ANGIMANGENG 9:24 - KITTA KAREBA MADECENG

²⁴ Tennasenna-sennana napanonnoi Puwangnge api iya tunuéngngi gangka cappu akkarobangeng ritunué sibawa sining bagiyanna iya mallunra'é ri yasé'na mézbaé, wettunna naita umma Israélié, gora-gorani mennang nainappa suju' massompa.

ANGIMANGENG 9:24 ပူးပေါင်းရင်းမြစ်များ

KAJAJIYANG 15:17

Wenninnana, tappa momponi séddi dapo iya maddumpué sibawa sulo iya malluwa'é, nainappa lalo ri yelle'na sépa'-sépa' jukuéro.

KAJAJIYANG 17:3

Nasuju'na Abram, nainappa makkeda Allataala,

2 ARUNG-NGARUNG 19:15

nainappa massempajang, adanna, “Puwang, Allataalana Israélié, iya monroé ri yasé'na kérub-é, Iko alé-aléna Allataala iya makuwasaiyéngngi sininna akkarungengngé ri tompo'na linoé. Iko ritu pancajiwi langié sibawa linoé.

1 TAWARIKH 21:26

Nainappa patettong Daud séddi mézba kuwaro untu' Puwangnge, sibawa makkasuwiyangeng akkarobangeng ritunu nenniya akkarobangeng pappasidamé. Nainappa massempajang na Puwangnge baliwi sempajannaro sibawa panonno api polé ri langié iya tunuéngngi sining akkarobangengngéro ri yasé'na mézbaéro.

2 TAWARIKH 6:2

Upatettongenno makkekkuwangngé Bola iya magelloé, untu' onrong Muwonroi mannennungeng.”

EZRA 3:11

Napuwélonni ra'ya'é pappoji-pojiyangngé untu' Puwangnge, nanapakkolik-koling towi bagiyang paccappurenna, makkuwaiyé oninna, “Makessingngi iyaro Puwangnge; sibawa mannennungengngi pammaséna lao ri Israélié.” Maccowé maneng ra'ya'é gora sibawa pojiwi Puwangnge, saba' purani ripasang pandaménna Bolana Puwangnge.

MAZMUR 80:1

Untu' pamimping kor. Situru lagunna: Bunga Bakungngé. Mazmur asabbiyanna Asaf.

ASSURENG 3:2

Kuwaniro nappaitang aléna malaéka'na Puwangnge lao ri Musa ri laleng luwa api iya massué polé ri tengnga-tengngana alekale'é. Naitani Musa iyaro alekale'é malluwa, iyakiya dé' naanréi api.

ANGIMANGENG 10:2

Napapoléna Puwangnge api iya tunuéngngi mennang angkanna maté ri Kémana Puwangnge.

ABBILANGENG 14:5

Nanasuju'na Musa sibawa Harun ri yolona sininna ra'ya'é.

ABBILANGENG 16:22

Iyakiya Musa sibawa Harun suju'i massompa sibawa makkeda, “Oh Allataala, idi ritu iya mabbéré atuwong lao ri sininna iya tuwoé. Rékko banna séddi bawang iya madosaé, macaiki'ga lao ri sininna umma'é?”

ABBILANGENG 23:21

Ri Yakub dé' napaita jaé; ri Israélié dé' napaita asukkarakengngé. Puwangnge, Allataalana mennang, sibawangngi. Gorai mennang: Aléna ritu Arung!

MATIUS 26:39

Nainappa Yésus lao mabéla-béla céddé, nanakkaluttu ri tanaé massempajang. Adan-Na, “Ambo', rékko weddingngi, pabélaini polé ri Iyya anrasa-rasang iya harusu'é Upéneddingi. Iyakiya aja' nasituru' élo-Ku, sangadinna situru élona Ambo' bawang.”

WAHYU 4:9

Iya eppa mahlu'éro makkélongngi élokkélong pappojiyang, pappakalebbi sibawa sukkuru' lao ri Aléna iya tudangngé ri kadéra arajangngéro, iyanaritu Aléna iya tuwoé lettu mannennungeng. Na wettunna iyaro mahlu'-mahlu'é makkélong,

WAHYU 5:8

Ri wettu kédo makkuwannaro iyaro Ana' Bimbala'é, tassulunni iya eppa mahlu'é enrengngé iya duwappulo eppa pamimpingngéro ri yolona. Tungke'-tungke' mennang makkatenning kacapi enrengngé mangko' ulaweng iya mallise'é kamennyang, iyanaritu sining paddowangenna umma'na Allataala.

WAHYU 7:11

Sininna malaéka'é tettongngi mattulilingiwi kadéra arajangngé enrengngé sining pamimpingngé kuwaéttopa iya eppa mahlu'éro. Iyaro sining malaéka'é tassulunni ri yolona kadéra arajangngé nainappa sompai Allataala.

HAKING-HAKING 13:23

Nappébali bainéna, “Rékko mémeng maéloi Puwangnge mpunoki, pasti dé' Namaélo tarimai akkarobangeng iya riyakkasuwiyangengngé lao ri Alénaro; sibawa dé'to Namaélo mappaitang manengngi iyaé lao ri idi iyaré'ga mappaissengengngi gau'-gau' iya puraé Napowada lao ri idi.”

HAKING-HAKING 6:21

Nainappa iyaro malaéka'na Puwangnge naloro limanna nanasibawang cappa aju iya nakkatenningngé nagéssai iyaro jukué sibawa rotié. Malluwa'ni iyaro batué nanacappu nanré iyaro jukué sibawa rotié. Nainappa lennye'ni iyaro malaéka'é.