ASSURENG 2:3 - KITTA KAREBA MADECENG

³ Iyakiya iyaro ana'loloé dé' naulléi subbui maitta-itta. Nanalana iyaro indo'na séddi baka polé ri wella arasoé, nanalapiriwi sibawa kamalo kuwammengngi dé' nauttamakiwi uwai. Iyaro ana'loloé nataroni ri laleng bakaéro, nainappa natiwi ri Salo Nil nanataroi ri tengnga-tengngana araso maddapurengngé ri wiring saloéro.

ASSURENG 2:3 ပူးပေါင်းရင်းမြစ်များ

KAJAJIYANG 11:3

Makkedani mennang séddié lao ri laingngé, “Ayo taébbu bata sibawa tunui gangkanna matedde.” Makkuwaniro mennang mappunnai bata untu' batu riyébbu bola sibawa kamalo untu' bahang pappije'na.

KAJAJIYANG 14:10

Iyaro lompo'é pennoi sibawa bujung kamalo, na wettunna sining arung polé ri Sodom sibawa Gomora makkuraga lari polé ri ammusurengngé, sempé'ni mennang ri laleng sining bujungngéro. Iya tellu arung laingngé naulléi leppe' nanalari lao ri buluna.

KAJAJIYANG 6:14

Ebburenni alému séddi kappala' polé ri aju iya masse'é; ébburengngi bili'-bili' ri lalenna, sibawa lapiriwi kamalo polé ri laleng sibawa polé ri saliweng.

ASSURENG 1:22

Nanabbéréyanni arungngé iyaé paréntaé lao ri sininna ra'ya'na, “Tungke' ana' worowanéna tau Ibranié iya nappaé jaji harusu'i ribuwang ri laleng Salo Nil, iyakiya sininna ana' makkunraié wedding muwa rileppessang tuwo.”

YESAYA 18:2

Polé ri wanuwaéro poléni duta-dutaé malléttoiwi Salo Nil ri laleng lopi-lopi pandangngé. Eh, sining suro iya mapecci'é, lisuno masitta ri wanuwammu iya malléttoiyéngngi sining saloéro. Tiwino séuwa paseng untu' bangsamu iya mawatangngé sibawa baranié, sining taummu iya matanré sibawa makkoli alusu'é sibawa riyétauri ri sininna linoé.

YESAYA 19:6

Makebbongngi matu baunna sining sépe'é wettunna pédé cappu uwaina. Arasoé sibawa wellaé makelle'i matu.

YESAYA 35:7

Kessi iya mapellaé mancaji kolangngi matu, tana iya makarossaé mancaji bubbu uwaiwi. Onrong iya naonroiyé riyolo asu ale'é, natuwoiwi matu araso sibawa padang.

MATIUS 2:13

Joppanana sining ahli wéttowingngéro, nappaitanni aléna malaéka'na Puwangngé lao ri Yusuf ri laleng nippi. Makkedai iyaro malaéka'é, “Engka akkattana Hérodés sappai iyaro Ana'é untu' mpunoi. Rimakkuwannanaro oto'no, tiwii iyaro Ana'é sibawa indo'-Na manyingkiri' ri Maséré'. Onrono kuwaro narapi mabbicarasi-Ka lao ri iko.”

MATIUS 2:16

Wettunna naisseng Hérodés makkedaé ribelléi ri ahli wéttowing polé alauéro, macai senna'ni. Nainappa napparéntang untu' mpuno manengngi ana' worowané ri Bétléhém sibawa ri seddéna iya makkéumuru duwattaungngé liyawa. Sicoco'i iyaro sibawa pappakatajang iya nalolongengngé polé risining ahli wéttowingngéro, passalenna wettunna paita iyaro wéttowingngé.

RIWAYA'NA RASUL-RASUL-E 7:19

Iyaro arungngé nacculé-culéiwi bangsata sibawa majapperuna lao ri néné-nénéta. Napassai mennang mabbiyangngi ana'-ana'lolona iya nappa jajiyé kuwammengngi namaté.