ASSURENG 17:7 - KITTA KAREBA MADECENG

⁷ Iyaro onrongngé riyasenni Masa nasaba ri onrongngéro tau Israélié cobaiwi Puwangnge wettunna mennang makkutana, “Nasibawakki'ga Puwangnge iyaré'ga dé'?” Riyaseng towi iyaro onrongngé Mériba nasaba ri onrongngéro mannoko-noko'i tau Israélié.

ASSURENG 17:7 ပူးပေါင်းရင်းမြစ်များ

MAZMUR 106:32

Ri sining bujungngé ri Mériba naébbui mennang macai Puwangnge, sibawa sussaiwi Musa sibawa pangkaukenna mennang.

MAZMUR 78:18

Nattungkai mennang cobaiwi Allataala, ri laleng tuntu'i inanré iya nacinnaiyé mennang.

MAZMUR 81:7

“Purani uwakka tiwi polé ri salangkammu, sibawa leppessangngi baka lémparengngé polé ri limammu.

MAZMUR 81:8

Ri laleng asussammu mangobbiko, Naupassalama'ko. Ubaliko polé ri guttu onrok-Ku massubbu, Upojiko ri mata uwai Mériba.

MAZMUR 95:8

“Aja' tamatedde ati pada-pada toriyolomu ri Mériba, pada-pada wettunna mennang ri Masa, ri padang kessi'é.

ASSURENG 17:2

Namannoko-noko'na mennang lao ri Musa sibawa makkeda, “Wérékki uwai rénung.” Nappébali Musa, “Magi muwannoko-noko sibawa cobaiwi Puwangnge?”

ASSURENG 34:9

Adanna, “Puwang, rékko tonget-tongekko Muwélorika, uwéllauwi, accowéni Puwang silaongekki. Iyaro bangsaé mémeng matedde atiwi, iyakiya addampengengngi jata sibawa dosata namutarimaki selaku umma'-Mu muto.”

YESAYA 12:6

Gora-gorano éh pabbanuwana Sion, akkélonno sibawa marennu. Allataala mapaccinna Israélié malebbi tongeng, monroi ri tengnga-tengngamu.”

MIKHA 3:11

Mapparéntai sining panguwasana kotaé untu' lolongeng dowi pasoso, nappagguruwangngi imang-ngimangngé hukkunna Puwangnge untu' gaji, sibawa nabi-nabié méllauwi panunju polé ri Allataala untu' lolongeng dowi – nainappa naseng manengngi mennang engkai Puwangnge maccowériwi mennang. Makkedai mennang, “Engkai Puwangnge ri tengnga-tengngata; dé' nakennaki matu abala.”

ABBILANGENG 14:22

makkedaé polé risining tauwéwé dé' muwi séddi tau tuwo mupa untu' muttamakiwi wanuwa iya puraé Uwajjanciyang lao ri néné-nénéna mennang. Saba' dé' namaélo mapato ri Iyya, sibawa matteru-teruna cobaika. Padahal purani naita cahaya-Ku iya pawilo-wiloé, sibawa sining anu makalallaing iya Upogau'é ri Maséré sibawa ri padang kessi'é.

ABBILANGENG 20:13

Iyanaro mata uwai Mériba. Ri onrongngéro mannoko-noko'i sining tau Israélié lao ri Puwangnge, sibawa kuwatoniro Puwangnge nappaitang akuwasan-Na iya mapaccingngé lao ri bangsaéro.

ABBILANGENG 20:24

“Dé' matu nauttama Harun ri wanuwa iya puraé uwajjanciyang lao ri bangsa Israélié; matéi matu nasaba iko sipadduwa purai muwéwa paréntaku ri seddéna mata uwai Mériba.

ABBILANGENG 27:14

saba' ri padang kessi Zin iko sipadduwa pura méwai parénta-Ku. Wettunna ri Mériba sininna ra'ya'é mannoko-noko lao ri Iyya, dé' mumaélo pannessai akuwasak-Ku ri yolona mennang nasaba uwaiéro.” (Iyaro kajajiyangngé kajajiyangngi ri mata uwai Mériba ri Kadés, ri padang kessi Zin.)

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

ULANGENG 31:17

Rékko kajajiyangngi iyaro, ménré'i matu cai-Ku lao ri mennang. Usalaiwi matu mennang sibawa Upaccappui. Maéga abala masero kennai matu, nainappa mainge matu mennang makkedaé iya manennaro kajajiyangngi nasaba Iyya, Allataalana mennang, dé'na sibawangngi mennang.

ULANGENG 33:8

Passalenna suku Léwi makkedai: “Nasibawang Urim sibawa Tumim Mupannessai élomu, naolai tau Léwié, atam-Mu iya matinulué. Purai mucobai mennang ri Masa, sibawa sibbanta mennang ri mata uwai Mériba.

ULANGENG 6:16

Aja' mucobaiwi Puwang Allataalamu pada-pada iya mupogau'é ri Masa.

ULANGENG 9:22

Makkuwatoro ri Tabéra, Masa sibawa Kibrot-Taawa, muwébbui Puwangnge macai.

YOSUA 22:31

Nanakkeda Pinéhas, ana'na Imang Eléazar, lao risining tau suku Rubén, Gad sibawa Manasyé Alaué, “Riissenni makkekkuwangngé Puwangnge sibawakki, nasaba dé' muéwai Aléna. Purani mupassalama umma Israélié polé ri pahukkungenna Puwangnge.”