ASSURENG 15:2 - KITTA KAREBA MADECENG

² Puwangnge pangéwaingekku iya mawatangngé; Aléna ritu passalama'ka. Aléna Allataalaku, Allataala nasompaé néné-nénéku, upakarajai Aléna.

ASSURENG 15:2 ပူးပေါင်းရင်းမြစ်များ

KAJAJIYANG 17:7

Maélo-Ka rupaiwi jancik-Ku lao ri iko sibawa lao ri wija-wijammu, massossoreng, na iyaro assijancik-Ku mannennungengngi. Maélo-Ka mancaji Allataalamu sibawa Allataalana wija-wijammu.

KAJAJIYANG 49:18

Oh Puwang, asalamakeng iya Muwabbéréyangngé, iyanaro utajet-tajeng.

2 SAMUEL 22:3

Puwangnge pada-padai bénténg iya mawatangngé onrokku mallinrung. Allataalaku pada-padai bulu batué, onrokku maccinaung. Pada-pada kaliyawoé tongkoka, sibawa jagaika kuwammengngi natuli amakka.

2 SAMUEL 22:47

Tuwoi Puwangnge! Ripojiwi pangéwaingekku! Pakarajai arajanna Allataala, pappassalama'ku!

2 SAMUEL 22:51

Allataala mabbéré apakalang battowa lao ri arun-Na, tette'i namaséi tau napilé-Na, iyanaritu Daud sibawa wija-wijanna untu' mannennungeng.

2 SAMUEL 7:24

Purani Mupancaji bangsa Israélié umma'-Mu untu' mannennungeng, sibawa Iko oh Puwang, mancaji Allataalana mennang.

2 SAMUEL 7:5

“Laono namupalettukengngi atak-Ku Daud pasek-Kué, ‘Masa Iko patettongek-Ka bola.

1 ARUNG-NGARUNG 8:13

Makkekkuwangngé upatettongenno bola iya magelloé, untu' onrong Muwonroi mannennungeng.”

1 ARUNG-NGARUNG 8:27

Iyakiya, oh Allataala, maélo tongekkoga monro ri linoéwé? Namuwi sininna langié dé'to nagenne lowanna untu' alé-Mu, apalagi bola assompang iya upatettongngéwé!

1 TAWARIKH 16:14

Puwangnge iyanaritu Allataalata, apettun-Na takkennai ri sininna linoé.

MAZMUR 109:1

Untu' pamimping kor. Mazmurna Daud. Oh Allataala iya tuli upojiyé, aja' tamammekko.

MAZMUR 118:14

Puwangnge iyanaritu awatangekku sibawa usompaé, puraka napassalama.

MAZMUR 118:21

Upoji-Ko, saba' Mutarimai sempajakku; puraka Muwéréng apakalang.

MAZMUR 118:28

Iko Allataalaku, sukkuru'ka lao ri Iko, Allataalaku, upakaraja-Ko.

MAZMUR 132:5

ri wettu dé'na upassadiya bola untu' Allataalana Yakub, onrong naonroi untu' Puwang Iya Pommawatangngé.”

MAZMUR 140:7

Oh Puwang, makkedaka: Iko ritu Allataalaku, jampangiwi sempajang paréllaukku.

MAZMUR 145:1

Pappojiyang polé ri Daud. Maéloka pakaraja-Ko, oh Allataalaku sibawa Arukku, sibawa poji-Ko mannennungeng.

MAZMUR 18:46

Teddénni abaraningenna mennang; ténréi mennang sibawa massu polé ri bénténna.

MAZMUR 22:10

Iko ritu passuka polé ri parémmanangngé, sibawa mébbuka amang ri wakkanna indo'ku.

MAZMUR 22:3

Oh Allataalaku, mangobbika ri lakessoé, iyakiya tette'-Ko mammekko. Massempajakka ri wennié, dé'to natennang atikku.

MAZMUR 27:1

Mazmurna Daud. Puwangnge iyanaritu cahayaku sibawa asalamakekku, dé'gaga iya uwétauriyé. Puwangnge iyanaritu bénténg allinrungekku, dé' matu umétau.

MAZMUR 28:8

Puwangnge mabbéré awatangeng lao ri umma'-Na, Naéwaiwi sibawa Napassalama'i arung napilé-Na.

MAZMUR 30:1

Mazmurna Daud. Elong untu' résmikangngi Bolana Allataala.

MAZMUR 34:3

Maéloka sukkuru nasaba pangkaukenna Puwangnge; tennapodo tau ritenre'é naéngkalingai sibawa marennu.

MAZMUR 48:14

Pénessaiwi témbo'na, paréssai bénténna, kuwammengngi muwulléi curitai lao ri wija-wijammu:

MAZMUR 59:17

Iyakiya makkélokka passalenna awatangem-Mu; tungke élé makkélokka sibawa macenno passalenna pammasé sibawa atinulurem-Mu. Saba' Iko ritu onrong allaringekku, onrokku mallinrung ri wettu sussaé.

MAZMUR 68:20

Pojiwi Puwangnge, saba' Aléna Allataala iya passalamaékki; polé ri essoé lao ri essoé Naéssangngi tiwita.

MAZMUR 99:5

Pakalebbii Puwang Allataalata, suju'no ri yolona kadéra arajan-Na, Mapaccingngi Aléna!

MAZMUR 99:9

Pakalebbii Puwang Allataalata, sibawa sompai Aléna ri Bulu-buluna iya mapaccingngé, saba' mapaccingngi Puwang Allataalata.

ASSURENG 14:13

Nappébali Musa, “Aja' mumétau! Attahanno! Muwitai matu aga napogau' Puwangnge untu' passalama'ko. Tau Maséré iya muwitaé makkekkuwangngé, dé'na matu muwitani paimeng.

ASSURENG 3:6

Iyya'é Allataalana néné-nénému, Allataalana Abraham, Ishak sibawa Yakub.” Natongkoni Musa rupanna, saba' métaui mitai Allataala.

ASSURENG 4:22

Nainappa akkedano lao ri arungngéro makkedaé Iyya, Puwang, mappaseng makkuwaé: ‘Israélié iyanaritu ana'-Ku iya macowaé,

ASSURENG 40:34

Nananonnona ellungngé tongkoi Kémana Puwangnge, sibawa pennoni iyaro Kémaé sibawa cahaya ahadérékenna Puwangnge.

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

YESAYA 12:2

Tongeng, iyaro Allataala Pappassalama'ku, mateppe'ka lao ri Aléna. Dé' umétau, saba' Napéwatangika. Pappassalama'ku iyanaritu Allataala, untu' Aléna umakkélong.

YESAYA 25:1

Puwang, Iko ritu Allataalaku, upakaraja-Ko sibawa upojiwi asem-Mu. Saba' ébbu-ébbu-Mu mappabengnga senna; mappammulai riyolo Murancanai, sibawa pogau'i sibawa matinulu.

YESAYA 45:17

Iyakiya Israélié ripassalama'i ri Puwangnge; asalamakenna mattahangngi matu. Dé' naripakasiriko matu sibawa ripakatuna lettu mannennungeng.’ ”

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YESAYA 66:1

Makkedai Puwangnge, “Langié iyanaritu kadéra arajak-Ku, sibawa linoé attuppungeng ajé-Ku. Jaji bola maragaénna maélo mupatettongek-Ka, sibawa onrong agana maélo mupancaji onrok-Ku?

YEREMIA 3:23

Siya-siya bawakki ramé-ramé massompa barahala ri tompo'na coppo-coppo bulué! Pattulung untu' Israélié banna poléi ri Puwang Allataalata.

YEREMIA 31:33

Iyanaé assijancing mabaru iya Uwébbué matu sibawa umma Israélié: Utaroi matu hukkung-hukkuk-Ku ri laleng baténna mennang, sibawa Uwokii ri laleng atinna mennang. Mancaji-Ka Allataalana mennang, na mennang mancaji umma'-Ku.

YEREMIA 32:38

Mancajiwi matu mennang umma'-Ku, sibawa Iyya mancaji Allataalana.

HABAKUK 3:13

Majjongkako malluru untu' paleppe'i umma'-Mu sibawa untu' passalama'i arung Mupilé. Muwunrui gangkanna mabuwang pamimpinna tau madorakaé, Musaringngi gangka cappu sininna tomaccowériyéngngi.

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”

LUKAS 1:77

Untu' mabbirittangngi lao ri umma'-Na sibawa ripassalama'i matu mennang, rékko purani naddampengeng Allataala dosa-dosana mennang.

LUKAS 2:30

Saba' mata alékuna pura mitai Pappassalama' polé ri Iko.

YOHANES 4:22

Iko tau Samariako sompai iya dé'é muwissengngi, na idi tau Yahudié sompaki iya riissengngé, saba' asalamakengngé poléi ri tau Yahudié.

YOHANES 5:23

Napogau'i Ambo'é iyaro kuwammengngi nasininna tauwé pakalebbii Ana'é pada-pada mennang pakalebbii Ambo'é. Tau iya dé'é napakalebbii Ana'é dé'to napakalebbii Ambo'é iya suroéngngi Ana'é.

RIWAYA'NA RASUL-RASUL-E 4:12

Yésus bawang naola nasalama tauwé. Saba' ri sininna linoé ri yelle'na rupa tauwé dé' séddi tau laing iya puraé lolongeng akuwasang polé ri Allataala untu' passalama'ki.”

2 KORINTUS 5:19

Birittatta iyanaritu makkedaé nasibawang pappasisumpunna naolai Kristus, naébbui Allataala tolinoé simadécéngeng paimeng sibawa Aléna. Napogau'i Allataala iyaro sibawa tennatuntu sining asalang iya puraé napogau' tolinoé lao ri Aléna. Pura risuroni ri Allataala untu' mabbirittangngi iyaro karébaé.

EFESUS 2:22

Nasaba tuwo masséddiwi sibawa Kristus, mattengngang tokko ripatettong silaong sining tau laingngé mancaji séddi bola untu' Allataala; kuwaniro Allataala monro sibawa Roh-Na.

ULANGENG 10:21

Pojiwi nasaba Aléna Allataalamu. Mata ulummu pura mitai pangkaukeng-pangkaukeng héba'é sibawa maseroé iya napogaukengngékko.

FILIPI 2:11

Mangaku manengngi matu mennang makkedaé Yésus Kristus ritu Puwang; nanallalengiro naripakalebbi Allataala Ambo'é.

FILIPI 4:13

Nasibawang akuwasang iya nabbéréyangngé Kristus lao ri iyya, mappunnaika awatangeng moloiwi sininna rupanna keadaangngé.

KOLOSE 2:9

Saba' sininna paribadinna Allataala monroi ri laleng Kristus, iyanaritu ri tolino-Na.

WAHYU 15:3

Sibawa makkélongngi mennang élonna Musa, atanna Allataala, enrengngé élonna Ana' Bimbala'é. Makkuwaiyé oninna, “Puwang, Allataala Pommakuwasaé, temmaka loppona sibawa makalallainna sining pangkaukem-Mu! Arunna sininna bangsaé, temmaka adélé'na sibawa tongenna sining tindakem-Mu!

WAHYU 19:1

Purairo uwéngkalingani séuwa sadda iya pada-padaé sadda merunna tau maégaé polé ri surugaé iya gora-goraé, “Pojiwi Allataala! Allataalata iyanaritu Allataala iya mappassalama'é; Allataala iya marajaé sibawa makuwasaé!

HAKING-HAKING 5:21

Sapu Salo Kison malirengngi balié. Maju, majuno sibawa barani, éh nyawaku!