ANGIMANGENG 9:4 - KITTA KAREBA MADECENG

⁴ Suroi mennang makkasuwiyangeng towi sikaju saping lai sibawa sikaju bémbé lai untu' akkarobangeng pappasidamé. Iya manennaro harusu'i mennang nakkasuwiyangeng lao ri Puwangnge silaong akkarobangeng ripatalaé iya riwéréngngé minnya, nasaba ri essoéwé poléi Puwangnge lao ri mennang.”

ANGIMANGENG 9:4 ပူးပေါင်းရင်းမြစ်များ

ASSURENG 16:10

Ri wettu mabbicarana mupa Harun lao ri iya manenna, makkitani mennang lao ri padang kessi'é natappa paitani cahayana Puwangnge ri laleng ellungngé.

ASSURENG 19:11

Harusu'i mennang sadiyana sangadi. Iyaro essoé maélo-Ka nonno ri tompo'na Bulu Sinai, onrong weddingngé naitaka sininna tauwé.

ASSURENG 24:16

Nonnoni cahaya ahadérékenna Puwangnge ri tompo'na buluéro sibawa naitani tau Israélié pada-pada api iya malluwa'é ri coppo'na bulué. Enneng esso ittana natongko ellung iyaro bulué, na ri esso iya mapitué riyobbini Musa ri Puwangnge polé ri ellungngéro.

ASSURENG 29:43

Kuwaro maélo-Ka siruntu sibawa bangsa Israélié, sibawa cahaya ahadérékek-Ku pancajiwi matu iyaro onrongngé mapaccing.

YEHEZKIEL 43:2

nakkuwanrio uwita polé ri alau cahaya pawiloé iya tanrangiyéngngi ahadérékenna Allataalana Israélié. Paéngkalingani saddanna Allataala pada-pada dolangeng memmu'é, namillak-killang linoé nasaba cahaya ahadérékenna Allataala.

YEHEZKIEL 43:27

Labe'nana iya pitu essoéro, sining imangngé harusu'i mappammula makkasuwiyang ri yasé'na mézbaéro akkarobangeng ritunu sibawa akkarobangeng assidaméngeng untu' umma'é. Na-Umasennang matu sibawa iko maneng. Iyya, Puwang Iya Pommatanré pura mabbicara.”

ANGIMANGENG 2:1

Rékko séddié tau makkasuwiyangeng akkarobangeng ripatalaé lao ri Puwangnge, iyaro akkarobangngé harusu'i labbu iya kaminang makessingngé iya riboloé minnya zaitun sibawa riwéréng kamennyang ri tompo'na.

ANGIMANGENG 3:1

Rékko séddié tau makkasuwiyangeng sikaju saping untu' akkarobangeng pappasidamé, iyaro sapingngé wedding lai, wedding komba, iyakiya dé' nawedding engka sala-salanna.

ANGIMANGENG 9:23

Nainappa Musa sibawa Harun muttama ri laleng Kémana Puwangnge. Purairo massuni mennang sibawa barakkakiwi umma'é. Nanaitani sininna umma Israélié cahaya ahadérékenna Puwangnge.

ANGIMANGENG 9:3

Nainappa musuro bangsa Israélié makkasuwiyangeng sikaju bémbé lai untu' akkarobangeng paddampengeng dosa sibawa sikaju ana' saping enrengngé sikaju ana' bimbala iya tungke'-tungke'é makkéumuru sitaung sibawa dé'gaga sala-salanna untu' akkarobangeng ritunu.

ANGIMANGENG 9:5

Sininna iya nappasengengngé Musa natiwini mennang ri yolona Kémaé, sibawa sininna umma'é maddeppungengngi kuwaro untu' massompa lao ri Puwangnge.

ANGIMANGENG 9:6

Nainappa makkeda Musa, “Puwangnge suroko pogau'i iyaé kuwammengngi mulléi mitai cahaya ahadérékenna Puwangnge.”

ABBILANGENG 14:10

Mangancang maneng ra'ya'é maélo genrungngi mennang sibawa batu gangka maté. Iyakiya tappa naitai iyaro sining tauwé cahaya pawilo-wilona Puwangnge mompo ri yasé'na Kéma-Na.

ABBILANGENG 16:19

Nanapaddeppungenni Kora sininna umma'é, natettong mennang siyolong Musa sibawa Harun ri sumpanna Kémana Puwangnge. Tappa naitani sininna umma'é cahaya pawilo-wilona Puwangnge.