ASSURENG 15:8 - KITTA KAREBA MADECENG

⁸ Museppungngi tasi'é, natallulung uwai matanré, tettong pada-pada témbo'é, angkanna weddingngi riyola pabborina tasi'é.

ASSURENG 15:8 ပူးပေါင်းရင်းမြစ်များ

2 SAMUEL 22:16

Tattimpa borina tasi'é sibawa tabbukka pallanggana linoé Wettunna Puwangnge nagera' balin-Na sibawa macai.

AYUB 4:9

Pada-pada anginrajaé, makkuwaniro caina Allataala paccappui mennang angkanna lennye!

MAZMUR 33:7

Napaddeppungengngi sininna uwaina tasi'é riséddié onrong, dolangeng malowangngé Natahangngi ri laleng téppo'é.

MAZMUR 78:13

Napuwé'i tasi'é, nainappa mallétto mennang; Napatettongngi uwai pada-pada téppo'é.

ASSURENG 14:29

Iyakiya wettunna tau Israélié malléttoiwi tasi'é, joppai mennang ri borina iya marakkoé, na uwai sinrupai témbo'é ri ataunna sibawa abéyona.

YESAYA 11:4

Naadélékiwi tau kasiyasié sibawa adélé, tau iya dé'é pakkullénna naadélékiwi sibawa malempu; tau pasalaé nahukkungngi nasaba paréntana, napaccappui tau majaé.

YESAYA 37:7

Puwangnge mébbui matu arung Asyur jampangiwi séuwa karéba anging angkanna lisu ri wanuwanna, na kuwaniro riyuno matu.”

HABAKUK 3:10

Naita-Mu, taggottang sining bulué polé ri langié nonnoi bosié pada-pada ritiri'é. Mangoro oninna uwai ri yawana tanaé, mallulung bombangngé sibawa mangappo.

HABAKUK 3:15

Nasibawang anyaram-Mu Muléjja'-léjja'i dolangengngé sibawa tasi iya maputé mabbusa.

2 TESALONIKA 2:8

nappai paita iyaro Tolino Majaé. Narékko poléni Puwang Yésus, naunoi matu iyaro Tolino Majaé sibawa nappase' polé ri témun-Na, enrengngé pabbinasai sibawa cahaya ahadéréken-Na.

YOSUA 3:13

Matti rékko sining imang iya mpulééngngi Petti Assijancinna Puwangnge makkellarengngi ajéna ri laleng uwaina Salo Yordanro, pettui matu uwaina massolo; uwai iya massolo'é polé riyulu tattéppo'i matu riséuwaé onrong.”

YOSUA 3:16

iyatoro wettué napettu massolo uwaina saloé. Mabéla ri bagiyang ulunna saloé, maddeppungengngi uwaina ri Adam, séddiwi kota iya monroé ri seddéna kota Sartan. Uwaéna ri bagiyang toddang iya massolo'é lao ri Tasi Maté pettu siseng, angkanna naulléi mallétto umma Israélié ri yasé'na tana rakkoé siyolong kota Yérikho. Sining imang iya mpulééngngi Petti Assijancingngéro tette'i tettong ri tengnga-tengngana saloé narapi lettu maneng umma Israélié ri liweng.