ASSURENG 22:2 - KITTA KAREBA MADECENG

^2-4 Harusu'i nasulléi barang iya naénnauwé. Rékko dé' nappunnai agi-agi, aléna ritu ribalu' selaku ata, untu' sulléiwi barang iya puraé naénnau. Rékko iya naénnauwéro maddupa saping, kaleddé iyaré'ga bimbala, nariruntu ri tauwéro ri laleng keadaang tuwo, harusu'i nasulléi tungke' kajunna sibawa duwakkaju olokolo. Rékko ri wennié ritikkengngi séddié panga ménnau ri laleng séddié bola, nainappa riyuno, iya mpunoéngngi dé' napasala. Iyakiya rékko iyaro gau'é kajajiyangngi ri essoé, tau iya mpunoéngngi riyangga'i pasala.

ASSURENG 22:2 ပူးပေါင်းရင်းမြစ်များ

MATIUS 24:43

Engngerangngi iyaé! Akkalarapanna naissengngi punna bolaé tetté siyaga ri wennié napolé matu pangaé, dé'na namatinro, kuwammengngi dé' namuttama pangaé ri lalempolana.

1 TESALONIKA 5:2

Saba' alému missengngi sibawa manessa makkedaé Esso apolénna Puwangngé poléi matu pada-pada panga iya polé ri wennié.

YOEL 2:9

Maggasai mennang muttama ri laleng kotaé, sibawa lari ri tompo'na témbo'na. Makkémpéi mennang muttama ri lalempolaé; pada-pada pangaé, muttama'i mennang lalo ri tellongengngé.

HOSEA 7:1

Makkedai Puwangnge, “Sises-siseng macinna-Ka pajjappai umma'-Ku Israélié sibawa palisui keadaanna mennang, na iya Uwitaé banna jana sibawa dosana. Sisulléi mennang sibengnguwang, nauttamakiwi mennang bolana tauwé untu' ménnau, sibawa maddampo'i mennang risining lalengngé.

AYUB 30:5

Rirukkai mennang sibawa kelli pada-pada tau rukkaé panga.

AYUB 24:14

Ri subué moto'i pabbunoé polé ri atinronna, nainappa massu mpunoi tau iya kasiyasié, na ri wettu dé'napa na élé, coco-coco'i pada-pada pangaé.

1 PETRUS 4:15

Aja' namuwi séddi tau polé ri yelle'mu manrasa-rasa nasaba pabbunoi, iyaré'ga pangai, iyaré'ga tomaja, iyaré'ga nasaba nacampurukiwi urusanna tau laingngé.

AYUB 24:16

Nabongkara'i pangaé bolaé ri wennié; ri essoé naniniriwi tajangngé sibawa massubbui.

YEREMIA 2:34

Marota'i pakéyammu polé ri darana tau kasiyasié sibawa tau dé'é napasala, tenniya darana panga iya ritikkengngé. Namuni makkuwaro,