ASSURENG 16:3 - KITTA KAREBA MADECENG

³ Makkedani mennang, “Lebbi kessing muwi akkalarapanna purani nauno Puwangnge ri Maséré. Kuwaro wedding muki tudang: manré juku sibawa roti gangka messo. Iyakiya mutiwiki lao kuwaé kuwammengngi tamaté maneng alupureng.”

ASSURENG 16:3 ပူးပေါင်းရင်းမြစ်များ

2 SAMUEL 18:33

Naéngkalinganaro messé senna'ni arungngé, nainappa ménré ri bili' yasé'na pintu gerbangngé nawating naterito, “Oh ana'ku! Ana'ku Absalom! Absalom, ana'ku! Lebbi kessing muwi iyya'na bawang maté sulléiko, ana'ku! Absalom, ana'ku!”

AYUB 3:1

Nainappa mappammula Ayub mabbicara sibawa tanroiwi esso ajajiyanna, adanna,

AYUB 3:10

Tattanroi wenni cilakaé wettukku rijajiyang ri indo, sibawa rileppessang tanggungngi anrasa-rasangngé.

AYUB 3:20

Magi narileppessang tolinoé matteru tuwo manrasa-rasa? Magi tajangngé nariyabbéréyang lao ri iya masussaé?

MAZMUR 107:5

Alupurengngi mennang sibawa adekkang sibawa ateddéngeng sininna amménasanna.

MAZMUR 78:19

Naéwai mennang Allataala sibawa makkeda, “Naulléga Allataala mpérékki inanré ri padang kessi'é?

MAZMUR 78:25

Nawéréngngi mennang inanré maona; manréi mennang roti malaéka'.

ASSURENG 14:11

Nakkeda mennang lao ri Musa, “Dé'ga gaga kuburu ri Maséré, angkanna mutiwiki kuwammengngi tamaté ri onrongngéwé? Itani addimonrinna pangkaukemmuro!

ASSURENG 17:3

Iyakiya iyaro sining tauwé madekka senna'ni namatteruna mennang mannoko-noko lao ri Musa. Adanna mennang, “Magi mutiwiki massu polé ri Maséré? Kuwammengngi idi, ana'-ana'ta sibawa olokolo'ta matéi nataro dekka?”

ASSURENG 2:23

Mattaut-taung ri munrinna maténi arung Maséré. Iyakiya bangsa Israélié maddaréké mupi nasaba ripowatai mennang, angkanna gorani mennang méllau tulung. Lettu'ni ri Allataala kelli'na mennang.

ASSURENG 5:21

Nakkeda iyaro sining mandoro'é, “Naisseng Puwangnge pangkaukemmu! Nahukkukko matu! Iko ritu nassabariwi naribenciki ri arungngé sibawa sining pegawénna, angkanna maéloi mpunoki.”

YEREMIA 2:6

Dé' nabati-batika; Iyya, iya puraé dulungngi mennang ri lalengngé, sibawa tiwii mennang massu polé ri Maséré molai padang kessi'é, daéra makabuttu iya maégaé kalebbok-kalebbonna, enrengngé marakko namabbahaya – padang iya dé'é nariyonroi sibawa dé' narilaloi!

YEREMIA 44:17

Sininna iya puraé tajjanciyang, maéloki pogau'i. Tette'ki matu makkasuwiyangeng akkarobangeng lao ri Ratu Surugaé, sibawa tiri uwai anggoro selaku pakkasuwiyang lao ri aléna pada-pada iya biyasaé napogau' toriyolota, arung-ngarungngé sibawa pajaba-pajaba pamaréntata enrengngé idi paimeng ri kota-kotana Yéhuda sibawa risining lalenna Yerusalém. Iyaro wettué mappunnaiko genne inanré, madécékki, sibawa dé' tappunnai asukkarakeng aga-aga.

AWATINGENG 4:9

Manrasa-rasai mennang sibawa maté taccéddé-céddé, nasaba dé' sises-siseng nappunnai inanré; iya maté ri ammusurengngé, lebbi maupe'i naiya maté alupureng.

ABBILANGENG 11:15

Rékko matterui Puwangnge mébbuka makkuwaé, amaséika; lebbi kessing muwi taunona masitta kuwammengngi dé'na utanggungngi iyaé anrasa-rasangngé.”

ABBILANGENG 11:20

iyakiya siuleng bujuru ittana muwanré, angkanna mancaji malasa sibawa talluwa-luwa. Kajajiyangngi iyaro gau'é nasaba purani musampéyang Puwangnge iya engkaé ri tengnga-tengngamu. Kuwaéttopa nasaba purano teri ri yolo-Na sibawa maddaréké makkedaé musalaini tana Maséré.”

ABBILANGENG 14:2

Mannoko-noko'ni mennang lao ri Musa nenniya Harun sibawa makkeda, “Lebbi kessing muwi matéki ri Maséré iyaré'ga ri padang kessi'éwé! Leppessang bawanni matéki!

ABBILANGENG 14:3

Untu' aga natiwiki Puwangnge ri wanuwaéro? Matéki matti ri laleng ammusurengngé na sining bainéta enrengngé ana'-ana'ta ritawangngi. Dé'ga nalebbi kessing muwi lisuki ri Maséré!”

ABBILANGENG 16:13

Dé'paga nagenne mutiwiki massu polé ri Maséré iya macommo'éro untu' mpunoki ri padang kessi'éwé? Harusu'koga parénta tokki?

ABBILANGENG 16:41

Pappa bajana maccai-cai manenni umma Israélié lao ri Musa sibawa Harun. Makkedai mennang, “Purani muwuno umma'na Puwangnge.”

ABBILANGENG 21:5

namannoko-noko lao ri Allataala sibawa Musa. Makkedai mennang, “Magi mutiwiki massu polé ri Maséré? Aga untu' mpunoki ri padang kessi'éwé? Kuwaé dé' gaga inanré, sibawa dé'to gaga uwai. Majani pénedditta sibawa inanré iya makawaéwé!”

RIWAYA'NA RASUL-RASUL-E 26:29

Nappébali Paulus, “Ri laleng wettu dé'é namaitta iyaré'ga ri laleng wettu maittaé, massempajakka lao ri Allataala kuwammengngi na Datu sibawa sininna Bapa'-bapa' iya méngkalingaékka essoéwé weddingngi mancaji pada-pada iyya – sangadinna iyaé balenggué!”

1 KORINTUS 4:8

Mémeng dé'na muwapparelluwassi aga-aga! Sugino iko! Mancaji arunno! Na idi dé'! Temmaka kessinna rékko tonget-tongekko mancaji arung, kuwammengngi weddikki mapparénta silaong iko.

2 KORINTUS 11:1

Palaloka maddonggo-donggo céddé. Wedditto?

ULANGENG 28:67

Wettummu mita agi-agi maddumba'i aromu nasaba métau. Ri élékéléé muwaddennuwangiwi wennié, sibawa ri wennié muwaddennuwangiwi éléé.

ULANGENG 8:3

Naleppessakko alupureng, nainappa Nawérékko manna untu' inanré. Iko sibawa toriyolomu dé' naengka nanréi iyaro inanré ri yolona. Napogau'i Puwangnge makkuwaéro untu' pagguruko makkedaé tolinoé dé' natuwo polé ri inanré bawang, sangadinna poléi risininna iya napowadaé Puwangnge.

YOSUA 7:7

Makkedani Yosua lao ri Puwangnge, “Oh Allataala, Puwak-ku! Untu' aga Mutiwiki lettu ri liwenna Salo Yordan? Aga untu' mabbéréyakki lao risining tau Amorié? Kuwammengngi tamaté? Lebbi kessing muwi monroki bawang kuwaro, ri liwenna Yordan!