ASSURENG 20:4 - KITTA KAREBA MADECENG

⁴ Aja' muwébburengngi alému dato'-dato' iya sinrupaé muwi aga iya engkaé ri langié, ri linoé iyaré'ga ri laleng uwai ri yawana linoé.

ASSURENG 20:4 ပူးပေါင်းရင်းမြစ်များ

1 ARUNG-NGARUNG 12:28

Purana natimbang gau'éro, mébbuni duwa dato-dato saping ulaweng nainappa makkeda lao ri ra'ya'é, “Bangsa Israélié! Cuku'ni ittana laoko ri Yérusalém untu' massompa. Makkekkuwangngé, iyanaé déwata-déwatamu iya puraé tiwiko massu polé ri Maséré!”

2 TAWARIKH 33:7

Nataroi dato'-dato' barahalaé ri Bolana Puwangnge, padahal passalenna onrongngéro purai makkeda Allataala lao ri Daud sibawa Salomo ana' worowanéna, “Bola-Ku ri Yérusaléngéwé, iya puraé Upilé polé ri yelle'na iya seppulo duwa daérana suku Israélié, iyanaritu onrong iya puraé Upattentu selaku onrong assompang lao ri Aléku untu' mannennungeng.

MAZMUR 78:58

Naéwai mennang Allataala sibawa onrong assompang barahalana mennang, nenniya mébbui mennang mangémpuru sibawa dato'-dato'na mennang.

MAZMUR 97:7

Sininna tau iya sompaéngngi barahalaé ripakasirii matu, iya mabbangkakengngéngngi barab-barang dé'é nakkéguna; sinininna déwataé suju'i matu ri yolona Puwangnge.

ASSURENG 20:23

Aja' muwébburengngi alému dato'-dato' péra' iyaré'ga ulaweng untu' musompa rilaik-Ku.

ASSURENG 32:1

Wettunna naita bangsa Israélié makkedaé maitta senna'ni Musa dé'pa nanonno polé ri bulué, iyakiya monro mupi kuwaro, nakatulunni mennang Harun sibawa makkeda lao ri aléna, “Dé'na nirisseng aga iya kajajiyangngé sibawa Musa, tau iya puraé tiwiki massu polé ri Maséré; jaji ébburenni déwata iya pimpingngékki matu.”

ASSURENG 32:23

Makkedai mennang ri iyya, ‘Dé'na taissengngi aga kajajiyang sibawa Musa, tau iya puraé tiwiki massu polé ri Maséré; jaji ébburenni déwata iya weddingngé pimpikki.’

ASSURENG 32:4

Nalani Harun iyaro anting-ngantingngé, nanaancuru'i sibawa nacuwangngi ri laleng séddié accuwangeng nanaébbui séddi dato'-dato' saping. Nakkeda iyaro bangsaé, “Eh Israélié, iyanaé déwatata iya mantara'ékki massu polé ri Maséré!”

ASSURENG 32:8

Lésséni mennang polé ri parénta-parénta-Ku. Mébbui mennang dato'-dato' saping polé ri ulaweng ricuwangngé, nainappa sompai sibawa makkasuwiyangeng akkarobangeng lao ri aléna. Adanna mennang, iyanaro déwatana iya tiwiéngngi massu polé ri Maséré.

ASSURENG 34:17

Aja' muwébbu sibawa sompai déwata-déwata polé ri bessié.

YESAYA 42:17

Tau iya mateppe'é ri dato-dato barahalaé sibawa mangakuiwi selaku déwatana mennang, ripakatunai matu sibawa ripakasiri.”

YESAYA 42:8

Iyyana ritu Puwang, iyanaro asek-Ku; arajak-Ku dé' Uwabbéréyangngi lao ri muwi niga; ataromporek-Ku dé' Uwabbéréyangngi lao ri dato-dato'é.

YESAYA 45:16

Sininna tau iya mébbué dato-dato barahala; ripakasirii matu sibawa ripakatuna.

YEHEZKIEL 20:7

Usuroi mennang mabbéyangngi dato-dato mappakaciddi-ciddi iya napojiéro mennang, sibawa Uwattéyangngi mennang panajisi'i aléna sibawa massompa barahala-barahala polé ri Maséré, saba' Iyya ritu Puwang Allataalana mennang.

YEHEZKIEL 8:10

Muttama'na nauwitai. Sining renrinna iyaro bili'é risobbi'i sibawa sininna rupanna ulaé sibawa olokolo harang laingngé, makkuwatoro madduparupang gambara barahala iya nasompaé sining tau Israélié.

YEHEZKIEL 8:3

Najjulluwanni séuwa iya sinrupaé lima, nainappa nakarappo gemme'ku. Nainappa ri laleng pakkitangngéro, riyakkaka matanré ri yelle'é ri Rohna Allataala naritiwi ri Bolana Puwangnge ri Yérusalém, ri sumpang muttama'é ri seddé ri lalenna ri tibang manorang. Kuwaro engka dato-dato barahala iya puraé paénré'i caina Allataala.

ANGIMANGENG 19:4

Aja' musompa barahala. Aja' muwébbu dato'-dato' polé ri bessié sibawa sompai. Iyya'na Puwang Allataalamu.

ANGIMANGENG 26:1

Makkedai Puwangnge, “Aja' muwébbu barahala iyaré'ga patettong dato'-dato' iyaré'ga alliri batu iya risobbi'é untu' risompa. Iyya'na Puwang Allataalamu.

ABBILANGENG 12:8

Enrengngé mabbicaraka sibawa aléna siyolong tappa, sibawa manessa enrengngé dé' nasibawangngi patteppung. Mala muwi rupak-Ku purani naita! Magi mubarani méwai Musa, atak-Kuro?”

RIWAYA'NA RASUL-RASUL-E 17:29

Nasaba idi'é ana'-ana'ki Allataala, dé' naweddikki mangga'i Allataala pada-pada dato'-dato' polé ri ulawengngé iyaré'ga péra'é iyaré'ga batué iya riyébbué situru accana tolinoé.

ROMA 1:23

Tenniya Allataala iya mannennungengngé nasompa mennang, sangadinna dato'-dato' iya sinrupaé mahlu' weddingngé maté; iyanaritu rupa tauwé, manu'-manu'é, olokolo iya eppaé ajéna, sibawa olokolo makkalolo'é.

ULANGENG 16:22

sibawa aja' mupatettong alliri untu' massompa barahala, nasaba nabenci Puwang Allataalamu pangkaukengngéro.

ULANGENG 27:15

Sining tau Léwié: ‘Tattanroi tau iya mébbué dato'-dato' polé ri batué, ajué iyaré'ga bessié, nanasompai sibawa subbu-subbu; nabenci Puwangnge assompang barahalaé!’ Sininna ra'ya'é: ‘Aming!’

ULANGENG 5:8

Aja' muwébburengngi alému dato-dato iya pappadaiyéngngi agi-agi iya engkaé ri langié, ri linoé iyaré'ga ri laleng uwai ri yawana linoé.

WAHYU 16:2

Laoni malaéka' mammulangngé sibawa tiri'i lise' onronna ri linoé. Naompona sining lettang iya maseroé sibawa maseroé angéttukenna ri sininna tauwé iya mappunnangiyé tanranna olokolo'éro, sibawa sining tau iya sompaéngngi dato'-dato'na.

WAHYU 9:20

Iyakiya sésana polé ri umma' tolinoé iya dé'é nariyuno risining abalaéro, dé'to namaélo salaiwi pangkaukeng limanna muto mennang. Dé' nappésau mennang massompa risining sétangngé, sibawa barahala-barahala ulawengngé, péra'é, tembagaé, batu sibawa ajué iya dé'é naulléi makkita, iyaré'ga maréngkalinga, iyaré'ga joppa.

HAKING-HAKING 17:3

Napalisuni Mikha iyaro dowié ri indo'na, namakkedana indo'na, “Kuwammengngi iko ana', leppe'ko polé ri tanro iya puraé upowadaro, uwakkasuwiyangengngi iyaé péra'é lao ri Puwangnge untu' ripaké mébbu dato'-dato' aju iya rilapiriyé péra'. Jaji iyaro dowié upalisui lao ri iko.”