ASSURENG 20:3 - KITTA KAREBA MADECENG

³ Aja' musompa déwata-déwata laing. Sompa-Ka bawang.

ASSURENG 20:3 ပူးပေါင်းရင်းမြစ်များ

1 ARUNG-NGARUNG 11:4

angkanna wettunna macowani naulléi mennang palécéi sompai déwata-déwata laingngé. Daud, ambo'na Salomo, matinului lao ri Puwangnge, Allataalana, iyakiya Salomo dé' napada ambo'na.

MAZMUR 29:2

Pojiwi asenna Puwang iya malebbié sompai Aléna sibawa paké pakéyang assompang.

MAZMUR 73:25

Niga uwappunnai ri surugaé sangadinna Iko? Ri lainnaé Iko dé'na gaga iya uwacinnaiyé ri linoé.

MAZMUR 81:10

Aja' naengka déwata laing ri yelle'mu, aja' musompa déwata laing.

MAZMUR 81:9

Engkalingai papparéngngerak-Ku, éh umma'-Ku, Israél, akkalarapanna maéloko méngkalinga-Ka!

ASSURENG 15:11

Allataala nigana mulléi tandingiko, oh Puwang Iya Pommalebbié sibawa mapaccingngé? Nigana mulléi mébbu anu makalallaing sibawa pangkaukeng battowaé pada-pada Puwangnge?

ASSURENG 20:23

Aja' muwébburengngi alému dato'-dato' péra' iyaré'ga ulaweng untu' musompa rilaik-Ku.

ASSURENG 22:19

Tau iya mallaiyé sibawa olokolo'é harusu'i riyuno.

ASSURENG 23:24

Aja' musompai dato'-dato' pallinrunna mennang sibawa aja' muturui cara-carana mennang massompa. Ancuru'i dato'-dato' pallinrunna mennanro sibawa poloi alliri-alliri batu iya napaké mennang untu' massompa.

ASSURENG 32:8

Lésséni mennang polé ri parénta-parénta-Ku. Mébbui mennang dato'-dato' saping polé ri ulaweng ricuwangngé, nainappa sompai sibawa makkasuwiyangeng akkarobangeng lao ri aléna. Adanna mennang, iyanaro déwatana iya tiwiéngngi massu polé ri Maséré.

ASSURENG 34:14

Aja' muwassompa déwata laing, saba' Iyya Puwang, iyanaritu Allataala iya dé'é namaélo ripappadai sibawa muwi aga.

YESAYA 26:4

Tuli mateppe'no ri Puwangnge, saba' tuli nalinrungiki Puwang Allataala.

YESAYA 42:8

Iyyana ritu Puwang, iyanaro asek-Ku; arajak-Ku dé' Uwabbéréyangngi lao ri muwi niga; ataromporek-Ku dé' Uwabbéréyangngi lao ri dato-dato'é.

YESAYA 43:10

Eh umma'-Ku, iko ritu sabbi-sabbik-Ku, iko Upilé mancaji ata-atak-Ku, kuwammengngi naissek-Ka sibawa mateppe'i ri Iyya, sibawa majeppuiwi makkedaé Iyya'na Allataala. Iyya Allataala Iya Posséuwaé, dé'gaga laingngé ri yolona sibawa puraku-Na.

YESAYA 44:8

Bangsa-Ku, aja' mumétau iyaré'ga tasséleng; dé'ga napolé ri yolo lettu makkekkuwangngé purani Uboto aga iya kajajiyangngé? Iko ritu sabbi-sabbik-Ku. Pallinrung iya laingngé dé'gaga sibawa dé' Uwissengngi.”

YESAYA 46:9

Engngerangngi sining kajajiyangngé ri wettu riyolo; akuiwi makkedaé Iyya Allataala, sibawa dé'gaga laingngé, Iyya Allataala, sibawa dé'gaga iya pada-padaiyék-Ka.

YEREMIA 25:6

Iyaro nabi-nabié nattéyakko massompa sibawa mattumani lao ri déwata-déwata laingngé. Nattéyakko mennang massompa barahala-barahala ébbumu muto, saba' iyaro gau'é naébbui Puwangnge macai. Rékko muturusiwi paréntana Puwang-ngéro, dé' nahukkukko.

YEREMIA 35:15

Matteru-teru-Ka suroi lao ri iko maneng atak-Ku sining nabié, napurani mennang napangajariko untu' pédécéngiwi ampé-ampému sibawa mappésau pogau'i majaé. Naparéngngerangiko mennang untu' dé' mumassompa déwata-déwata laing sibawa dé' mumattumani lao ri mennang, kuwammengngi weddikko matteru monro ri wanuwaéwé iya puraé Uwabbéréyang lao ri iko sibawa lao ri toriyolomu. Iyakiya dé' mumaélo jampangiwi sibawa dé' mumaélo méngkalinga-Ka.

YEREMIA 7:9

Ménnauko, mabbuno, malaweng, mabbéré asabbiyang bellé-bellé, makkasuwiyangeng akkarobangeng lao ri Baal, sibawa sompa déwata-déwata iya dé'é muwissengngi.

DANIEL 3:18

Iyakiya ébara'na dé' Napogau'i, sitinajai napahang Puwakku makkedaé dé' tamaélo sompai déwatana Puwakku sibawa dé'to tasompai dato'-dato' ulaweng iya napatettongngéro Puwakku.”

HOSEA 13:4

Makkedai Puwangnge, “Iyya ritu Puwang Allataalamu, iya tiwiékko massu polé ri Maséré. Dé' muwappunnai Allataala ri laik-Ku. Iyya ritu alé-aléna pappassalama'mu.

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

1 KORINTUS 8:4

Passalenna manré anrékanré iya puraé riyakkasuwiyangeng ri barahalaé, riissenni makkedaé barahalaé maddapangengngi séuwaé iya sitongennaé dé'gaga. Na riisseng towi makkedaé Allataala banna séddi bawang; dé'gaga laingngé.

1 KORINTUS 8:6

Iyakiya untu' idi, Allataala banna séddi. Ambo'i iya mpinruéngngi sininna séuwa-séuwaé. Untu' Aléna ritu tatuwo. Na Puwangngé séddi tommi bawang, iyanaritu Yésus Kristus. Naolai Aléna nariwinru sininna séuwa-séuwaé, sibawa nasaba Aléna natatuwo.

EFESUS 5:5

Pénessaiwi madécéd-décéng: tau iya kédo-kédo mappangaddié, iyaré'ga dé'é nasipato, iyaré'ga mangowaé (kédo-kédo makkuwaéro pada muwi massompaé barahala), iyaro tauwé dé' naulléi mancaji anggota umma'na iya naparéntaé Kristus sibawa Allataala.

ULANGENG 5:7

Aja' mumassompa déwata-déwata laing. Iyya'na bawang musompa.

ULANGENG 6:14

Aja' mumassompa déwata-déwata laing iya nasompaé bangsa-bangsa iya monroé ri seddému.

ULANGENG 6:5

Amaseiwi Puwang Allataalamu sibawa sukku atimmu: Appaitangngi iyaro ri laleng cara atuwommu sibawa ri laleng pangkaukemmu.

FILIPI 3:19

Atuwonna sining tau pada-padaéro maccappa'i matu sibawa ancurukeng, saba' déwatana iyanaritu cinna tubunna muto mennang. Gau'-gau' iya mappakasiri-sirié, mala iyanaro mennang nammingkikeng; saba' banna mennang mappikkiri'i gau'-gau' iya naéloriyé linoéwé bawang.

KOLOSE 2:18

Aja' muleppessangngi alému riparogi ri tau iya majjaiyéngngi pakariyawai aléna sibawa iya massompaé malaéka'-malaéka'. Iyaro tauwé matempoi sibawa sining pikkiranna iya linoémmi bawang enrengngé mammingki-mingkikengngi sining pakkitang dé'é padanna,

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.

WAHYU 22:9

iyakiya makkedai lao ri iyya, “Aja'! Aja' musompaka! Sompai Allataala! Saba' iyya ata muto pada-pada iko, sibawa pada-pada saudara-saudaramu sining nabié sibawa sininna tauwé iya turusiyéngngi sining paseng ri laleng kitta'éwé!”

HAKING-HAKING 6:10

Pura Upowadanno makkedaé Iyya'na Puwang Allataalamu, sibawa makkedaé dé' naweddikko sompai déwata-déwatana bangsa Amorié iya wanuwannaé muwonroi makkekkuwangngéwé. Iyakiya dé' muturusiwi parénta-Ku.’ ”