ASSURENG 2:2 - KITTA KAREBA MADECENG

² Nanajajiyanna iyaro makkunraié séddi ana' worowané. Wettunna naita makkedaé iyaro ana'loloé magello senna, nasubbuni tellumpuleng ittana.

ASSURENG 2:2 ပူးပေါင်းရင်းမြစ်များ

2 ARUNG-NGARUNG 11:3

Enneng taung ittana Yoséba piyarai iyaro ana'é ri laleng Bolana Puwangnge wettunna Atalya mapparénta selaku arung.

MAZMUR 112:5

Masennangngi tau iya makacuwaé sibawa napoji mappainreng enrengngé malempu risininna urusangngé.

ASSURENG 6:20

Yizhar mappunnaiwi tellu ana' worowané: Korah, Néfég sibawa Zikhri.

ABBILANGENG 26:59

Amram kawingngi sibawa Yokhébéd, ana' Léwi. Iyaro Yokébéd jajiwi ri Maséré. Amram sibawa Yokhébéd mappunnaiwi duwa ana' worowané: Harun sibawa Musa, enrengngé séddi ana' makkunrai, Miryam.

RIWAYA'NA RASUL-RASUL-E 7:20

Ri wettuénnaro najaji Musa; séddiwi ana'lolo iya magello senna'é. Tellumpuleng ittana ripiyara ri bolana ambo'na,

ULANGENG 33:16

Tennapodo tanana ripennoiwi sibawa sininna iya kaminang makessingngé, sibawa ribarakkaki ri akessingenna Puwangnge iya mabbicaraé polé ri alekale malluwa'é. Tennapodo iyaro barakka'é nonnoi ri yasé'na wija-wijanna Yusuf, saba' aléna ritu pamimping ri yelle'na silessu-silessurenna.

IBRANI 11:23

Nasaba mateppe'i, na tomatowanna Musa nasubbui tellumpuleng ittana mappammulai jajinna. Naitai mennang makkedaé séddiwi ana' iya makessingngé, nadé' mennang namétau méwai paréntana arungngé.

1 SAMUEL 16:12

Nanassuro mobbini Isai iyaro ana'é. Annessana séddiwi kallolo iya magelloé sibawa madising, sibawa magello matanna. Namakkedana Puwangnge lao ri Samuél, “Iyanaé; lanti'ni!”