ASSURENG 2:20 - KITTA KAREBA MADECENG

²⁰ Nakkutana Yitro lao ri ana'-ana'na, “Kégani palé makkekkuwangngé? Magi musalaiwi iyaro tauwé? Laono muwobbii tasisama manré.”

ASSURENG 2:20 ပူးပေါင်းရင်းမြစ်များ

KAJAJIYANG 18:5

Maéloka passadiya inanré iya engkaé, kuwammengngi nalolongeng awatangeng baru Bapa'-bapa' untu' patterui joppana. Purani napakalebbika Bapa'-bapa' ri laleng léppanna ri bolana atattaé.” Nappébali mennang, “Tarima kasi akessingemmu. Maéloki léppang.”

KAJAJIYANG 29:13

Wettunna Laban naéngkalinga karébaé passalenna Yakub, anaurénaro, larini untu' méwai sita. Nakaddaoni Laban Yakub sibawa bauwi, nainappa natiwi muttama ri lalempolana. Puranana nacurita sininna keadaanna lao ri Laban,

KAJAJIYANG 31:54

Géréni sikaju olokolo na nakkasuwiyangengngi ri yasé'na bulu-buluéro. Nainappa naundang sining taunna untu' sisama manré. Puranana manré, mabbennini ri bulu-buluéro.

KAJAJIYANG 43:25

Purairo napassadiyani mennang hadiyaé untu' nabbéréyang lao ri Yusuf rékko engkai polé ri tangassoé, nasaba purani mennang ripaissengi makkedaé manréi matu mennang sisama aléna.

AYUB 31:32

Tattimpa'i bolaku lao ri tau iya laowé; dé' naengka uleppessangngi mabbenni ri lalengngé.

AYUB 42:11

Sininna kakana sibawa ana'daranna Ayub, nenniya sininna sissenna riyolo, poléni célléngiwi namappésta massibawa ri bolana. Napannessani mennang maccowé masara nasaba sininna asussang iya puraé napapolé Puwangnge ri aléna, sibawa saléworiwi. Tungke'-tungke' ri yelle'na mennang mabbéréi sijumella dowi sibawa séddi ciccing ulaweng lao ri Ayub.

ASSURENG 2:19

Namappébali mennang, “Engka séddi tau Maséré tulukki polé ri pagganggunna sining pakkampi laingngé. Mala nasérokekki uwai, sibawa paénungengngi olokolo'ta.”

ASSURENG 2:21

Nasitujuini Musa untu' monro kuwaro. Nainappa Yitro pasiyalai ana'na iya riyasengngé Zipora sibawa Musa.

1 TIMOTIUS 5:10

sibawa kalabba selaku makkunrai iya pogau'éngngi gau'-gau' iya makessingngé, padaénna ébara'na: napawekke'i ana'-ana'na sibawa makessing, masennang tarima tamu-tamu mappéruma ri bolana, natumaningiwi sining tau mateppe'é, nabantui sining tau masussaé, enrengngé napogau'i sibawa mattonget-tongeng sininna rupanna jama-jamang iya makessingngé.

IBRANI 13:2

Aja' mubata-bata tarimai ri bolamu, sining tau iya dé'éppa muwissengngi. Saba' ri laleng pogau'i iya makkuwaéro, engka naengka tauwé, tennasadariwi, natarimai malaéka'é ri bolana.