ASSURENG 2:14 - KITTA KAREBA MADECENG

¹⁴ Nappébali iyaro tauwé, “Niga makkako mancaji pamimping sibawa hakitta? Maélo tokkoga mpunoka, pada-pada tau Maséré iya muwunoéro?” Namétauna Musa sibawa mappikkiri, “Cilaka! Kaissengenni iyaro pangkaukekku.”

ASSURENG 2:14 ပူးပေါင်းရင်းမြစ်များ

KAJAJIYANG 13:8

Makkedani Abram lao ri Lot, “Idi'é massilessurekki, dé' namakessing rékko sining taummu sibawa sining taukku pada massasai.

KAJAJIYANG 19:9

Iyakiya makkedai sining tau Sodongngéro lao ri Lot, “Esu'ko! Iko tau laing maélo matoro'ki? Ayo, ésu'ko! Rékko dé', maéloki majara'ko lebbi matane naiya tauwéro.” Nainappa mennang nasorong Lot nanalluru maélo rumpa'i tange'é.

KAJAJIYANG 34:27

Puranana abbunowangngéro, ana'-ana'na Yakub iya laingngé rampo'i iyaro kotaé selaku pamale'na nasaba purai napakasiri anrinna.

AMSAL 19:12

Caina arungngé pada-padai angngaunna singaé; akessingenna arungngé pada-padai cinoddo iya rica'éngngi tanet-tanengngé.

AMSAL 29:25

Métau ri pallolongenna tauwé, addimonrinna asussang. Ateppe'no ri Puwangnge, namuamang matu.

ABBILANGENG 16:13

Dé'paga nagenne mutiwiki massu polé ri Maséré iya macommo'éro untu' mpunoki ri padang kessi'éwé? Harusu'koga parénta tokki?

ABBILANGENG 16:3

Silaongngi mennang lao mangolo ri Musa sibawa Harun enrengngé makkeda, “Cuku'ni iyaro Musa! Sininna tau Israélié ripallaingngi untu' Puwangnge. Sibawa engkai Puwangnge ri tengnga-tengngata maneng. Iyakiya magi muwangga'i alému lebbi matanré naiya umma'na Puwangnge?”

MATIUS 21:23

Nainappa lisuni Yésus ri Bolana Puwangngé, nanauttama sibawa mappagguru kuwaro. Wettun-Na mappagguru, poléni kapala-kapala imangngé sibawa sining pamimpinna Yahudié ri Aléna nanakkutana, “Aga nallalengi na-Mupogau'i iya manennaro? Niga mpérék-Ko ha'?”

LUKAS 12:14

Nappébali Yésus, “Eh saudara, niga makka-Ka mancaji haking iyaré'ga pabbagé mana ri yelle'ta sipadduwa?”

LUKAS 19:14

Iyakiya iyaro pabbanuwana wanuwaé nabenciwi. Jaji labe'nana, kirinni mennang suro untu' powadai, ‘Dé' tamaélo iyaé tauwé mancaji arutta.’

LUKAS 19:27

Namakkekkuwangngé tiwii lao mai sining balikku iya dé'é naéloriwi iyya mancaji arunna. Uno manengngi mennang ri yoloku!’ ”

RIWAYA'NA RASUL-RASUL-E 7:35

Musa iyanaé tenriyangakui ri bangsa Israélié enrengngé risampéyang sibawa ada-adaéwé, ‘Niga pura makkako mancaji pamimping sibawa hakitta?’ Iyakiya mala aléna ritu tau nasuro Allataala untu' mancaji pamimping sibawa pappassalama', naolai bantuwanna malaéka'é iya laowé ri aléna ri alekale malluwa'éro.

IBRANI 11:27

Nasaba mateppe'i, nasalaiwi Musa Maséré' tennapéneddingiwi métaué lao ri caina arungngé. Majui Musa mattuju ri akkattana samanna purani naita Allataala iya dé'é napaitaro.