ASSURENG 19:4 - KITTA KAREBA MADECENG

⁴ “Purani muwita aga Napogau' lao ri tau Maséré'é, sibawa pékkugi-Ka tiwiko lao ri Iyya ri onrongngéwé nasibawang akuwasang battowa, pada-pada kuwajangngé tiwii ana'na ri yasé'na pannina.

ASSURENG 19:4 ပူးပေါင်းရင်းမြစ်များ

YESAYA 40:31

Iyakiya tau iya mattuwangngéngngi Puwangnge, lolongengngi matu awatangeng mabaru. Padai mennang kuwajangngé iya luttué matanré sibawa awatangeng pannina. Lariwi mennang sibawa dé' naposo, joppai mennang sibawa dé' namatekko.

YESAYA 63:9

Aléna paimeng nakenna asussanna mennang. Dé' nakiring Puwangnge suro iyaré'ga duta; Aléna ritu paleppe'i mennang nasaba pammasé sibawa paressé babuwa-Na. Tuli napiyarai mennang riyolopa nariyolo.

HOSEA 11:1

Makkedai Puwangnge, “Uwamaséiwi Israélié mappammulai baiccu'na, Uwobbii iyaro ana'-Ku massu polé ri Maséré.

HAGAI 2:5

Wettummu massu polé ri Maséré, pura-Ka majjanci tuli maélo linrungiko matu. Na makkekkuwangngé Ulinrungi mupo. Jaji, dé' naparelluko manennenneng.

MALEAKHI 2:10

Dé'ga tappunnai maneng Ambo' iya padaé? Dé'ga naripancaji manekki ri Allataala iya padaé? Rékko makkuwaitu, magi tasi sullé rusa'i janci sibawa nallalengiwi narusa'i assijancing iya naébbué Allataala sibawa toriyolota?

ULANGENG 1:30

Puwang Allataalamu pimpikko matu sibawa mammusurekko pada-pada pura musabbingngé ri Maséré

ULANGENG 1:31

sibawa ri padang kessi'é. Muwitai pékkugi Puwang Allataalamu tiwiko sibawa salama puppu lalengngéro lettu ri onrongngéwé, dé' assilaingenna séddié ambo' mépa'i ana'na.

ULANGENG 29:1

Iyanaé ada-ada assijancing iya nasaba paréntana Puwangnge naébbui Musa sibawa bangsa Israélié wettunna mennang engka ri tana Moab. Iyaro assijancingngé sinrupai pattamba polé ri assijancing iya naébbué Puwangnge sibawa mennang ri Bulu Sinai.

ULANGENG 29:2

Nasuroni Musa sininna tau Israélié maddeppungeng, nainappa makkeda lao ri mennang, “Alému pura mitai aga iya napogau'é Puwangnge lao ri arung Maséré, sining pajaba'na sibawa sininna wanuwanna.

ULANGENG 4:9

Pénessaiwi sibawa éngngerangngi madécéd-décéng, kuwammengngi sillampé umuru'mu dé' muwallupaiwi aga pura alému sabbingngi. Curitangngi lao ri ana'-eppomu

YOSUA 23:3

Purani muwita sininna séuwa-séuwaé iya napogau'é Puwang Allataalamu lao ri sininna bangsaé kuwaé untu' iko. Iya mammusurengngékko iyanaritu Puwang Allataalamu muto.

WAHYU 12:14

Iyakiya iyaro makkunraié purani riwéréng duwa panni kuwajang iya battowaé, kuwammengngi naluttu lao ri onronna ri padang kessi'é, ri onronna matu ripiyara tellu sitengnga taung ittana, massala polé ri nagaé.