé sibawa ritiwi lao ri mézba-Mu ri laleng bola assompangngéwé untu' mattanro makkedaé dé' napasala,

1 TAWARIKH 23:4

Nainappa 24.000 tau ri yelle'na nasuroi untu' jamai jamang ri Bolana Puwangnge, 6.000 untu' murusu'i administrasinna sibawa parakara-parakara angadélékengngé,

MAZMUR 82:1

Mazmurna Asaf. Allataala pimpingngi pengadilang ilahié ri surugaé, nainappa nabbéréyang apettun-Na:

ASSURENG 21:6

harusu'i puwanna tiwii ri onrong assompangngé. Kuwaro risuroi iyaro ataé tettong sanré ri tange'é iyaré'ga ri alliri tange onrong assompangngé, naharusu'i puwanna teddoi daucculinna iyaro ataé. Namancajina atanna gangka maténa.

ASSURENG 22:28

Aja' mutanroiwi Allataala sibawa aja' mutanroiwi pamimping bangsamu.

ASSURENG 22:9

Ri laleng tungke' assisalangngé passalenna appunnangengngé, saping iyaré'ga kaleddé, bimbala, pakéyang iyaré'ga agi-agi iya teddéngngé nainappa riruntu paimeng, sining tau iya mangakué selaku punnana harusu'i ritiwi ri onrong assompangngé. Tau iya napannessaé Allataala selaku tau pasala, harusu'i nawaja leppi wékkaduwa lao ri punnana.

ULANGENG 16:18

“Ri tungke' kota iya nawéréngngékko Puwang Allataalamu, harusu'ko makka haking-haking sibawa pajjama-jama laing untu' madélékiwi ra'ya'é sibawa adélé.