ASSURENG 14:3 - KITTA KAREBA MADECENG

³ Nasengngi matu arung Maséré makkedaé solléni tau Israélié ri wanuwaéwé sibawa pusa ri padang kessi'é.

ASSURENG 14:3 ပူးပေါင်းရင်းမြစ်များ

MAZMUR 139:2

Muwisseng sininna pangkaukekku; Mupahangngi pikkirakku polé mabéla.

MAZMUR 139:4

Mala ri wettu dé'napa umabbicara, Muwisseng aga iya maéloé upowada.

MAZMUR 3:2

Oh Puwang, temmaka égana balikku, maéga senna gasaka!

MAZMUR 71:11

Adanna mennang, “Risalaini ri Allataala; laono mai talellungngi sibawa tatikkengngi, saba' dé'gaga passalama'i.”

ASSURENG 14:2

“Suroni tau Israélié lisu sibawa makkéma ri yolona kota Pi-Hahirot, pallawangenna kota Migdol sibawa Tasi Gelaga, seddéna kota Baal-Zéfon.

ASSURENG 14:4

Upancajiwi matu matedde ati angkanna nalellukko. Iyakiya maélo-Ka mappaitangngi aku wasak-Ku ri yasé'na arung Maséré sibawa tentarana, nanaissengngi matu mennang makkedaé Iyya'na Puwang.” Nanapogau'ni tau Israélié pada-pada iya napparéntangngé Puwangnge lao ri mennang.

YEHEZKIEL 38:17

Dé'ga napassalenna iko mabbicara-Ka riyolo naolai ata-atak-Ku sining nabinna Israélié? Purai mennang naboto makkedaé ri wettu iya maéloé polé Usuroi matu séddi tau untu' gasai Israélié. Iyya Puwang Iya Pommatanré pura mabbicara.”

RIWAYA'NA RASUL-RASUL-E 4:28

Masséddiwi mennang untu' pogau'i sini-sininnaé, iya puraé Mupattentu lebbi riyolo makkedaé iyaro kajajiyangngi matu. Na-Mupattentui iyaro ri laleng akuwasang sibawa élo-Mu.

ULANGENG 31:21

sibawa maéga abala masero kennai matu mennang. Iyakiya iyaé élongngé tette'i ripuwélong nenniya ripaké selaku asabbiyang lao ri mennang. Mala makkekkuwangngé, ri wettu dé'napa Utiwii mennang ri wanuwa iya Uwajjanciyangngé, Uwisseng pikkiranna mennang.”

HAKING-HAKING 16:2

Nanaéngkalingani pabbanuwana Gaza makkedaé engkai Simson kuwaro. Jaji, nakeppunni onrongngéro sibawa natajengngi puppu benni ri gerbanna kotaé. Iyakiya dé' aga-aga napogau' iyaro wennié nasaba mappikkiri'i mennang, “Mompopi matti matanna essoé, nappaki mpunoi.”

1 SAMUEL 23:23

Jaji paréssai madécét-décéng gowa-gowa iya puraé mancaji onrong assubbuwanna, namulisu kumaiyé untu' laporo'i ri iyya. Nainappa maéloka lao sibawa iko, narékko engka mupi ri daéraéro, pasti usappai matu, namuni harusu'i upatassiya-siya sininna Yéhuda!”

1 SAMUEL 23:7

Wettunna ripaissengiwi Saul makkedaé engkai Daud ri Kéhila, pikkiranna Saul, “Nabbéréyanni Allataala Daud lao ri aléku. Nalani jebba nasaba muttama'ni ri laleng kota iya mattémbo'é sibawa mappintu gerbangngé.”