ASSURENG 2:15 - KITTA KAREBA MADECENG

^15-16 Wettunna naéngkalinga arungngé passalenna kajajiyangngéro, sappani akkaleng untu' mpunoi Musa. Iyakiya lariwi Musa nanaonro ri wanuwa Midian. Imanna Midian, iya riyasengngé Yitro, mappunnaiwi pitu ana' makkunrai. Riséuwaé esso, wettunna Musa mattengngang tudang ri seddéna séddié bujung, poléni iya pitu ana' makkunrainna Yitro untu' séro uwai sibawa lisekiwi onrong énungeng bémbé sibawa bimbala makkonronna ambo'na mennang.

ASSURENG 2:15 ပူးပေါင်းရင်းမြစ်များ

KAJAJIYANG 24:11

Lettu'nana kuwaro, napaléppanni unta-untanaro kuwammengngi nappésau ri seddéna séuwaé bujung ri saliweng kota. Iyaro wettué, arawénni, naiyanaro wettunna sining makkunraié lao ri bujungngé untu' mala uwai.

KAJAJIYANG 25:2

Iyaro bainéna jajiyangngi ana'-ana' iya riyasengngé: Zimran, Yoksan, Médan, Midian, Isybak sibawa Suah.

KAJAJIYANG 25:4

Ana'-ana'na Midian iyanaritu: Ela, Efer, Hénokh, Abida sibawa Eldaa. Iya manenna mennang wija-wijanna Ketura.

KAJAJIYANG 29:2

Tappa mitani séddi bujung ri padangngé, na ri seddéna mallekkui tellukkonrong bémbé bimbala iya abiyasannaé ripaénung kuwaro. Iyaro bujungngé tattongkoi batu loppo.

1 ARUNG-NGARUNG 11:18

Joppani mennang polé ri Midian, nainappa lao ri Paran. Kuwaro siyagangngaré tau masséddi sibawa mennang, nainappa silaong mennang lao ri Maséré méwai sita arung Maséré. Iyaro arungngé nawéréngngi Hadad bola sibawa tana untu' naonroi enrengngé nakkatuwo-katuwoi.

ASSURENG 18:4

ana' maduwaé nasengngi Eliézer nasaba makkedai Musa, “Allataala nasompaé néné-nénéku pura tulukka sibawa passalama'ka angkanna dé' naunoka arung Maséré.”

ASSURENG 4:19

Wettunna Musa ri tana Midian mupa, makkedai Puwangnge lao ri aléna, “Lisuno ri Maséré. Sininna tau iya macinnaé mpunoko maténi.”

AMSAL 22:3

Tau mapanré léssé rékko mitai bahaya; tau madonggoé joppai matteru nainappa nakenna abala.

HABAKUK 3:7

Uwitai ra'ya' Kusyan nakenna ataureng, sibawa ténré tau Midiangngé.

MATIUS 10:23

Rékko ripanrasa-rasako riséddié kota, lariko ri kota rappina. Upaissengiko: Riwettu dé'napa napura maneng mujoppai kota-kotana Israélié, engkani polé Ana'na Tolinoé.

YOHANES 4:6

Kuwaniro monro bujunna Yakub. Matekko senna'i Yésus nasaba allalengengngéro, rimakkuwannanaro tudanni ri wirinna bujungngé. Iyaro wettué kira-kira tetté seppulo duwa tangassoé.

RIWAYA'NA RASUL-RASUL-E 7:29

Wettunna naéngkalinga Musa aga napowada iyaro tauwé, larini Musa polé ri Maséré' nanaonro ri wanuwa Midian. Kuwaniro lolongeng duwa tau ana'.

IBRANI 11:27

Nasaba mateppe'i, nasalaiwi Musa Maséré' tennapéneddingiwi métaué lao ri caina arungngé. Majui Musa mattuju ri akkattana samanna purani naita Allataala iya dé'é napaitaro.