ASSURENG 17:1 - KITTA KAREBA MADECENG

¹ Nainappa sininna umma Israélié nasalai padang kessi Sin nakalétté-létté'na polé riséddié onrong lao ri onrong laingngé pada-pada iya napparéntangngé Puwangnge. Riséuwaé wettu makkémai mennang ri Rafidim, iyakiya kuwaro dé' gaga uwai rénung.

ASSURENG 17:1 ပူးပေါင်းရင်းမြစ်များ

ASSURENG 15:22

Nainappa natiwi Musa bangsa Israélié polé ri Tasi Gelaga mattuju ri padang kessi Syur. Tellungngesso ittana mennang joppa molai padang kessi'é tenna runtu uwai.

ASSURENG 16:1

Nainappa joppani sininna umma Israélié polé ri Elim, na ri tanggala seppulo lima uleng maduwaé puranana mennang nasalai Maséré, lettu'ni mennang ri padang kessi Sin, pallawangenna Elim sibawa Bulu Sinai.

ASSURENG 17:8

Nanapoléna tau Amalé'é sibawa gasai tau Israélié ri Rafidim.

ABBILANGENG 20:2

Riséuwaé wettu ri onrong akkémanna mennang dé' gaga uwai. Napoléna sining tauwéro katulungngi Musa sibawa Harun

ABBILANGENG 9:17

Tungke' ménré iyaro ellungngé, nabongkara'i tau Israélié akkémanna mennang, nainappa joppa. Na kégi-kégi iyaro ellungngé nonno, ri onrongngéro mennang makkémasi.

ABBILANGENG 9:23

Monroi mennang riséuwaé onrong sibawa joppai lao ri onrong laingngé situru paréntana Puwangnge iya nabbéréyangngé Puwangnge naolai Musa.