ASSURENG 17:3 - KITTA KAREBA MADECENG

³ Iyakiya iyaro sining tauwé madekka senna'ni namatteruna mennang mannoko-noko lao ri Musa. Adanna mennang, “Magi mutiwiki massu polé ri Maséré? Kuwammengngi idi, ana'-ana'ta sibawa olokolo'ta matéi nataro dekka?”

ASSURENG 17:3 ပူးပေါင်းရင်းမြစ်များ

NEHEMIA 9:15

Wettunna mennang malupu sibawa akurangeng inanré, Mupanonnoi roti polé ri langié. Sibawa polé ri batu iya malise'é, masse sibawa matedde Mupassolo'i uwaié marajaé pappaleppe dekkaé. Musuroi mennang tudangiwi tana iya Mujanciyangngéngngi sibawa tanro.

NEHEMIA 9:20

Nasibawang akuwasam-Mu iya makessingngé Mupaggurui mennang. Manréi mennang manna sibawa ménungngi uwaié situju genne'é.

MAZMUR 107:5

Alupurengngi mennang sibawa adekkang sibawa ateddéngeng sininna amménasanna.

ASSURENG 12:38

Tiwii mennang maéga saping, bimbala sibawa bémbé. Sijumella battowato tau laing maccowé.

ASSURENG 14:11

Nakkeda mennang lao ri Musa, “Dé'ga gaga kuburu ri Maséré, angkanna mutiwiki kuwammengngi tamaté ri onrongngéwé? Itani addimonrinna pangkaukemmuro!

ASSURENG 15:24

Namannoko-noko'na iyaro tauwé lao ri Musa sibawa makkutana, “Agana maélo riyénung?”

ABBILANGENG 14:22

makkedaé polé risining tauwéwé dé' muwi séddi tau tuwo mupa untu' muttamakiwi wanuwa iya puraé Uwajjanciyang lao ri néné-nénéna mennang. Saba' dé' namaélo mapato ri Iyya, sibawa matteru-teruna cobaika. Padahal purani naita cahaya-Ku iya pawilo-wiloé, sibawa sining anu makalallaing iya Upogau'é ri Maséré sibawa ri padang kessi'é.

ABBILANGENG 20:4

Magi mutiwiki ri padang kessi'éwé? Aga kuwammengngi matéki kuwaé silaong olokolo'ta?