ANGIMANGENG 9:7 - KITTA KAREBA MADECENG

⁷ Purananaro makkedani lao ri Harun, “Laono ri mézbaé sibawa passadiyai akkarobangeng paddampengeng dosaé sibawa akkarobangeng ritunué, kuwammengngi dosamu sibawa dosana umma'é naddampengengngi Puwangnge. Pogau'ni iyaro pada-pada iya napparéntangngé Puwangnge.”

ANGIMANGENG 9:7 ပူးပေါင်းရင်းမြစ်များ

ANGIMANGENG 16:11

Puranana Harun makkasuwiyang sibawa nagéré saping laié untu' akkarobangeng paddampengeng dosa untu' aléna sibawa untu' kaluwargana,

ANGIMANGENG 16:24

Nainappa harusu'i cemmé riséuwaé onrong iya ripallaingngé sibawa pakéi pakéyanna muto. Puranana harusu'i massu sibawa makkasuwiyangeng akkarobangeng ritunu untu' paddampengeng dosana muto sibawa dosana bangsa Israélié.

ANGIMANGENG 16:6

Harusu'i Harun makkasuwiyangeng saping lai untu' akkarobangeng paddampengeng dosa untu' aléna muto sibawa kaluwargana.

ANGIMANGENG 4:3

Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 8:34

Napparéntangngi Puwangnge kuwammengngi aga iya ripogau'é iyaé essoé ripogau' towi matteru. Nasibawang upacaraéro riyaddampengengngi dosa-dosamu.

ANGIMANGENG 9:2

Nakkeda Musa lao ri Harun, “Alano sikaju saping lai malolo sibawa sikaju bimbala lai, iya duwa dé'gaga sala-salanna. Akkasuwiyangengngi iya duwa olokolo'éro lao ri Puwangnge, saping laié untu' akkarobangeng paddampengeng dosa, sibawa bimbala laié untu' akkarobangeng ritunu.

IBRANI 5:1

Tungke' imang lompo ripiléi polé ri yelle'na umma'é, sibawa riyakka untu' tumaningiwi Allataala selaku wakkélé'na mennang. Jamanna iyanaritu makkasuwiyangengngi lao ri Allataala sining pabbéréna sibawa akkarobangeng-akkarobangenna untu' riyaddampengenna dosaé.

IBRANI 5:3

Sibawa nasaba malemmai aléna, na harusu'i makkasuwiyangeng akkarobangeng, tenniya bawang nasaba dosa-dosana umma'é, iyakiya nasaba dosa-dosanato aléna.

IBRANI 9:7

Iya muttama'é ri bagiyang kaminang marilalenna iyaro kémaé banna imang lompoé bawang. Napogau'i iyaro siseng bawang sitaung. Napogau'i iyaro sibawa tiwi dara untu' riyakkasuwiyangeng ri Allataala nasaba aléna muto sibawa nasaba dosa-dosa iya napogau'é umma'-Na tennasadariwi.

1 SAMUEL 3:14

Rimakkuwannanaro mattanroka passalenna kaluwargana Eli, makkedaé dosana mennang iya battowa senna'éro dé' nawedding riledda sibawa muwi akkarobangeng iyaré'ga pakkasuwiyang aga untu' mannennungeng.”