ASSURENG 11:3 - KITTA KAREBA MADECENG

³ Puwangnge mébbui tau Maséré'é makacuwa lao ri tau Israélié. Mancajini Musa tau iya ripakalebbi senna'é risining pejaba'é sibawa sininna ra'ya' Maséré.

ASSURENG 11:3 ပူးပေါင်းရင်းမြစ်များ

KAJAJIYANG 12:2

Maélo-Ka mpérékko wija iya maégaé sibawa mancajiwi matu bangsa iya battowaé. Maélo-Ka barakkakiko sibawa mébbui asemmu tarompo, angkammu mancaji matu barakka.

KAJAJIYANG 39:21

Iyakiya Puwangnge sibawangngi Yusuf sibawa mamaséiwi matteru, angkanna kapala tarungkué napojiwi.

2 SAMUEL 7:9

Purano Usibawang kégi-kégiko lao, sibawa sininna balimmu purani Upaccappu ri wettummu mammusu. Uwébbuko matu tarompo pada-pada sining pamimping iya kaminang battowaé ri linoé.

ESTER 9:4

Ri sininna akkarungengngé naisseng tauwé makkedaé mappangaru senna'i Mordékhai ri saorajaé sibawa pédé makuwasa towi.

MAZMUR 106:46

Naébbui mennang riyamaséi ri sininna tau iya tawangngéngngi mennang.

ASSURENG 12:35

Pura toni napogau' mennang aga iya napowadaé Musa, iyanaritu méllauwi paréwa ulawenna sibawa péra'na enrengngé pakéyanna tau Maséré'é.

ASSURENG 12:36

Puwangnge mébbui tau Maséré'é makacuwa lao ri tau Israélié, angkanna nabbéréyangngi mennang aga iya naéllauwé tau Israélié. Nanallalengiro natiwini tau Israélié asugirenna tau Maséré'é massu polé ri wanuwaéro.

ASSURENG 3:21

Uwébbui matu tau Maséré'é masémpo ati lao ri iko, angkanna wettunna umma'-Ku joppa, dé' mulao sibawa lima kosong.

YESAYA 60:14

Ana'-ana'na tenre'ékko poléi suju', iya puraé pakatunako tunru'i matu, riteppuko matu ‘Kotana Puwangnge’, ‘Sion, Kotana Allataala Mapaccinna Israélié’.

RIWAYA'NA RASUL-RASUL-E 7:22

Sining pangissengeng bangsa Maséré'é ripagguruwanni namancajina tau makuwasa senna' ri laleng ada-adanna sibawa pangkaukenna.

ULANGENG 34:10

Ri Israélié dé'na gaga nabi pada-pada Musa iya mabbicaraé siyolong tappa Puwangnge.

ULANGENG 34:11

Dé' gaga pogau' sining mujiza'é sibawa sining makalallaingngé padanna iya napogau'é Musa lao ri wanuwa Maséré, arunna sibawa sining pejaba'na situru sibawa paréntana Puwangnge.

YOSUA 4:14

Iyaro essoé napogau'i Puwangnge gau'-gau' iya mébbuéngngi bangsa Israélié pakalebbii Yosua selaku tau maraja. Gangka tuwona napakalebbii mennang pada-pada napakalebbina Musa.

WAHYU 3:9

Engngerangngi iyaé: Sining tau iya mancajiyé umma'na Ibillisi'éro, sining tau pabbelléng iya mangakuiyéngngi aléna Yahudi, padahal tenniya, maélo Uwébbu angkanna mennang polé suju' ri yolomu. Nanaissengngi matu mennang makkedaé Uwamaséiko.