ANGIMANGENG 9:9 - KITTA KAREBA MADECENG

⁹ Ana'-ana'na Harun palettu'i darana iyaro olokolo'é lao ri Harun, sibawa majjajjekengngi jarinna ri laleng daraéro, enrengngé massapuwangngi ri tanru'-tanru'é ri iya eppa sunna mézbaéro. Purairo dara iya nasésaé riyabbolorengngi ri pabborina mézbaé.

ANGIMANGENG 9:9 ပူးပေါင်းရင်းမြစ်များ

YEHEZKIEL 43:15

Iyaé bagiyang matellué iyanaritu onrong mattunu akkarobangeng; tanréna duwa météré. Ri iya eppa sunna engka bagiyang iya mabbuccué pada-pada tanru'é.

YEHEZKIEL 43:20

Alai céddé darana namuwassapuwangngi ri tanru-tanru'é ri iya eppa sunna coppo'na mézbaéro, makkuwatoro sining sunna ri bagiyang tengngana enrengngé ri mattulilinna wirinna mézbaéro. Nasibawang caraéro mupaccingiwi iyaro mézbaé sibawa pallaingngi untu' Iyya.

ANGIMANGENG 16:18

harusu'i Harun massu sibawa lao ri mézba akkarobang ritunué untu' paccingiwi iyaro mézbaé. Harusu'i mala céddé dara saping sibawa dara bémbé, nanassapuwangngi ri tanru-tanru sunna mézbaé.

ANGIMANGENG 4:25

Harusu'i natellengeng jarinna imangngé ri laleng dara olokolo'éro nainappa nassapuwang ri tanru-tanru sunna mézbaé, na sésana nabbolorengngi ri pabborina mézbaé.

ANGIMANGENG 4:30

Harusu'i imangngé tellengengngi jarinna ri laleng dara olokolo'éro, nainappa nassapuwang ri tanru-tanru sunna mézbaé, na sésana nabbolorengngi ri pabborina mézbaé.

ANGIMANGENG 8:15

Nainappa nagéré Musa sibawa malai sibagiyang darana. Iyaro daraé nassapuwangngi sibawa jarinna ri tanru-tanru mézbaé, kuwammengngi iyaro mézbaé naripallaing untu' Allataala. Dara iya nasésaé riyabbolorengngi ri pabborina mézbaé. Makkuwaniro carana iyaro mézbaé ripépaccingi sibawa ripallaing untu' Puwangnge.

ANGIMANGENG 9:10

Lunra, ginjal sibawa bagiyang kaminang makessingngé polé ri olokolo'éro ritunui ri yasé'na mézbaé, pada-pada iya napparéntangngé Puwangnge lao ri Musa.

ANGIMANGENG 9:12

Nainappa Harun maggéré olokolo untu' akkarobangeng ritunué untu' aléna muto. Ana'-ana'na Harun palettu'i darana iyaro olokolo'é lao ri aléna, nainappa nabboloreng ri iya eppa benrénna mézbaé.

ANGIMANGENG 9:18

Nainappa géré towi sikaju saping lai sibawa sikaju bimbala lai untu' akkarobangeng pappasidaména umma'é. Ana'-ana'na Harun palettu'i iyaro dara olokolo'é lao ri aléna, nainappa nabboloreng ri iya eppa benrénna mézbaé.

IBRANI 2:10

Mémeng sipato'ni Allataala – iya pinruéngngi sininna séuwa-séuwaé untu' akkatta-Na muto – mébbui Yésus pappassalama' iya sukkué naolai anrasa-rasangngé. Nallalengiro naulléi Allataala mérai maéga tau untu' maccowé ripakaraja silaong Yésus. Saba' Aléna pattimpa laleng lao ri mennang untu' weddingngi ripassalama'.